Sienita
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Sienita ye una roca plutonica formata por feldespatos potasicos predonando respecto a la plachiclasa y chicotas cantidaz de cuarz u feldespatoides, correspondendo a lo campo 7 d'o diagrama de Streckeisen.
Composición
[editar | modificar o codigo]![](https://upload.wikimedia.org/wikipedia/commons/thumb/9/9f/Streckeisen_Syenite.jpg/200px-Streckeisen_Syenite.jpg)
Os feldespatos potasicos representan entre o 65 y o 90% de toz os feldespatos y gosa estar a ortoclasa pertitica, pocas vegatas microclina. A plachioclasa ye entre o 10 y o 35% d'os feldespatos y ye oligoclasa u andesina, poquismas vegatas labradorita.
O contenito en cuarz ye por un regular entre o 0 y o 5% d'a suma d'o volumen conchunt d'o cuarz y os feldespatos, y si ye d'entre 5 y 20% ye una variant d'a sienita dita cuarz-sienita u sienita con cuarz. Cuan no bi ha cuarz podemos trobar-ie feldespatoides, rarament olivín. Atros minerals que pueden estar presents son a hornblenda ya biotita.
Os minerals accesorios son o diopsido, a esfena, a magnetita, a titanomagnetita, a ilmenita, l'allanita, o granat, o zircón,l'apatito y a fluorita. Si no bi ha cuarz podemos trobar tamién como accesorio o corindón.
Si o contenito en minerals escuros sobrepara o 35% a variant d'a sienita se diz melanosienita, y si ye de chos o 10% ye una leucosienita. En as cuarz-sienitas se consideran atros porcentaches, respectivament o 30% y o 5%
Textura
[editar | modificar o codigo]![](https://upload.wikimedia.org/wikipedia/commons/thumb/4/4e/Tutankhamun_Period_God_Amun.jpg/200px-Tutankhamun_Period_God_Amun.jpg)
Son rocas de mida de gran meya a gruesa. Os feldespatos alcalins forman un rete de cristals tabulars, a sobén con a macla de Calsbad. Os atros minerals son en os entresillos. Ocasionalment puet haber-ie una textura fluidal.
Etimolochía
[editar | modificar o codigo]Prene o nombre d'o chacimiento de Syena (Echipto). Manimenos en a clasificación actual, con o diagrama de Streckeisen, as rocas d'ixe chacimiento se consideran granitos por tener mes d'o 20% de cuarz.
Aplicacions
[editar | modificar o codigo]![](https://upload.wikimedia.org/wikipedia/commons/thumb/9/97/400-lys-labrabor.png/200px-400-lys-labrabor.png)
Cualques variants d'a sienita se fan servir como recholas u pa cubrir fronteras en os locals. A part d'a cuarz-sienita se fa servir muito a larvikita, con una color grisa y un aspecto diferent de tot a las sienitas tipicas.
En as fronteras d'as casas en Zaragoza se fa servir como roca ornamental cuarz-sienitas que reciben explicitas denominacions comercials como Rojo Imperial, Rojo Águila, Rosso Bat, Rosso Perla, Rojo África, Rojo Kapustinski (cuarz-sienitas royas) y Baltic Brown (cuarz-sienitas escuras con textura Rapakivi).[1]
Referencias
[editar | modificar o codigo]- ↑ (es) Leonor Carrillo Vigil, Josep Gisbert Aguilar: Pero ¿ hay rocas en la calle?. Guía de rocas ornamentales. Ayuntamiento de Zaragoza, 1993.
Bibliografía
[editar | modificar o codigo]- (es) Walter Maresh, Olaf Mendenbach: Las Rocas. Guías de Naturaleza Blume. 1990.