Gschlächtsverchehr vo hinde
![](https://upload.wikimedia.org/wikipedia/commons/thumb/0/0d/LampArtifactDoggystyle.jpg/170px-LampArtifactDoggystyle.jpg)
Mit a tergo (au: coitus a tergo, lat. „Gschlächtsverchehr vo hinde“) fasst mä alli Arte vom Gschlächtsverchehr zsämme, wo dr aktivi Partner dr Rugge vom passive im Blick het.
Variante
[ändere | Quälltäxt bearbeite]D Hündlistellig
[ändere | Quälltäxt bearbeite]![](https://upload.wikimedia.org/wikipedia/commons/thumb/d/d6/Wiki-dstyle.png/220px-Wiki-dstyle.png)
Bi dr Hündlistellig chneulet dr passiv Partner uf allne Viere, dr aktiv Partner chunnt vo hinde und füehrt si Penis ii. Drbii chönne d Vagina oder au dr Anus penetriert wärde. D Eichle vom Maa wird drbii stark stimuliert, gradso wie dr G-Punkt vo dr Frau in dr Scheide inne. Wil dr penetrierendi Partner bi dere Stellig beidi Hände frei het, chan er zuesätzlig d Brüst, d Klitoris und anderi erogeni Zone vom passive Partner stimuliere.
Dr Name vo dere Stellig chunnt vo do, ass si sälle ähnlig isch, wo mä bi dr Begattig vo Hünd (und vile andere Dierarte) cha beobachte.
Löffelistellig
[ändere | Quälltäxt bearbeite]![](https://upload.wikimedia.org/wikipedia/commons/thumb/2/20/Wiki-spoons-sp.png/220px-Wiki-spoons-sp.png)
Bi dr Löffelistellig lige d Partner uf dr Site, und dr aktiv Partner penetriert dr Anus oder d Vagina vom passive Partner vo hinde.
Dr Name vo dere Stellig chunnt vo däm, ass es usgseht wie wenn zwei Löffel zunenandergleit wärde. E Vordeil vo dere Stellig isch die grossi Intimität, wil dr Körperkontakt eso gross isch, wenn sich dr Partner an enander schmiege. Beidi Partner chönne sich zuesätzlig an erogene Zone stimuliere, wil d Ärm nit brucht wärde, zum sich abzstütze. Au in dr Schwangerschaft isch d Löffelistellig e Position, won e Hufe Fraue vorziehn.[1]
Unterschiid zur Missionärstellig
[ändere | Quälltäxt bearbeite]- Dr Penis cha dief iidringe, was s Lustgfüehl cha verstärke.
- Dr aktivi Partner cha mit siine Händ s Becki vom passive Partner hebe, ihn umarme oder d Brüst vo dr Partnere stimuliere.
- Dr Blickkontakt isch e bitz schwiiriger.
Fuessnote
[ändere | Quälltäxt bearbeite]Litratur
[ändere | Quälltäxt bearbeite]- Christoph Gutknecht: Ich mach’s dir mexikanisch: Lauter erotische Wortgeschichten. C.H. Beck 2004, ISBN 978-3-406-51099-1, S. 97-98 (Iigschränkti Vorschau uf books.google.de)
- Ruth K. Westheimer, Pierre A. Lehu: Sex für Dummies. Wiley-VCH 2007, ISBN 3-527-70340-3, S. 168 ff (Iigschränkti Vorschau uf books.google.de)
Weblingg
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vum Artikel „A_tergo“ vu de dütsche Wikipedia. E Liste vu de Autore un Versione isch do z finde. |