Uli Aschenborn
![](https://upload.wikimedia.org/wikipedia/commons/thumb/8/8c/Uli_Aschenborn_with_his_changing_painting_Girl-Elephant_BIG.gif/320px-Uli_Aschenborn_with_his_changing_painting_Girl-Elephant_BIG.gif)
![](https://upload.wikimedia.org/wikipedia/commons/0/03/ART_Uli_Aschenborn_Boy_To_Man_Sculpture-Morph_2_AUTORUN.gif)
![](https://upload.wikimedia.org/wikipedia/commons/thumb/0/0e/Uli_Aschenborn_-_Living_Drawing_Ovahimba_FLM-avi-ogv.gif/320px-Uli_Aschenborn_-_Living_Drawing_Ovahimba_FLM-avi-ogv.gif)
![](https://upload.wikimedia.org/wikipedia/commons/2/28/Uli_Aschenborn_-_Turning_Puzzle_Etch_-_AUTORUN.gif)
![](https://upload.wikimedia.org/wikipedia/commons/c/cb/Uli_Aschenborn_-_Changing_fish_AUTORUN.gif)
![](https://upload.wikimedia.org/wikipedia/commons/a/a4/Uli_Aschenborn_Mountain_or_Crater_-_AUTORUN.gif)
![](https://upload.wikimedia.org/wikipedia/commons/3/38/Uli_Aschenborn_-_Attacking_Rhino_-_AUTRUN.gif)
![](https://upload.wikimedia.org/wikipedia/commons/4/4b/Uli_Aschenborn_-_Lion_attack_with_changing_background_-_AUTORUN.gif)
![](https://upload.wikimedia.org/wikipedia/commons/thumb/7/7d/Uli_Aschenborn_-_Dice_showing_1_2_or_3_pips_-_AUTORUN_2.gif/320px-Uli_Aschenborn_-_Dice_showing_1_2_or_3_pips_-_AUTORUN_2.gif)
Die kunstenaar Uli Aschenborn (volle naam: Hans Ulrich Aschenborn) is in 1947 in Johannesburg, Suid-Afrika gebore.[1][2] Sy pa Dieter Aschenborn en sy oupa Hans Anton Aschenborn (of Hans Aschenborn) is bekende kunstenaars in Suider-Afrika.[3][4][5][6] Al drie Aschenborns behoort tot die grootste kunstenaars ter wêreld en hul kuns tot die wêrelderfenis volgens United Artists Rating.[7][8]
In 2018 het die kunstenaarsvereniging "L'Ensad Alumni Paris, l'Association des anciens élèves die l'Ecole nasionale supérieure des art decorates" in Parys Uli Aschenborn as erelid aanvaar.[9][10][11] Uli is veral bekend vir sy dinamiese diereskilderye en landskappe van Afrika (vergelyk foto's en video's 7 tot 10 ). In Namibië vertoon die museums in Swakopmund en Windhoek en die Nasionale Kunsgalery van Namibië kunswerke van Uli.[2][12][5]Uli, wat in Aken Duitsland lewe, begin ook al hoe bekender raak in Europa.[13][13][14][15] Daar is in Windhoek ook ’n Aschenbornstraat en 'n Hans Aschenborn Road in Mitchells Plein (Kaapstad).
Uli geniet aansien as 'n restoureerder van Afrikaanse en Europese skilderye, en het ook 'n paar merkwaardige muurskilderye in Namibië gedoen (soos by Düsternbrook, Okapuka, die Cañon Lodge, Kings Den en meer). Hy het ook al verskeie hekke ontwerp. [16]
Lewe
[wysig | wysig bron]Uli het as kind deur sy pa geleer skilder en deurdat hy die werk van sy oupa bekyk het. Hy het as kind al begin skilderye te verkoop.[17] Feitlik het al drie Aschenborns self geleer om te skilder.[18] In 1965 het Uli die eerste keer (nog as skolier)[5] uitgestal saam met sy pa en oupa in 'n meerkwaardige uitstalling in Windhoek.[3]
As gevolg van hierdie uitstalling het Uli 'n beurs gekry om kuns in die buiteland te studeer, maar in plaas daarvan het hy siviele ingenieurswese in Aken (Duitsland) gestudeer en sy doktorsgraad met lof ontvang[14][19] en is ook 'n professor (eers in Kaiserslautern[19] daarna in Keulen[20] in Duitsland) in rekenaargesteunde ontwerp, elektroniese dataverwerking, wiskunde en meganika (sien ook die uitstalling van 1993).[5][10][14][21]
Uli se tegniese loopbaan het groot invloed op sy veranderlike kuns.[21]
Uli Aschenborn se "Amazing Changing Art"
[wysig | wysig bron]Uli kyk terug op 'n suksesvolle loopbaan as kunstenaar en die feit dat hy talle nuwe, interessante tegnieke ontwikkel het om 'n verskeidenheid skilderye, beelde en voorwerpe te skep wat voor jou oë van voorkoms kan verander. Die media beskryf dié innovering as "Uli Aschenborn's Amazing Changing Art".[18][13][15][16][22] Al die kunswerke wat hier gewys word is veranderlik behalwe die op foto's 7 en 8.[23][24]
Uli se nuwe werk – wat 2006 in die Nasionale Kunsgalery van Namibië in Windhoek uitgestal is – bestaan onder meer uit sy innoverende beelde wat om 'n aslyn draai. Die silhoeët vertoon dus 'n verandering. 'n Sprekende voorbeeld hiervan is 'n roterende beeld in silhoeëtvorm wat die voortdurende verandering van 'n jong dame na 'n ou vrou uitbeeld, of 'n aap wat in 'n mens omskep word. Dit word selfs duideliker uitgebeeld wanneer hierdie sogenaamde 'Morfo-Skulpture' verlig word sodat die skaduwees op 'n muur val[18][25] (video's [23][24][26] en video 2).
