Doarobiro
Doarobiro | ||
---|---|---|
Basisdate | ||
Staat: | Östriich | |
Bundesland: | Vorarlberg | |
Politische Bezirk: | Dornbirn | |
Kfz-Kennzeiche: | DO | |
Fläche: | 120,83 km² | |
Koordinate: | 47° 25′ N, 9° 45′ O | |
Höchi: | 437 m ü. A. | |
Iiwohner: | 51.222 (1. Jän. 2023) | |
Bevölkerigsdichti: | 423,92 Iiw. pro km² | |
Poschtleitzahl: | 6850 | |
Vorwahl: | 05572 | |
Gmoandskennziffer: | 8 03 01 | |
NUTS-Region | AT342 | |
UN/LOCODE | AT DOR | |
Adress vo dr Gmoandsverwaltig: |
Rathausplatz 2 6850 Doarobiro | |
Website: | ||
Politik | ||
Burgermoaschter: | Wolfgang Rümmele (ÖVP) | |
Gmoandsvertrettig: (2010) (36 Mitgliider) |
||
Lage der Stadt Doarobiro im Bezirk Dornbirn | ||
Blick vom Romberg auf den Stadtkern Dornbirns | ||
(Quelle: Gmoanddate bi Statistik Austria) |
Dialäkt: Doarobirarisch |
Doarobiro, (IPA: [ˈd̥ɔɑ̯ɾɔb̥iɾɶ]) vo do doarobirar usgsprocho, ist di gröste Stadt vo Vorarlberg, dom westlichsto Bundesland z' Östorriich und ist ou d' Hauptstadt vom Bezirk Doarobiro. Doarobiro ist dar wichtigste Würtschaftsstandort vo Vorarlberg. Ma seit dor Stado ou Garto-, Measse- oder Iikoufsstadt. Dio Stadt ist Toal vom Ballnigsraum Rhiital und mit 45.430 Iiwohnar di zechot grösto Stadt vo Östorriich.
Geografie
Geografische Lage
Doarobiro litt a dor Westsitto vom Rhiital, eabba 10km südle vo Breagoz, uf 437m vor-om Breagazar Wald am Aafang vo do nörldliga Kalkalpa.
Seehöhe
D' Seehöhe vo dor Stadt Dornbirn weord mit 437m agio, däs ist bim Stuowappo-n-i-dor Miotte vom Martplatz. Dar geografisch tüüfste Punkt vo Doarobiro litt uf 405m, bim Zuofluss vom Koblar Kanal i-d' Doarobiorar Ach am üßorsto Nordo vom Gmuondsgebiit. Dar höchst Punkt ist d' Sünsarspitz mit 2.062m.
Flüss und See
Dar mit Abstand wichtigste Fluss ist d' Doarobirar Ach. Si toalt d' Stadt i zwo Hälfta und ist ou gliichzittig Bezirksgrenz vo do zwaia Bezirk Hatlardorf und Schora zu do andora vier Bezirko vo Doarobiro. Doarobiro ist frühor regolmäßig vo dor Ach üborschwemmt worra. Erst wo sä vo 1826 bis 1834 d' Ach in-a Stuoifassig brocht händ (planat vom Ingenieur Alois Negrelli), ist as vorbei gsi mit do Üborschwemmiga, sitt dämm ist d' Ach nio mäh im Stadtgebiit üborus koh. D' Doarobirar Ach flüüßt ou duor d' Alploch- und d' Rappolochschucht, zwo johrtusod aalte Schluchta wo ma für-o Tourismus arschlosso heat. See gitt as zwio wo ma arwääno muos, do Sünsarsee und do Stoufosee mit dom Kraftwerk Ebosand.
-
Doarobirar Ach i-dor Stadt
-
Flusslouf vo dor Doarobirar Ach
Berglandschaft
Doarobiro litt am Rand vo do Ostalpa, am Fuoß vom Breagazarwaldgebirge. As gitt zwor ko bsundrig hoche Berg, abor uf übor 2000m ka ma scho uffe go. Uona vo do markantesto Bergo-n-ist siochor do Huusberg vo Doarobiro, do Karro (976m) mit-om Stoufo-n-im Hiondorgrund (1.465m). Do Karro mit-or Karrosoalbaa ist ou an wundorbara-n-Uussichtspunkt. Ma siocht bi schöonom Weattor bis nach Konstanz und zu'n schwitzar Bergo. Do First, a Bergketto, mit-or Müorzolspitz (1830m) und dar Hoche Fröscho (2004m) wöorrond bsundrä gearn als Uusflugsziil heargno. Dar höchstä Berg ist allardings di relativ uuschiibare Sünsarspitz mit 2062m. D' Wandorweag siond alle guot agschriobo, ma sött se also nid vorloufo künno.
