Neggertaal

Neggertaal
	Wappe vo Neggertaal
Basisdate
Staat:	Schwiiz
Kanton:	St. Galle (SG)
Wahlchrais:	Toggeborg
BFS-Nr.:	3378
Poschtleitzahl:	9122 Mogelsberg; 9123 Nassen; 9125 Brunnadern; 9126 Necker; 9127 St. Peterzell; 9105 Wald-Schönengrund ; 9115 Dicken
Koordinate:	730043 / 245467Koordinate: 47° 20′ 50″ N, 9° 9′ 35″ O; CH1903: 730043 / 245467
Flächi:	49,03 km²
Iiwohner:	Expression-Fähler: Nit erwartete Operator: <Ungültiger Metadaten-Schlüssel 3378 (31. Dezämber 2022)
Website:	www.neckertal.ch
	Neckertal Neckertal
Charte
	Charte vo Neggertaal

Neggertaal isch e politischi Gmaind im mittlere Tal vom Negger im Toggeborg im Kantoo Sanggale i de Schwiz.

Gschicht

D Gmaind gits erst sit em 1. Jänner 2009 und isch us de Gmainde Mogelschberg, Brunoodere und Peeterzäll entstande. De Zämeschluss vo de drai Gmainde isch bi de Abstimig vom 21. Oktober 2007 mit ere groosse Meerhait agnoo wore. Am 31. Dezember 2008 händ di bisherige Gmeinde gmäss Bundesamt för Statistik folgendi Aazahl Iiwohner gha:

Brunoodere 839 Persone
Mogelschberg 2'159 Persone
Sankt Peterzell 1'153 Persone

Da git e Total bim Start vo de neue Gmaind vo 4'151 Iiwohner.

Wappe

S Wappe vo de Gmaind zaigt de Fluss Negger mit sechs Tane uf wissem Grund.

Bevölkerig

Bevölkerigsentwicklig
Johr	2009	2010	2011	2012	2013	2014	2015
Iiwohner	4'147	4'105	4'097	4'048	4'036		3'997

Geografii

D Gmaind Neggertaal lit ime östliche Sitetal vo de Thur. Si isch prägt dor de Negger und dor e Landschaft, wo vo de Land- und Forstwirtschaft gnuzt werd. Quär dör Gmäänd füert d Hoptstross 8, wo vo Sanggalle, Herisau öber d Waldstatt här chunnt und witer öber d Wasserflue uf Liechtestaig und Wattwil goot. E witeri Hoptverbindig füert em Negger no flussabwärts öber Ganterschwil i d Richtig Wil. Brunoodere und Mogelschberg händ je en Bahof a de Linie Romanshorn-Luzern, wo vo de Südostbahn (SOB) betribe werd. Peterzäll werd dor s Postauto erschlosse.