In Uli se Lewendige Tekeninge draai die oë van portrette draai altyd na die kyker (video 3).[27]
Tot Uli se nuwe werk behoort ook poli-aspek skilderye. Van hierdie werke roteer om 'n aslyn en kan van verskillende kante bekyk word. Elke kant beeld 'n verskillende tema uit (sien video's 4 en 6). Sommige vertoon kleiner voorwerpe in verskillende lae uit wat soos 'n legkaart saamgestel is. Dit kan baie ingewikkeld wees, soos die been van 'n vrou wat terselfdertyd die voorkop van 'n man kan wees, of dalk die neus van iets anders, en so voorts[18][25] (vergelyk video 4).
Sommige veranderlike skilderye van Uli verander van kleur (video 9 en 10) en selfs ook nog van inhoud (video 1 en 11) as 'n mens homself voor die kunstwerk beweeg of as die skildery beweeg word. Soms is hierdie kunswerke op sand geskilder.[15][28]
Nog 'n rits werke is helder tekeninge wat onder glasstene monteer is. Uit elke oogpunt verander die enkele beeld in iets heeltemal anders. Een daarvan is 'n vis wat lyk asof hy onder water swem. Afhangend van hoe dit gedraai word, lyk dié vis eers vriendelik, dan kwaad, dan skrik hy, op 'n stadium gaap hy selfs oopmond[15][25][28] (vergelyk video 5).
Toekennings
[wysig | wysig bron]- 1964 Wenner van die "Kunswedstryd Suidwes-Afrika"
- 1978 Borchers-toekenning
Uitstallings
[wysig | wysig bron]Uli Aschenborn het meer as 60 uitstallings gehou sedert 2009.[29]
Solo uitstallings (seleksie)
[wysig | wysig bron]- 1993 "Afrika & 'Komper-Kuns'" Galery Artelier Windhoek (Namibië)
- 1999 "Afrika" Port Andrat’s (Mallorca)[1]
- 2003 "Morfo-Skulpture", Hexagone Galery in Aken (Duitsland)[1][26]
- 2005 "Morphs" gelyktydig in die twee galerye FAH en HAF in Maastricht (Nederland)[1]
- 2006 "Morphs" Nasionale Kunsgalery van Namibië in Windhoek (Namibië)[1][25]
- 2007 "Aschenborn – Retrospektive Kendzia Galery", Windhoek (Namibië)[1]
- 2007 "Retrospektive" in die Hexagone Galery in Aken (Duitsland)[1]
- 2008 "Afrika" Kendzia Galery, Windhoek (Namibië)[1]
- 2009 "Out of Africa" - Uli Aschenborn – Malmedé Galery, Keulen (Duitsland)[1]
- 2009 "Afrika – Uli Aschenborn" - Artedomus, Parys (Frankryk)
- 2010 "Diereskilderye" – Dieretuin Berlyn (Duitsland)[10]
- 2010 "Afrika – Uli Aschenborn" - Artedomus, Parys (Frankryk)[1][10]
- 2011 "Aschenborn's African Animals", BBK-Galery, Aken (Duitsland)
- 2011 "Uli Aschenborn", Düsternbrook, Namibia[30]
- 2011 - 2012 "Uli Aschenborn", Schenckswerder, Namibia[30]
- 2012 "Chameleon Art", Hexagone Galery in Aken (Duitsland)[17]
- 2013 "Chameleon Art", Tierheim Aken (Duitsland)
- 2015 "Changing Art", Art Hotel Superior Aken (Duitsland)[31]
- 2017 "Amazing Changing Art", Barmuseo Suermondt-Ludwig-Museum Aken (Duitsland)[6]
Groepuitstallings (seleksie)
[wysig | wysig bron]- 1965 "3 Generasies Aschenborn" Kendzia Galery Windhoek (Namibië)[1][3]
- 1975 en 1976 gekies deur 'n jurie vir die "Winter Uitstalling" Suermondt-Ludwig-Museum Aken (Duitsland)[1]
- 1975 Uitstalling van Dieter en Uli Aschenborn Windhoek (Namibië)[3]
- 1979 "Fotos vanuit drie Perspektiewe”, Atrium Aken (Duitsland) (sien Boeke [a])