Stadtgliidrig
Stadtbezirke vo Doarobiro | |||
---|---|---|---|
Bezirk | Iiwohnar | Lag | |
1. | Mart | 12.473 | Miotte |
2. | Hatlardorf | 10.249 | Südo |
3. | Obrdorf | 4.798 | Osto |
4. | Hasolstudo | 5.034 | Nordo |
5. | Rohrbach | 7.051 | Westo |
6. | Schoro | 5.095 | Westo |
Iiwohnarzahla Stand 1. Mai 2004 |
Gschicht
„Doarobiro“
Do Nammo Doarobiro leitat sich vo „Torrin Puirron“ aab, dor Asiedlig vom alemannischo Buur „Torro“ und heat üborhaupt nünt mit Biora zum tua, obwohl an Biorobomm mit a paar Biora uf-om Stadtwappo ist.
Wappo
S' doarobirar Wappo stützt sä uf drei reachtle Grundlaga:
- D' Vorlichnig vo dar Landesregiernig am 1. Februar 1929.
- D' Vorlichnig vom Kaisar Franz Joseph I. am 28. Februar 1902, als Folg vo dor Stadtarhebnig vo 1901.
- Do Wappobriaf vo Erzherzog Ferdinand Karl am 23. Septembor 1655 as Gricht z' Doarobiro. As zoagat an grüopo Biorobomm uf am rot-wiiß-roto Schlid. Das rot-wiiß-rote Schild ist a Bekänntnis zuon Habsburgar und gliichzittig an Abgrenzig zu do Emsar, do damoliga Regionalfeindo.
Chronik
- 895: S' erst mol, dass do Nammo „Doarobiro“ urkundlig arwähnt wüort[1].
- 1094: S' Ministerialengschleacht vo do „Edla vo Doarobiro“ würt s' erst mol urkundlig arwähnt: „Rôpertus de Dorenbôrron“[1].
- 1628-1630: D' Pest rottat breits halb Doarobiro us, si fordorat 860 Tote[1].
- 1639: S' Rot Huus, s' Wohrzeicho vo Doarobiro, würt bout[1].
- 1655: Am 23.9.1655 heat Doarobiro das iotzige Wappo vom Erzherzog Karl Friedrich von Tirol vorliocho krigt, an Biorobomm im ostorrichischo Biondoschild[1].
- 1771: Am 30.10.1771 kouft sich d' Gmuond Doarobiro all ihre Gütor, Reacht und Liiboagono vo dor Gräfin Maria Rebekka vo Harrach-Hohenems om a Summe vo 45.250 Guldo ab, wo d' Emsar z' ghio händ. Do „Loskauf von Ems“, wo absolut ghuom ghalto woro-n-ist, heat abor füor Doarobiorar nid s' End vo dor Liiboagoschaft ghoasso. Das an Doarobirar frei xsi ist, heat ar sich seolbor vo dor Gmuond, dom nöüo Herro, loskoufo müoso[1]!
- 1793: Doarobiro wüort zu-n-ar Martgmuond arhobo[1].
- 1846: Franz Martin Hämmerle kouft a-n-Aweso mit Wassorkraft am Stounobach z' Dornbirn und bout dött a Garn- und Stuckfärberei[1].
- 1881: Di erste Usser-Huus-Telefonalag vo dor östorriichisch-ungarischo Monarchie würt bi dor Firma F. M. Hämmerle z' Dornbirn in Betrieb gno[1].
- 1901: Doarobioro wüort a Stadt[1].
- 1903: Armin Diem, Mundartdichtar, kutt am 1.5.1903 uf d' Wealt († 15.8.1951)[1].
- 2001: Hundort Johr Stadt Doarobiro[1].
Politik
Sitt dor letzto Gemuodsrotswahl ist Wolfgang Rümmele (ÖVP) Bürgarmoastor und Martin Ruepp, (ÖVP) do Vizebürgarmoastor.
Stadtvortreatnig
Bi do letsta Gmuodvortreatnigswahla z' Doarobiro, am 10. Apil 2005, heat ma s' erst mol d' Stadtvortreatnig, wo di jewiligo Parteia mit ihrom Sptzokandidat atreato siond, und do Bürgarmoastor separat wählo künno (Bürgarmoastordirektwahl). Zuosätle heat ma no Vorzugsstimmona innorhalb vo dor gwählto Partei abgio künno. Us dem ussar händ se natüle undorschidliche Partei- und Bürgarmoastorergebniss argio.
