Informatik
![](https://upload.wikimedia.org/wikipedia/commons/thumb/b/bb/Pdp-7-oslo-2004.jpeg/220px-Pdp-7-oslo-2004.jpeg)
Informatik heisst e Wüsseschaft, wo sich mit dr systematische und automatische Vearbeitig vu Imformazione befasst. Obwohl viili Lüt denket, dass Informatik viil mit Computer ztue hett, isch das nid korrekt. Dr Computer isch es Werkzüüg ir Informatik. Dr niderländisch Informatiker Edsger Wybe Dijkstra hett folgende Satz gseit: „In dr Informatik gahts gnau so wenig um Computer, wies ir Aschtronomie um Teleskop gaht.“
S Wort Informatik
[ändere | Quälltäxt bearbeite]Me weiss nid gnau, vu wo ds Wort Informatik cho isch. Es git verschideni Quellene, wo folgendi Ursprüng ahgebet:
- Informatik isch vum Wort Information abgleitet.
- Informatik isch us Information und Mathematik entstande.
- Informatik isch us Information und Automatik entstande.
Zum erschte mal isch ds Wort im dütsche Sprôchrum 1957 in em Texscht vum Karl Steinbruch über e Dateverarbeitigsahlag bruucht worde. Im Englische Sprôchrum brucht meh weniger ds Wort „informatics“, stattdesse benützt me ds Wort „computer science“ (Computerwüsseschaft). Ar Purdue University hetts scho 1962 es Department of Computer Science geh. Uf dänisch seit me „Datalogi“ (d Wüsseschaft vu de Date) und im serbokroatische „Računarstvo“ (d Rechnerei). In Dresde hett es Kolloquiu am 26. Februar 1968 ds Wort Informatik als e Wüsseschaft nach französischem und russischen Vorbild definiert.
Bedütig vur Informatik
[ändere | Quälltäxt bearbeite]![](https://upload.wikimedia.org/wikipedia/commons/thumb/5/54/Floridaserversfront1.jpg/220px-Floridaserversfront1.jpg)
Im Lauf vur Zyt hett sich d Informatik in allne Beriich vum Alltag verbreitet. Wo au immer me ane gaht, me trifft schier überall öppis ah, wo mit Informatik ztue hett. Vorallem durch s hütige Internet hett sich de Effekt verstärcht. Hützutag verbindet me alles mitenand: Im Internet verschideni Weblog-Ihträg, in Zytige d Quellene, ir Logistik Frachte vu Ort A nach Ort B, au im menschliche Hirn tuet me das. Me chan also säge, dass Informatik all das isch, wo e gwüssi Logik brucht, en Ablauf iinimmt oder villicht berrechebar isch.
Luegemer zwei Bispiil ah, wo d Informatik nid wegdenkbar wär: I dr Wikipedia lueget sich weltwyt mehreri Millione Mensche Artikel ah. Öppe en Zentl drvo duet aktiv au mitschribe. Die über hundert Computer wo drhinter stegge, tüend für d Mönsche Suechbegriff in über 2.5 Milliarde Wörter durchsueche, und das so verarbeite, dass dr Mönsch, wo nach öppis suecht, au öppis zruggüberchunnt, wo für ihn lesbar isch (zum Biispiil en ganze Artikel).
![](https://upload.wikimedia.org/wikipedia/commons/thumb/3/3b/CN_Intercity_Neigezug_der_SBB.jpg/220px-CN_Intercity_Neigezug_der_SBB.jpg)
Im Zugnetz vor Schwyz hetts mehreri hundert Züg, wo aktiv oder passiv am Zugnetz öppis usmache. Wenn en TGV vu Züri of Basl fahre muess, müend Unmenge vu Date berechnet werde, und das so, dass es möglichscht kei Zämestöss mit anderne Züg gitt und dr Zug möglichscht ohni Halt zu sim Zyl fahre chan. S ganze Zugnetz muess bi allne Bedingige funktioniere. Au wenn es über 500'000 Passagier an em Bahhof git, wo weg wend: Ds Zugnetz und ihri Computer tüend Abfahrte und Ahkümft in Sekundebruchteil berrechne.
Weblink
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)