New York (Bundesstaat)

New York
{{{TEXT-FLAGGE}}} {{{TEXT-WAPPEN}}} Fahne Sigel
Charte vo dr USA, New York markiert Lischt vo dr Bundesstaate
Hauptstadt:	Albany
Staatsmotto:	Excelsior
Flechi:	141.299 km²
Iiwohner:	19.297.729 (2007) (137 E./km²)
Mitgliid siit:	26. Juli 1788
Ziitzone:	Pacific: UTC-5/-4
Höchscht Punkt:	1.629 m (Mount Marcy)
Durchsch. Höchi:	305 m
Diefscht Punkt:	0 m Atlantischer Ozean
Gouverneur:	Andrew Cuomo (Demokratische Partei)
Post / Amt / ISO:	NY / / US-NY
Charte vo New York (Bundesstaat) Charte vo New York (Bundesstaat)

New York isch e Bundesschtaat im Nordoschte vu dr USA. Zämme mit New Jersey und Pennsylvania wird New York zue de Mittelatlantikschtaate grechnet. D Hauptschtadt vo New York isch Albany, d greeschti Schtadt isch New York City. Dä offizielli Binamä vo New York lutät Empire State (Imperiums-Schtaat).

Mit ere Flechi vo 141.299 km² und mit 19,3 Millionä Ywohner isch New York nach Kalifornie und Texas dr drittbevölkärigsrichschti Bundesschtaat vu dr USA.

Geographii

New York isch vo d Nordusläufer vo d Apalache prägt. D durchschnittliche Hööchi liggt zwische 300 und 1000 Meter. Im Nordoschte befindet sich dr hööchsti Berg, dr Mount Marcy, mit 1.629 Meter in d Adirondacks Mountains. Im Nordweschte bilde dr Eriesee, dr Ontariosee und dr Sankt-Lorenz-Strom d Grenze vo New York. Im Südoschte liggt d Insle Long Island mit New York City. Dr wichtischte Fluss isch dr Hudson, wo im Norde vom Schtaat in d Appalache entspringt. Es gibt in New York au viile Wasserfäll, wie d Nagarafäll und d Taughannockfäll.

Greeschti Schtädt

• New York City (8.008.367 Ywohner)
• Buffalo (282.865 Ywohner)
• Rochester (212.481 Ywohner)
• Yonkers (197.126 Ywohner)
• Syracuse (143.101 Ywohner)
• Albany (94.226 Ywohner)
• New Rochelle (72.985 Ywohner)
• Mount Vernon (68.321 Ywohner)
• Schenectady (61.125 Ywohner)
• Utica (59.684 Ywohner)

Gschicht

1621 isch d niderländische Kolonii Nieuw Nederland gründet wore. 1664 isch di Kolonii durch Annexion in Bsitz vo dr englische Krone cho und in New Jersey und New York toalt wore. 1788 isch New York as 11. Schtaat in d amerikanische Union ytrete. D erschti Hauptschtadt vo dr USA isch 1789 d Schtadt New York City wore.

Sport

New York hed vile guete Schportverei. D Buffalo Bills spile in dr National Football League und d New York Knicks in dr National Basketball Association. Drei Iishockey-Clüb sin in dr National Hockey League: D Buffalo Sabres, d New York Islanders und d New York Rangers. Zwei Baseballclüb spile in dr Major League: D New York Mets und d New York Yankees.

Z Lake Placid han 1932 und 1980 Olympische Winterspil stattgfunde.

Weblink

• Offizielle Netzsyte vum Bundesstaat (englisch)