Buure-Tabak
Dialäkt: Bärndütsch |
Buure-Tabak | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Nicotiana rustica | ||||||||||||
L. |
Der Buure-Tabak (Nicotiana rustica), isch e Art us der Familie vo de Nachtschattegwächs. Me seit im ou Randblatt-Tabak. Er chunnt ursprünglech us em Amazonasgebiet z Südamerika. Wäg sym Gruch wird är ou als Veielitabak bezeichnet.
Beschrybig
[ändere | Quälltäxt bearbeite]![](https://upload.wikimedia.org/wikipedia/commons/thumb/2/2b/Nicotiana_rustica_WPC.jpg/220px-Nicotiana_rustica_WPC.jpg)
Der Buure-Tabak isch e eijährigi chrutigi Pflanze, wo 40 bis 60, ganz sälte 120 cm höch wird. D Pfanze hei chläbrigi Drüsehaar bedeckt. D Blattstile sy 5 bis 15 cm läng, d Blattspreite isch 10 bis 30 cm läng, eiförmig, länglech bis lanzettlech, hüütig u a der Blattbasis härzförmig bis abgrundet.
D Blüeteständ hei kompakti bis lockeri Rispe mit vil Blüete, d Blüete sitze uf 3 bis 7 mm Blüetestile. Der bächerförmigi, behaarti Kelch isch 7 bis 12 mm läng, d Kelchlappe sy unregelmässig drüeggig. D Chrone isch grüenglech-gälb, besteit us 5 Chronbletter, wo zu nere 1,2 bis 2 cm länge Röhre mit öppe 4 mm Durchmässer verwachse. Am Ändi vo der Röhre bilde d Chronbletter churzi, stumpf zuegspitzti Lappe. D Stoubbletter sy underschidlech läng. D Samechapsle isch fescht chugelförmig u het e Durchmässer vo 1 bis 1,6 cm. D Same sy bruun u länglech u öppe 1 mm läng.
D Chromosomezahl betreit 2n = 48.[1][2]
Verbreitig
[ändere | Quälltäxt bearbeite]Der Buure-Tabak chunnt ursprünglech z Bolivie, z Peru u z Ecuador vor.
Verwändig
[ändere | Quälltäxt bearbeite]Der Buure-Tabak wird u isch ursprünglech im obere Amazonasgebiet (Peru, Ecuador, Süd-Kolumbie, Wescht-Brasilie) innerhalb vo der traditionelle schamanische Amazonasmedizin i der "Vegetalismo" (Spanisch für: Heikund mittels Pflanzlechegeischter) vo der Mestize-Heiler u native Heiler agwändet worde. Da derby gilt der Pflanzegeischt vom Tabak als eine vo de mächtigschte Schutzgeischter. Meischtens wird der Buure-Tabak im Amazonasgebiet zum obe erwähnte Zwäck als mapacho (filderlosi Zigarette), ganz sälte innere Pfyffe groukt. Im Amazonasgebiet, also ou drüber us im weschtle Südamerika, isch die i der Schwyz bekannti öffendlechi, gwohnheit vom Altagskonsum vo Tabak, nid üblech. I Teile vo Mexiko isch der Buure-Tabak oder wild Taback ou als Ucuch bekannt. Der Buure-Tabak wird syt em Drissgjährige Chrieg z Euroba about u exischtiert i zahlryche Sorte. Hüt isch är allerdings nur no z Russland, einige oschteuropäische Länder u z Südameika vo Bedütig. Ds bekanntischt europäisch Ruschica-Produkt isch di russischi Machorkazigarette. Es bsundere Merkmal isch der höch Nikotinateil i de Bletter. Der Buure-Tabak gedeit am beschte uf sandigem Bode mit em ne gwüsse Lehmateil. Es isch z empfähle, mindischtens alli zwöi Jahr neu z säje, wil d Gfahr besteit, dass d Tabakqualität lydet. D Bletter wärde zur Verarbeitig mit heissem Wasser gwässche, tröchnet u verchlyneret.
Lueg ou
[ändere | Quälltäxt bearbeite]Literatur
[ändere | Quälltäxt bearbeite]- Zhi-Yun Zhang, Anmin Lu, William G. D'Arcy: Solanaceae. In: Wu Zheng-yi, Peter H. Raven (Hrsg.): Flora of China. Volume 17: Verbenaceae through Solanaceae. Science Press/Missouri Botanical Garden Press, Beijing/St. Louis 1994, ISBN 0-915279-24-X, Nicotiana rustica, S. 300 (änglisch, online).
Weblink
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Bauern-Tabak. FloraWeb.de
- Nicotiana rustica L. In: Info Flora, dem nationalen Daten- und Informationszentrum der Schweizer Flora.
- Thomas Meyer: Tabak Datenblatt mit Bestimmungsschlüssel und Fotos bei Flora-de: Flora von Deutschland (alter Name der Webseite: Blumen in Schwaben).
Quelle
[ändere | Quälltäxt bearbeite]- ↑ Erich Oberdorfer: Pflanzensoziologische Exkursionsflora für Deutschland und angrenzenden Gebiete. Unter Mitarbeit von Angelika Schwabe und Theo Müller. 8., stark überarbeitete und ergänzte Auflage. Eugen Ulmer, Stuttgart (Hohenheim) 2001, ISBN 3-8001-3131-5, S. 823.
- ↑ Nicotiana rustica bei Tropicos.org. In: IPCN Chromosome Reports. Missouri Botanical Garden, St. Louis.
![]() |
Dä Artikel basiert uff ere fräie Übersetzig vu dere Version vum Artikel „Bauern-Tabak“ vu de dütsche Wikipedia. E Liste vu de Autore un Versione isch do z finde. |