Hilf:Neui Site alege
Wottsch e neui Site alege? Des goht ganz eifach!
Zum di neui Site alege chasch de Titel, wo dr öbbis drüber schrybe wottsch, im Süechfäld uff obe rächts yge. Wenn's no kei Artikel mit dem Titel git, no chunnsch uff d Site Spezial:Suche. Wenn dr zum Bispyl XXXX ygisch, no siht sälli eso us:
![](https://upload.wikimedia.org/wikipedia/commons/thumb/c/cc/Als-wp-spezial-suche_neu.png/500px-Als-wp-spezial-suche_neu.png)
Dört klicksch uff s dunkelrote „D Syte „XXXX“ nöi aalege?“, wo dich diräkt zum Bearbeitigsfänschter witerleitet.
Wenn du aber me rote Link in re andere Site gfolgt bisch, no chunnsch diräkt zum Bearbeitigsfänschter.
Wie mer e Artikel formatiert, findsch uff Hilf:Tekschtgstaltig.
- Bitte vor em Abspeichere beachte
- De Artikel sott d Mindestaforderige erfülle. Wenn er z churz oder nit relevant isch, no cha s sii, dass er er innerhalb vo zwei Wuche glöscht wird. Leg lieber numme ei Artikel a, wo defür vo güeter Qualität isch, wie vyl Artikel vo schlächter Qualität!
- Alli Artikel mien under em hochdütsche Name aglegt werre. Du chasch mit
{{DISPLAYTITLE|...}}
e andere Titel azeige, woby anstell vom...
des stoh soll, was du azeige lo wottsch. - Soball dr d Site abgspycheret häsch, chasch si nümmi sälber lösche. Des Rächt isch de Ammanne vorbhalte.
- D Nameskonventione für de Titel vo me Artikel mien beachtet werre.
- Verletz keini Urheberrächt!
- Wenn dr fertig bisch, no klick zerscht uff Vorschau aaluege; deno wird dr azeigt, wie de Artikel ussiht, wenn dr en jetz spychersch.
- Für mänki Begriff git's zwei Wörter, wo genau s Glych bedüte. In dem Fall sott mer nit zwei verschydeni Artikel alege, sondern vom eine Titel e Witerleitig uff di anderi Site erstelle.
Wenn de Artikel noch diner Meinig fertig isch, no klicksch uff Syte spychere. Du chasch in s Fäld Zämmefassig: schrybe, was du gmacht häsch, säll isch aber freiwillig.
Selbschtverständlig chasch de Artikel spöter no nochbearbeite.