Gregor X.
![](https://upload.wikimedia.org/wikipedia/commons/thumb/8/8c/C_o_a_Gregorio_X.svg/220px-C_o_a_Gregorio_X.svg.png)
Dr Gregor X. (* 1210 z Piacenza as Tebaldo Visconti; † 10. Januar 1276 z Arezzo) isch vo 1271 bis 1276 Babst gsi.
D Waal zum Babst
[ändere | Quälltäxt bearbeite]Noch em Dood vom Babst Clemens IV. het s fast drei Joor lang käi Babst gee. Am 1. Septämber 1271 isch denn schliesslig dr Tebaldo Visconti, wo nie Briester gsi isch und zur zit vo de Waale uf eme Chrüzzuug z Palestina gsi isch, zum Babst gweelt worde. Es wird verzellt, ass er z Akkon im Niccolò, Maffeo und Marco Polo offiziell dr Ufdraag gee het, zum Herrscher vo de Mongole z räise, iin zum Christedum z bekeere und mit em e Bündnis gegen e Islam abzschliesse.
S 2. Konzil vo Lyon
[ändere | Quälltäxt bearbeite]Dr Gregor het mit em 2. Konzil vo Lyon e nöije Chrüzzuug welle organisiere, d Begäisterig drfür isch aber in Gränze bliibe. Drfür isch s im Kaiser vo Byzanz Michael VIII., glunge d Widerveräinigung vo dr Ost- mit dr Westchille duurezsetze. Dr Michael het si Riich eso vor de Expansionsglüst vom Köönig vo Sizilie, em Karl vo Anjou, welle schütze. Dr byzantinisch Klerus und s byzantinische Volk häi bsundrigs sit em Vierte Chrüzzuug d Latiiner ghasst und si gege d Union gsi. Scho im Michael si Soon und Noochfolger Andronikos II. Palaeologos het 1282 dr Union en Änd gmacht.
Mit em Dekret Ubi periculum het s Konzil d Babstwaal greeglet. Dr Waalbrozäss het zää Dääg noch em Dood vom alte Babst aagfange und s Konklave isch iigfüert worde, so dass es rascher gieng, bis es nöije Babst gweelt wurd.
Dood
[ändere | Quälltäxt bearbeite]Dr Gregor X. isch am 10. Januar 1276 z Arezzo gstorbe und im Dom dört begraabe worde. Er isch seelig gsproche worde und si Gedänkdaag isch si Doodesdaag am 10. Januar.
Litratuur
[ändere | Quälltäxt bearbeite]- Friedrich Wilhelm Bautz: GREGOR X., Papst. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 320–321.
- Gregor X., In: Hans Kühner: Lexikon der Päpste
- Johann Peter Kirsch: Pope Gregory X. In: Catholic Encyclopedia, Band 6, Robert Appleton Company, New York 1909 (änglisch)
Weblingg
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Vorgänger Clemens IV. |
Papscht 1271–1276 |
Nochfolger Innozenz V. |
![]() |
Dä Artikel basiert uff ere fräie Übersetzig vum Artikel „Gregor_X.“ vu de dütsche Wikipedia. E Liste vu de Autore un Versione isch do z finde. |