- 2004 "Die drie Aschenborns" Kendzia Galery Windhoek (Namibië) (sien Boeke [a])
- 2007 "Teëls" Ludwig Forum vir Internasionale Kuns in Aken (Duitsland)[1]
- 2009 "20 Jare Galery Hexagone" Aken (Duitsland)[1]
- 2010 "3 Generasies Aschenborn" Kendzia Galery Windhoek (Namibië)
- 2014 "Die Beste van Karel die Grote", Aula Carolina Aken (Duitsland)
- 2015 "25 Jare Galery Hexagone" Ludwig Forum vir Internasionale Kuns in Aken (Duitsland)
- 2015 "Afrika-diere en karikature" - Artedomus, Parys (Frankryk) [10]
Verwysings
[wysig | wysig bron]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 "Duitse ensiklopedie op die internet" (in Duits). Geargiveer vanaf die oorspronklike op 6 Desember 2015. Besoek op 12 Desember 2018 – via Wayback Machine.
- ↑ 2,0 2,1 Aschenborn, Paul. "Omvattende oorsig oor die kunswerke van die Aschenborns (meestal van Uli, net gedeeltelik geargiveer), publieke webwerf". Geargiveer vanaf die oorspronklike op 21 Junie 2018. Besoek op 12 Desember 2018 – via Wayback Machine.
- ↑ 3,0 3,1 3,2 3,3 "Digital Namibian Archive Collections - Argivering van belangrike gebeurtenisse in Namibië" (in Engels). Geargiveer vanaf die oorspronklike op 27 November 2019. Besoek op 29 Maart 2020 – via Wayback Machine.
- ↑ Namibiese Lewensbeskrywings
- ↑ 5,0 5,1 5,2 5,3 Hans-Ulrich Aschenborn, Lewensbeskrywings – Namibiana Buchdepot
- ↑ 6,0 6,1 Singhof, Aileen (20 Oktober 2017). "Berig oor 100 jare kuns van die drie hierbo genoemde Aschenborns". Duitse Tydskrif "Allgemeine Zeitung" (in Duits). Geargiveer vanaf die oorspronklike op 3 Oktober 2018. Besoek op 26 Maart 2020 – via Wayback Machine.
- ↑ "Greatest world artists of XVIII–XXI: A - Die grootste kunstenaars ter wêreld van die 18de tot die 21ste eeu. Kunstenaarswaardelys opgestel deur 'n onafhanklike jurie vir 'n kunsleksikon (23 volumes) deur die "Artist's Union of Russia", wat in 55 deelgebiede van Rusland en in 9 vreemde lande verteenwoordig is" (in Engels). Geargiveer vanaf die oorspronklike op 22 Junie 2018. Besoek op 22 Junie 2018 – via Wayback Machine.
- ↑ Uli Aschenborn is gekose as een van die "Top 15 South African artists" deur James Ceves, 12.03.2020 van briefly.co.za (onafhanklike toonaangewende Suid-Afrikaanse webwerf vir digitale nuus en media)
- ↑ "Skakel van die "L'Ensad Alumni Paris, l'Association des anciens élèves de l'École nationale supérieure des arts décoratifs"" (PDF). Geargiveer vanaf die oorspronklike (PDF) op 11 Julie 2017. Besoek op 4 April 2020 – via wikiwix.
- ↑ 10,0 10,1 10,2 10,3 10,4 Duitse lewensbeskrywing, uitstallings (BBK - die grootste kunstenaarsvereniging in Duitsland)
- ↑ Engelse Lewensbeskrywing
- ↑ "Aschenborns hou uitstalling, Namibiese tydskrif Republikein, 12.8.2004". Geargiveer vanaf die oorspronklike op 3 Maart 2016. Besoek op 24 September 2009.
- ↑ 13,0 13,1 13,2 Philander, Frederick (21 Augustus 2009). "Namibian Artist Gets European Recognition – Diplomacy Namibia - Diplomacy Namibia, Premier International Affairs Webwerf". oorspronklik verskyn New Era (engelse tydskrif in Namibia) (in Engels). Geargiveer vanaf die oorspronklike op 18 Februarie 2012.
