Muntlaga
Muntlaga ischt a Doarf ir politischa Gmoand Oberriet im Waalkrais Rhintl vom Kantoa Sanggalle.
Montlingen | |
---|---|
![]() | |
Basisdatä | |
Staat: | Schwiiz |
Kanton: | St. Galle (SG) |
Wahlchrais: | Waalchrais Rhintl |
Gmeind | Oberriet |
PLZ | 9462 |
Koordinate: | 762497 / 244868 |
Höchi: | 420 m ü. M. |
Iiwohner: | 1843 (31. Dezember 2009)[1] |
Website | og-montlingen.oberriet.ch |
Charte | |
![]() |
Dialäkt: Ostschwizerisch |
![](https://upload.wikimedia.org/wikipedia/commons/thumb/3/3a/Gemeinde_Oberriet_einfach.png/220px-Gemeinde_Oberriet_einfach.png)
Geografii
ändereS Doarf Muntlaga lit rund um s Muntalgarbeargli, leangs vom Rhii, zmeazt im Rheantl.
Muntlaga ghört näabet Kriassara, Oachiwees, Koblwaald und em Doarf Oberriet, wia o d Wiiler Moos, Rechig, Stoag, Freiebaach, Stoa, Koblwees, Watt und Haard zur politischa Gmoand Oberriet. Uf am Gebiet vor Gmoand Oberriet, em ehemoliga Riichshof Kriassara, gits füüf verschidni Oartsgmoande, wo i da Ortsgmoand Allgemaine Hof Oberriet zäammagfasst seand. D Oartsgmoande Kriassara, Muntlaga, Oachiwees und Oberriet seand dabii deckigsgliich mit de jewiliga Döarfer.
Bevölkerig
ändereAm 31. Dezämber 2009 hät s Doarf Muntlaga 1843 Iiwohner kha.[2]
Bsundrigs zum gi aaluga
ändere- d Pfarrkercha us am 9. Johrhundert, wo am Hailiga Johannes gwait ischt
- d Sankt Anna-Kapealla und d Stazioana uf am Weag is Muntlagarbeargli ui
- s «Hedwig Scherrer Huus»
- di prähisorischa Sidlaga uf am Muntlagarbearg (ma gseacht hüt allerdeangs numma viil)
Wil d Oartsgmoand Muntlaga o Boda head, wo kli witer aweagg vum Doarf liggid, khört o d Alp Muntlagar Schwamm mit da Wörtschaft dazua. Dä Uusichtspunkt liit uf 1'127 m öber Meer, a Stuck oberhalb vom Doarf Koblwaald, gegen Kamor ufi. Ebefalls im Bsitz vor Oartsgmoand ischt d Krischtallhöali. Si ischt vom Doarf Koblwaald us i epa 15 Minuta z Fuass ärraichbar und ischt öber s Rhintl usi bekannt. Underhalb vom Doarf Koblwaald, iibeatat innara Felswand vom Semmeler (Semelenberg), seand d Überreascht vonnere ehemolige Roobritterburg. O d Ruine Wichastoa khört zur Oartsgmoand Muntlaga. D Felsaburg ischt nu öber an staila Fuassweag heandar am Wichaschtoanar-Seali z feanda. Säb Seali ischt a ehemoligs Baggerloch, wo im letschta Johrhundert Leam abbout wora ischt. Hüt ischs a Naturschutzgebiet.
Persönlichkaita
ändere- Hedwig Scherrer (1878–1940), e Schwizer Künstlari (head ab 1908 i eram sealbar entwoarfana Atelieehuus underhalb vo de Sankt Anna-Kapealla gwohnt)
-
D Kircha vo Muntlaga
-
D Sankt Anna-Kapealla, uf halbem Weag is Beargli ui
-
D Ruine Wichastoa i da Felswand vom Semmeler, mit Blick gega Muntlaga
-
S Muntlagarbeargli vo Weschta us
Literatur
ändere- Konrad Sonderegger: Das Rheintal um 1900. Band 2. Konrad Sonderegger, 1990, ISBN 978-3-85882-266-6, S. 184.
- Hans Rudolf Sennhauser (Hrsg.): Frühe Kirchen im östlichen Alpengebiet. Von der Spätantike bis in ottonische Zeit. Bayerische Akademie der Wissenschaften. Abhandlungen - Neue Folge, Heft 123. Verlag der Bayerischen Akademie der Wissenschaften, München 2003. ISBN 3 7696 01181
Weablink
ändere- Markus Kaiser: Montlingen. In: Historisches Lexikon vo dr Schwiiz.
Fuassnoota
ändere- ↑ Bilanz der ständigen Wohnbevölkerung nach Bezirken und Gemeinden uf bfs.admin.ch (Bundesamt för Statistik)
- ↑ uf da Wäbsita vor Gmoand Oberriet, aaglugat am 26. Januar 2011. Archiviert vom Original am 29. November 2012; abgruefen am 27. März 2013.