Doarobirar Stadtvortreatnig | ||||
---|---|---|---|---|
Partei | Bezeichnig | Mandat | Stimma | Stimmo-n-antöal |
ÖVP | Doarobirar Volkspartei | 21 | 9.407 | 57,7 % |
SPÖ | D' Doarobirar SPÖ | 8 | 3.765 | 23,1 % |
Die Grünen | Doarobirar Grüone - offone BürgarInnolisto | 4 | 1.725 | 10,6 % |
FPÖ | Doarobiro.di Freiheitligo | 3 | 1.324 | 8,1 % |
Stimma und Stimmo-n-antöal bi dor Gemuondsvortreatnigswahl vom 10. April 2005 |
Stadtrot
Im Doarobirar Stadtrot siond hauptsächle neobobruofliche Politikar. Nach-o Gemuondsvortreatnigswahla 2005 siond Di Freiheitligo ud-om Stadtrot (Walter Schönbeck) ussegflogo und Di Grüono siond mit-om Martin Konzet s' erst mol im doarobirar Stadtrot vortreato. D' Leitnig vom Stadtrot und wia dio einzolno Ressorts uftoalt wörond oblitt dom amtierondo Bürgarmoastor.
Zämmonsetznig vom doarobirar Stadtrot | |||
---|---|---|---|
Nammo | Partei | Funktion | Ressort(s) |
DI Wolfgang Rümmele | ÖVP | Bürgarmoastor | Personal, Finanza, EU, Gsundheit, FH |
Mag. Martin Ruepp | ÖVP | Vizebürgarmoastar | Stadtplanig, Vorkehrsplanig |
Mag. Gebhard Greber | SPÖ | Stadtrot | Wassorwürtschaft, Tüüfbou u. Vorkehr |
Marie-Louise Hinterauer | ÖVP | Stadtrötä | Sport, Sozials, Senioro |
Josef Moosbrugger | ÖVP | Stadtrot | Land- und Forstwürtschaft, Schlachthof, Omwealt und Abfallwürtschaft |
Dr. Gabi Sprickler-Falschlunger | SPÖ | Stadtrötä | Integration, Schuala |
Dipl.-Vw. Andrea Kaufmann | ÖVP | Stadtrötä | Familia, Kiondor- und Schüolarbetreuig, ußorschulige Bildnig |
DI Martin Konzet | Di Grüono | Stadtrot | Hochbou und Enargii, Jugod |
Guntram Mäser | ÖVP | Stadtrot | Wohniga, „Stadtmarketing“ |
Stand: Nach-o Gmuondvortreatnigswahla vom 10. April 2005 |
Bürgamöostar vo Doarobiro
- Dr. Johann Georg Waibel 1869 - 1908
- Dr. Karl Fußenegger 1908 - 1910
- Engelbert Luger 1910 - 1926
- Josef Rüf 1926 - 1934
- Ludwig Rinderer 1934 - 1938
- Dr. Paul Waibel 1938 - 1940
- Josef Dreher 1941 - 1945
- Dr. G.A. Moosbrugger 1945 - 1965
- Dr. Karl Bohle 1965 - 1984
- Rudolf Sohm 1984 - 1999
- DI Wolfgang Rümmele seit 1999
Partnarstädt
Sélestat (Elsaas (Frankriich))
Sehoswürdigkeita
- Stadtmuseum inatura
- Kunstraum Doarobiro
- Krippomusem Doarobiro
- Rolls-Royce-Museum
- s' Rot Huus
- Kiorcho St. Marte
- Kiorcho St. Leopold
- Do Huusberg „Karro“ mit-om Karrosoalbääle
- Rappolochschlucht und d' Alplochschlucht
Fasnacht
2006 händ sich a paar glungone Vögol eabbas z'r östorriichischo Ortstafloproblematik (do Haidar z' Käornto sött a paar zwospröchige Ortstafla ufstello) usdenkt und händ bi-n-a paar „Ortstafla“ uafach no Dorobiro drunort dorzuokleabat.
Bi dor Schriibwiis siond se allerdings di Alto mit do Junga nid ganz uonig: Neabot „Doarobiro“, das ist dio ältiste und eigontle die richtige Schriibwies, siot ma hütt von Junga, wo numma gschied reda künnod, dia undorschidligsto Versiona, meistons „Dorabira“. „Dorabira“ sägand abor ehor d' Oborländar und nid d' Doarobirar.
Persönlichkeite
- Eugen Gabriel, Sprochwisseschaftler (* 1937 z Doarobiro)
Referenza
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Vorarlberg Chronik; http://www.vol.at/tools/chronik/; 8. Mai 2007