Tom Moore (militaris)
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
![](https://upload.wikimedia.org/wikipedia/commons/thumb/7/7d/Tom_Moore_%28soldier%29.jpg/220px-Tom_Moore_%28soldier%29.jpg)
Kaptein Sir Thomas Moore (30 April 1920 - 2 Februarie 2021), beter bekend as Kaptein Tom, was 'n offisier in die Britse Leër wat bekend daarvoor was dat hy fondsinsamelings gedoen het vir liefdadigheid in die aanloop tot sy 100ste verjaardag tydens die Covid-19-pandemie.
Moore het tydens die Tweede Wêreldoorlog in Indië diens gedoen en was betrokke by die Birma-veldtog. Hy het later 'n instrukteur geword in gemeganiseerde oorlogvoering. Na die oorlog was hy werksaam as die besturende-hoof van 'n betononderneming. Hy was 'n ywerige motorfietsrenjaer.
Hy het op 6 April 2020 (op die hoogsbejaarde ouderdom van 99) begin om in sy tuin te stap ten bate van NHS Charities Together, met die doel om teen sy 100ste verjaardag £ 1000 in te samel. Tydens die 24-dag-lange staptog het hy verskeie media-verskynings gemaak en 'n gewilde naam in die Verenigde Koninkryk geword, wat 'n groot aantal eerbewyse aan hom besorg het en meer as 1,5 miljoen individuele skenkings tot gevolg gehad het. As erkenning vir sy pogings het hy die BBC Sports Personality of the Year Helen Rollason-toekenning ontvang tydens 'n seremonie in 2020. Hy het sy eie weergawe van die liedjie "You'll Never Walk Alone" deur Michael Ball gesing. Die opbrengs is aan liefdadigheid geskenk. Die enkelsnit was bo-aan die Britse speellyste, wat hom die oudste persoon gemaak het om No. 1 op die Britse speellyste te bereik.
Op die oggend van sy honderdste verjaardag het die bedrag wat hy ingesamel het £ 30 miljoen verbygesteek, en teen die einde van die dag het die bedrag gestyg tot meer as £ 32,79 miljoen (byna £ 39 miljoen, met verwagte belastingkortings). Sy verjaardag is op 'n aantal maniere gevier, insluitend "flyby's" deur die Britse Lugmag en -Leër. Hy het meer as 150 000 kaarte ontvang en is aangestel as 'n erekolonel van die Army Foundation College. Op 17 Julie 2020 is hy persoonlik as ridder deur die koningin in Windsor-kasteel geslaan. Moore het op 2 Februarie 2021 in die Bedford-hospitaal as gevolg van covid-19-komplikasies gesterf.
Eksterne skakels
[wysig | wysig bron]Wikimedia Commons het meer media in die kategorie Tom Moore (militaris).