Daniel Brélaz

dr Daniel Brélaz

Dr Daniel Brélaz (* 4. Jänner 1950 z Losann) isch e Schwiizer Politiker vo de Grüene.

s Lääbe un d Politik

Dr Brélaz het a dr EPFL Mathematik studiert und isch dänn Mathelehrer gsi. Er isch ghürootet und het äi Soon.

Er het sech vo Afang a bi dr politische Bewegig füre Umwältschutz Groupement pour la protection de l'environnement angaschiert. 1978 isch er Waadtländer Grossroot worde und s nöchscht Joor Nationalrat. Do isch er nid numen i dr Schwiiz der eerscht nazional Parlamäntarier vo de Grüene gsi, sondern grad au uf dr ganze Wält.

Dr Brélaz isch bis 1989 Nazionalroot gsi. Denn het en s Volk vo Losann id d Stadtregierig gwählt. Und anne 2001 isch er no dr Stadtpresidänt und Finanzscheff vo Losann woorde. I däm Amt isch er bis 2016 blibe.

2007 het men en im Waadtland nomol zum Nazionalroot gwählt, was er bis 2011 gsi isch, und au für die übernöchschti Legislatuur sit 2015 und grad nomol bi der Wahl vo 2019 isch dr bekant Maa wider für die Grüene uf Bärn choo.

Dr Daniel Brélaz macht im Verwaltigsroot vo de Transports publics de la région lausannoise, i däm vo dr Gselschaft Métro Lausanne-Ouchy und i däm vo dr Stroomgselschaft EOS Holding mit, und er isch im Komitee vo Lausanne Tourismus und im Stiftigsroot vo dr Stiftig Beaulieu.

I dr Öfentlichkäit isch er wäge syne uffellige Gravatte mit emene Büsichopf druff immer wider is Gsprööch choo. Sit 2018 cha men em Brélat syni Gravatte im Stadtmuseum vo Losann go aluege.

Literatur

• Daniel Brélaz: L'avenir est plus que jamais notre affaire. L'impact des grandes disruptions, Lausanne, 2019, ISBN 9782828918033

Weblink

 Commons: Daniel Brélaz – Sammlig vo Multimediadateie

• Daniel Brélaz uf dr Websyte vo dr Bundesversammlig