misongila’ a manengneng to yin-se-m no Ghana

== '''Rikis'''i(歷史) ==
Nani saka 3 tahira sak 4 sici, o cecay a pecih no [https://zh.wikipedia.org/zh-tw/%E8%BF%A6%E7%B4%8D%E5%B8%9D%E5%9C%8B Kana Hontian-Kitakit], i saka 13 sici o Aken-tamdaw, Mosi-tamdaw tatootoran sa patireng to hotian kitakit i ka’amis ato katimol, 1471 miheca mi’eco ko Potawya palasakowan tona sera, mi’afas to tada’ekim, o lawac no riyar pangangan han to “Tada’ekim salawacan no riyar” han a pangangan. 1595 miheca Holan, Ikiris tatootoor sa macacafi’ tona kitakit, paliwal to koli. 1844 miheca maaro’ no Ikiris ko salawacan no riyar, 1901 miheca malamikowanan no Ikiris ko edef nona kitakit, pangangan han to “ [https://zh.wikipedia.org/zh-tw/%E8%8B%B1%E5%B1%AC%E9%BB%83%E9%87%91%E6%B5%B7%E5%B2%B8 malamicongacongay a tada’ekim salawacan no riyar kitakit no Ikiris”.]

I 1957 miheca saka 3 folad saka6 romi’ad milekal to pisiiked a patireng to kitakit; onini haw i,o mipatatekoan nona micowatan no Ikiris a “ malamicongacongay a tada’ekim salawacan no riyar kitakit no Ikiris” ato nikowanan no Toic a “malamicongacongay to Ikiris a Tokolan”, o sa’ayaway a misiikeday no Ikiris a micowatan a kitakit. o sa’ayaway a congli ci Enkoroma(夸梅·恩克魯瑪; Ikiris a sowal:''Kwame Nkrumah)'' palasawaden ningra ko pitokelad no Honti no Ikiris, palasawaden hec ningra ko telang a ngangan no kitakit misafa’eloh pangangan to Kana Kapolongan-Kitakit, malasa’ayaway a congtong.
[[Faylo:King Asantehene Osei Tutu II of Ashanti (Ashanti region) Asanteman.png|縮圖|272x272像素|Awsay toto hongti no Asanti.]]
Ci Enkoroma o cecay no milekalay to [https://zh.wikipedia.org/zh-tw/%E6%B3%9B%E9%9D%9E%E4%B8%BB%E4%B9%89 Sahetoay-Afrika] sanay a harateng, tata mapacakat a macoroh ni [https://zh.wikipedia.org/zh-tw/%E6%AF%9B%E6%B3%BD%E4%B8%9C Maocetong] o kakerida no Congko, micoroh to pisiiked ato kalacecay no Sahetoay-Afrika a harateng. Mafalic no milololay a kasafelaw i 1966 mihecaan. 1981 miheca mipalasawad ko Tatapangan-Rikec no Kitakit to misanga’ to kasafelaw tono cieci, orasaka, malalang ko misanga’ to kasafelaw no Sici. 1992 miheca malaheci ko fa’elohay a Tatapangan-Rikec no Kitakit, miliyaw heca ko pihayi no sifo to misanga’ to fa’elohay a Tatapangan-Rikec no kitakit, mihayi haca to pisang; to kasafelaw no sieci. Nikawrira, aloman ho ko ma’oripay i “awaay ko kitakit” sanay a ‘orip.Ira ho ko mitooray toya awaay to sakowan-‘icel a Asantito-hongti, oninian a tamdaw a harateng itini i hekal dengan o “ Asanti Finacadan-Haraten”, awaay ko “Kana Finacadan-Harateng” sanay. 

 O Asanti hananay itiraay i katimol no sasifo’an no Kana, o tata’angay a kitakit i Saka’etipan no Afrika, o tada tata’angay kitakit i sa’etipan-Afrika, o tatapanan a niyaro’ itiraay i [https://zh.wikipedia.org/zh-tw/%E5%BA%93%E9%A9%AC%E8%A5%BF Kosima], o pipafelian to kohetingay-koli no isa’etipay a kohecalay tamdaw, toikor mala nicowatan-pala no Ikiris, nornor sa a pasi’amis a milood to Asanti kitakit, sanoyanay sato a mapatireng ko Asanti. O demak no Ikiris makadkad ko telii’ Asanti tamdaw, o honti no Asanti malaplap i 1902 miheca, orasaka, mangalefay ko cakafili a kowanen ko Kana, I 1924 miheca mihamham ko Ikiris to pinokay no honti, 1938 miheca midemak to “Palolol no Asanti-kitakit a lisin”, mapalolol ko “Kalomaocan no Kakita’an no Asanti” tonika mamikowan tona kitakit.

Yo misiiked ko Kana ikor no Sakatosa-[https://zh.wikipedia.org/zh-tw/%E7%AC%AC%E4%BA%8C%E6%AC%A1%E4%B8%96%E7%95%8C%E5%A4%A7%E6%88%98 Lalood], kinapinapina ko Ikiris micorcor to pisaroma a misiiked no Asanti, nikawrira, cowa ka laheci, tahanini o honti no Asanti ira ho ikakaay a kamaro’an i Kana. O honti no Asanti tahanini alacecay aca ko wawa, orasaka, o aniniay a hongti ci [https://zh.wikipedia.org/zh-tw/%E5%A5%A5%E9%80%9A%E5%AF%8C%E6%B2%83%C2%B7%E7%BA%B3%E7%BA%B3%C2%B7%E5%A5%A5%E5%A1%9E%C2%B7%E5%9B%BE%E5%9B%BE%E4%BA%8C%E4%B8%96Awtongfowo-Nana-Awsay-Toto&#x20;sakatosa Awtongfowo-Nana-Awsay-Toto sakatosa], i 1999 miheca a malahongti, pakaalaay to hakasi no Amirika, o “ aniniay a honti no Solomen”.