Dreisamtal

Dialäkt: Markgreflerisch (Obfige)

Chie im Draisemedal

Blick vum Hinterwaldchopf in s Draisemedal

Blick vu Friburg in s winterli Draisemedal

S Draisemedal isch e Dal eschtli vu dr Großstadt Friburg im Naturpark Sidschwarzwald z Bade-Wirttebärg.

Dur s Draisemedal fließt dr glychnamig Fluss. S Dal isch dur Sedimäntablagerige vu dr Bäch bildet wore, wu zue dr Draiseme zämecheme. Dr ebe Dalbode isch zum Dail e Wasserschiuetzbiet.

Geografischi Lag

S Draisemedal fangt e baar Kilometer eschtli vu Friburg aa un wytet sich uf zuen eme braiten ebene Dalgrund, em Zartener Becki. Hauptort vum Dal isch Kilchzarte mit em Ortsdail Zarte, wu uf s keltisch Tarodunum zrugggoht. Anderi Ortschafte sin Stäge, wu s Eschbachdal vu St. Peter här mindet, Buechebach, wu s Wagestaigdal vu St. Märge här un s Helledal vu Hinterzarte här minde, un s Oberried, wu s Oberrieder Dal vum Notschrei här mindet. Dernäbe zellen au d Friburger Stadtdail Kappel, Ebnet un Littewiiler zum Draisemedal.

Verchehr

Dur s Draisemedal fiere B 31 un d Helledalbahn, wu bodi vu Friburg uus in dr Schwarzwald fiere.

Turismus

Bi vyl Turischten isch s Draisemedal in dr Hauptsach bekannt fir syni Wander- un Mountainbikewäg dur dr Schwarzwald. D Nechi zue Friburg un d Nechi in s Elsiss mache s Draisemdal zuen eme beliebten Uusflugszyyt. Mer chunnt au guet vum Dal uus uf dr Schauinsland un dr Fälberg, dr hegscht Bärg im Schwarzwald.

Di vier Gmaine Kilchzarte, Stägen, Buechebach un Oberried hän si zämegschlosse go zäme turistischi Wärbig mache fir s Draisemedal.

Weblink

 Commons: Dreisamtal – Sammlig vo Multimediadateie

• Vor den Toren Freiburgs: Das Dreisamtal
• Dreisamwiki
• Dreisamtal zwischen Freiburg und Himmelreich
• Aktuelle Fotos aus dem Dreisamtal: regiowebcam.de

Dä Artikel basiert uff ere fräie Übersetzig vu dere Version vum Artikel „Dreisamtal“ vu de dütsche Wikipedia. E Liste vu de Autore un Versione isch do z finde.