Riviersonderend

Riviersonderend
NG kerk Riviersonderend
Riviersonderend  Riviersonderend se ligging in Wes-Kaap
Koördinate: 34°09′01″S 19°54′52″O
Land	Suid-Afrika
Provinsie	Wes-Kaap
Distrik	Overberg
Munisipaliteit	Theewaterskloof
Stigting	1923
Oppervlak
• Totaal	5,57 km2 (2,15 vk. myl)
Bevolking  (2011)
• Totaal	5 245
• Digtheid	942/km2 (2 440/vk. myl)
Rasverdeling (2011)
• Wit mense	10.9%
• Indiërs/Asiërs	0.5%
• Bruin mense	75.4%
• Swart mense	12.6%
• Ander	0.6%
Taal (2011)
• Afrikaans	86.5%
• Xhosa	8.3%
• Engels	3.1%
• Ander	2.1%
Poskode (strate)	7250
Skakelkode	028

Riviersonderend is 'n dorpie in die Wes-Kaap, Suid-Afrika. Die dorpie is geleë op die N2 nasionale pad.

Geskiedenis

Die dorpie is in 1925 gestig op die suidelike oewer van die rivier met dieselfde naam om die boeregemeenskap te bedien. Die belangrikste produkte wat verbou word is wol, koring en vrugte.

Die gebied is eens op 'n tyd deur 'n groot getal Hessekwa Khoikhoi bewoon. Toe Vaandrig Isaq Schrijver in 1689 op een van sy ontdekkingstogte gegaan het was die gebied nog bekend as Tygerhoek. Hierdie naam is behou toe die plek vroeg in die 18de eeu een van die Nederlandse-Oos-Indiese Kompanjie se vee- en houtposte geword het.

Wapen

Riviersonderend se munisipale raad het in 1970 'n wapen by die Buro vir Heraldiek geregistreer: In rooi, 'n golwende regterskuinsbalk van silwer in die skildhoof vergesel van 'n aansiende merino-ramkop en in die skildvoet van 'n koringaar skuinsregs geplaas, albei van goud. Die helmteken was 'n ui tussen twee rooi/silwer/rooi vlerke; die skildhouers was twee steenbokke; en die wapenspreuk was "Deur water lewe".

Sien ook

• Lys van dorpe in Suid-Afrika

Bron

• B.P.J. Erasmus: Op Pad in Suid-Afrika. 1995 ISBN 1-86842-026-4