Witstertmuishond

Witstertmuishond
Bewaringstatus
	; Veilig (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Carnivora
Familie:	Herpestidae
Subfamilie:	Herpestinae
Genus:	Ichneumia ; I. Geoffroy Saint-Hilaire, 1837
Spesie:	I. albicauda
Binomiale naam
	Ichneumia albicauda; G. Cuvier, 1829
Subspesies
	I. a. albicauda; I. a. dialeucos; I. a. grandis; I. a. haagneri; I. a. ibeanus; I. a. loandae; I. a. loempo;
	verspreiding

Die witstertmuishond (Ichneumia albicauda) is 'n muishond wat in die oostelike en sentrale areas van Suid-Afrika sowel as Mosambiek, Zimbabwe en die Okavango Delta in Botswana voorkom.

Voorkoms en bou

Die soogdier word tot 4.5 kg swaar en is grysbruin met relatief lang swart bene. Die laaste vier-vyfdes van die stert het kenmerkende lang wit hare. Die kop is effens ligter van kleur as die lyf. Die kruis is hoër as die skouers as gevolg van die lang agterbene. Daar is ook twee subspesies: Meller se muishond en die kleinwitstertmuishond. Die mannetjies is effens swaarder as die wyfies.

Habitat

Hulle hou van waterryke boomveld, langs riviere en vleie in droër dele en hou ook van vogtige tipes bosveld.

Gewoontes

Die soogdiere eet kewers, termiete, grondvoëls, muise, paddas, slange en vrugte. Hulle is naglewend en kom eers na donker uit en is baie aktief in die eerste gedeelte van die nag. Die Witstertmuishond maak nes in ou erdvark of springhaasgate en is alleenlopers. Die soogdier draf gewoonlik met sy neus naby die grond en sy natuurlike vyande is die leeu en luiperd.

Voortplanting

Een tot drie kleintjies word vanaf September tot Desember gebore.

Sien ook

Bron

Die Soogdiergids van Suider-Afrika. Burger Cillié. ISBN 978 1 875093 46 5. 2009

Verwysings

↑ Hoffmann, M. (2008). "Ichneumia albicauda". IUBN-rooilys van Bedreigde Spesies. Weergawe 2010.1. Internasionale Unie vir die Bewaring van die Natuur. Besoek op 14 Junie 2010. {{cite web}}: Ongeldige |ref=harv (hulp)

Eksterne skakels

Wikispecies het meer inligting verwant aan Witstertmuishond
Wikimedia Commons het meer media in die kategorie Witstertmuishond.

[iucn-1] Hoffmann, M. (2008). "Ichneumia albicauda". IUBN-rooilys van Bedreigde Spesies. Weergawe 2010.1. Internasionale Unie vir die Bewaring van die Natuur. Besoek op 14 Junie 2010. {{cite web}}: Ongeldige |ref=harv (hulp)

[1]