Vuelta (arquitectura)
Una vuelta[1] (d'o latín < *volta[2] u < *voluta[3]) u voveda (d'o latín < *volvita)[3] ye una estructura arquitectonica que se fa servir t'acubilar espacios entre dos parez u una serie de pilars. A suya cheometría puet estar con simpla u con dople curvatura. Os materials de construcción pueden estar: piedra (fendo candals), tochos, acero u fornigón.
Os tipos mas conoixitos de vueltas son:
- A vuelta de canyón de forma cilindrica (curvatura simpla), emplegada en l'arquitectura romana y romanica.
- A vuelta d'ariesta, formada por a intersección de dos vueltas de canyón u cilindricas.
- En l'arquitectura gotica, as vueltas d'ariesta se forman por a intersección de vueltas apuntadas u ochivals.
- A cupula u vuelta esferica (dople curvatura), ye una esfera por l'interior. Emplegada en l'arquitectura bizantina y d'o Renaiximiento.
- A vuelta vaída (dople curvatura) ye formada por una cheneratriz circular que se desplaza sobre una directriz tamién circular, mantenindo-se lo suyo plan en a mesma orientación.
- A vuelta catalana que se fa en metendo tochos en a parti plana.
Referencias[editar | modificar o codigo]
- ↑ (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p. 330.
- ↑ (es) Rosa María Castañer Martín: Estudio del léxico de la casa en Aragón, Navarra y Rioja, Gubierno d'Aragón, 1990, ISBN 84-7753-146-3, p. 63.
- ↑ 3,0 3,1 (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
Vinclos externos[editar | modificar o codigo]
Se veigan as imáchens de Commons sobre as vueltas.