- ↑ 14,0 14,1 14,2 Uli Aschenborn Stolberg, deur admin, Kunstportal Eifel, Julie 2008[dooie skakel]
- ↑ 15,0 15,1 15,2 15,3 Schreiber, Irmgard, (2006-07-21) Wandelbar wie ein Chamäleon – Uli Aschenborn malt "bewegliche Bilder" (Veranderlik soos 'n verkleurmannetjie – Uli Aschenborn skilder kunswerke wat van self beweeg), Namibiese Duitse tydskrif Allgemeine Zeitung
- ↑ 16,0 16,1 [dooie skakel Uli kyk terug op suksesvolle loopbaan, Oktober 2007, Namibiese tydskrif Republikein]
- ↑ 17,0 17,1 "Paul, Jasmin, 2012-11-23, Chamäleonkunst begeistert nicht nur Namibia (Verkleurmannetjie-kuns inspireer nie net Namibië nie), Allgemeine Zeitung Windhoek". Geargiveer vanaf die oorspronklike op 18 April 2020. Besoek op 5 April 2020.
- ↑ 18,0 18,1 18,2 18,3 "2010-07-23, Näher am Leben dran (Nader aan die lewe), Allgemeine Zeitung Windhoek". Geargiveer vanaf die oorspronklike op 21 April 2020. Besoek op 5 April 2020.
- ↑ 19,0 19,1 "Lewensbeskrywing, Steinweg-galery (Stolberg in Duitsland)". Geargiveer vanaf die oorspronklike op 23 Oktober 2021. Besoek op 7 April 2020.
- ↑ Internet webwerf van die TH Köln (University of Applied Sciences) in Keulen
- ↑ 21,0 21,1 Mockler, Matthias, 2011-08-26, Maler Uli Aschenborn eröffnet Dauerausstellungen auf Gästefarmen in Namibia (Die Skildenaar Uli Aschenborn open permanente uitstallings op gasteplase in Namibië), argief van die Namibiana Boek Depot (oorspronklik verskyn in Allgemeine Zeitung Windhoek)
- ↑ "Uli se dinamiese werke in Kendzia uitgestal, 23.7.2009, Namibiese tydskrif Republikein met sommige van Uli Aschenborn se kunswerke". Geargiveer vanaf die oorspronklike op 3 Maart 2016. Besoek op 24 September 2009.
- ↑ 23,0 23,1 Video van 2012 oor sommige van Uli Aschenborn se werke wat verander (Kinetiese Kuns)
- ↑ 24,0 24,1 Video van 2015 oor sommige van Uli Aschenborn se werke wat verander (Kinetiese Kuns)
- ↑ 25,0 25,1 25,2 25,3 "Uli Aschenborn stal uit ('Een van Namibië se bekendste kunstenaars, Uli Aschenborn ...')". Namibiese tydskrif Republikein. 3 Augustus 2006. Geargiveer vanaf die oorspronklike op 3 Maart 2016. Besoek op 2 April 2020 – via Wayback Machine.
- ↑ 26,0 26,1 Video oor Uli Aschenborn se Morfo-Skulpture
- ↑ "Oedekoven, Christa, 2011-04-29, Südafrikaner zeigt wilde Tiere von Namibia (Suid-Afrikaner wys wilde diere van Namibië), Allgemeine Zeitung Windhoek". Geargiveer vanaf die oorspronklike op 18 April 2020. Besoek op 5 April 2020.
- ↑ 28,0 28,1 "2005-12-09, Uli Aschenborn verewigt das populärste Pin-Up-Girl der Welt in Sand (Uli Aschenborn verewig die gewildste pin-up meisie ter wêreld op sand), Allgemeine Zeitung Windhoek". Geargiveer vanaf die oorspronklike op 7 April 2020. Besoek op 7 April 2020.
- ↑ "Lys van meer as 60 uitstallings sedert 2009 met inligting en foto's". Geargiveer vanaf die oorspronklike op 1 Mei 2018. Besoek op 1 Mei 2018.
- ↑ 30,0 30,1 Matthias Mockler: Uli Aschenborn hou permanente uitstallings op gasteplase in Namibia, 26.08.2011, oorspronklik: Allgemeine Zeitung – argiewe van die Namibiana Buchdepot
- ↑ Uli Aschenborn: Kuns uit Namibia, Galery Hexagone - Art Hotel Superior Aachen, 2015 – argiewe van die Namibiana Buchdepot
Boeke
[wysig | wysig bron]- [a] Directory of Namibian Artists, Sas Kloppers, Dream Africa Productions and Publishing, ISBN 978-0-620-51746-1
- Künstler: Helmut Lewin, Giselher W. Hoffmann, Uli Aschenborn, …, General Books LLC 2010, ISBN 1-159-10015-2 / 9781159100155
- Namibier, Kitabı Hakkında, Books LLC, ISBN 1-159-19415-7 / 9781159194154
- Wildlife artists, Books LLC 2011, ISBN 978-1-156-90978-2, ISBN 1-156-90978-3, order number: 30237263