St. Patrick’s Day
![](https://upload.wikimedia.org/wikipedia/commons/thumb/e/ed/St._Patricks_Day_Parade_%282013%29_In_Dublin_Was_Excellent_But_The_Weather_And_The_Turnout_Was_Disappointing_%288565108095%29.jpg/220px-St._Patricks_Day_Parade_%282013%29_In_Dublin_Was_Excellent_But_The_Weather_And_The_Turnout_Was_Disappointing_%288565108095%29.jpg)
![](https://upload.wikimedia.org/wikipedia/commons/thumb/8/83/St._Patrick_Cathedral_-_Dublin%2C_Ireland_-_Travel_photography_%2840128098514%29.jpg/220px-St._Patrick_Cathedral_-_Dublin%2C_Ireland_-_Travel_photography_%2840128098514%29.jpg)
![](https://upload.wikimedia.org/wikipedia/commons/thumb/1/1c/Rhine_Falls_St_Patrick%27s_Day_2017.jpg/220px-Rhine_Falls_St_Patrick%27s_Day_2017.jpg)
Dr St. Patrick’s Day (irisch Lá Fhéile Pádraig) isch dr Maandaag vum irische Bischof Patrick, wu waarschyns im 5. Joorhundert gläbt het un as eerschte chrischtlige Missionar z Irland giltet. Sy Gebuurts- un sy Doodesdaag waißt mer nit, s Daatum 17. Meerz fir dr Doodesdaag isch zum eerscht Mool im 7. Joorhundert gnännt woore.[1] E Dail Hischtiooriker glaube, ass in dr Gstalt vum St. Patrick, wien er hite vereert wird, zmindescht zwoo Manne zämegflosse sin, näb em Patrick au no dr Missionar Palladius.[2] Dr Patrick wird in dr kadoolische Chilche as Hailige vereert.
Maandaag
[ändere | Quälltäxt bearbeite]Dr Maandaag vum hailige Patrick isch in dr reemisch-kadoolische Chilche un dr anglikanische Church of Ireland am 17. Meerz. Wel dr Hailig as Schutzpatron vu Irland giltet, isch s Fescht vum Hailige im irische Regionaalkaländer e Hoochfescht.
Dr 17. Meerz isch in dr Republik Irland, z Nordirland, im britische Iiberseebiet Montserrat un in dr kanaadische Brovinz Neifundland e gsetzlige Fyyrdig. Dr St. Patrick’s Day wird wältwyt vu Ire, irische Emigrante un allmee au vu Nit-Ire gfyyrt. Z Dublin un dr maischte andere irische Stedt mache grooßi Paraade un anderi Akzioone dr St. Patrick’s Day zue me bunte Volksfescht. Di greeschte Paraade git s hite z Dublin, z Minche, z New York, z Boston, z New Orleans, z Chicago, z Manchester un z Savannah. Au in dr britische Hauptstadt London git s all Joor e Paraad un e Feschtival.
Am 17. Meerz isch Grien d Faarb, wu iiberaall voorheerscht bi dr Ire in aller Wält. In e Dail Stedt, z. B. Chicago, wääre St. Patrick’s Day sogar d Fliss grien gfäärbt. Au in dr Schwyz git mittlerwyli s Akzioone am St. Patrick’s Day, zem Byschypel wiird dr Rhyyfall bi Schafuuse grien aagstraalt.
Weblink
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Dublin’s St. Patrick’s Festival uf stpatricksday.ie
- St. Patricks Day in Amerika uf zeitgeistusa.de
- St. Patrick's Day uf religionfacts.com (englisch)
Fueßnote
[ändere | Quälltäxt bearbeite]- ↑ The Encyclopaedia of Ireland, General Editor Brian Laylor, Dublin 2003
- ↑ Christine Kinealy: A New History of Ireland, Sutton Publishing, 2004
![]() |
Dä Artikel basiert uff ere fräie Übersetzig vu dere Version vum Artikel „St._Patrick’s_Day“ vu de dütsche Wikipedia. E Liste vu de Autore un Versione isch do z finde. |