Banco Mundial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Banco Mundial World Bank


Seu d'o Banco Mundial.
Información d'o Banco
Churisdicción	189 países
Seu	Washington, DC, EEUU 38°53′56″N 77°02′33″U
President	Kristalina Georgieva
Localización
Banco Mundial Banco Mundial en Estaus Unius
Sitio web
worldbank.org

O Banco Mundial ye una institución financiera internacional que ye responsable de dar amprens con baixo intrés a estaus ta prochectos de desembolique, reducindo asinas a pobreza, fan parti d'o Banco Mundial 189 estaus que tién dreito a voto seguntes a suya aportación economica feita en o mesmo. Ye formato por dos institucions: o Banco Internacional de Reconstrucción y Fomento (BIRF) y l'Asociación Internacional de Fomento (AIF).

Istas dos institucions chunto con atras tres, a Corporación Financiera Internacional (CFI), l'Organismo Multilateral de Garantía de Inversions (OMGI) y o Centro Internacional de Resolución d'Esferencias Relativas a Inversions (International Centre for Settlement of Investment Disputes, CIREI) forman o Grupo d'o Banco Mundial. Iste grupo, con os suyos afiliatos, tienen a suya seu en Washington DC.

O Banco Mundial treballa con atra entidat deseparata, o Fundo Monetario Internacional (FMI), que da financiación t'aliucherar os problemas en a balanza de pagos d'a deuda. Os dos son conoixitos como "Institucions de Bretton Woods", ya que a conferencia internacional en a que se creyoron istas institucions se fació en ista ciudat, Bretton Woods, en o estau de Nueva Hampshire, en os Estaus Unius, de l'1 a o 22 de chulio, 1944.

Lista de presidents

Nombre	Calendata	País	Datos d'intrés
Eugene Meyer	1946–1946	Estaus Unius	Editor de periodicos y President d'a Reseva Federal d'Estaus Unius.
John J. McCloy	1947–1949	Estaus Unius	Avogau y Secretario adchunto de guerra.
Eugene R. Black, Sr.	1949–1963	Estaus Unius	Eixecutivo d'o Chase Manhattan Bank y director eixecutivo d'o World Bank.
George Woods	1963–1968	Estaus Unius	Eixecutivo d'a First Boston Corporation
Robert McNamara	1968–1981	Estaus Unius	President d'a Ford Motor Company, Secretario d'Esfensa d'Estaus Unius en o gubierno d'os presidents John F. Kennedy y Lyndon B. Johnson.^[1]
Alden W. Clausen	1981–1986	Estaus Unius	Avogau y eixecutivo d'o Bank of America.
Barber Conable	1986–1991	Estaus Unius	Senador d'Estaus Unius por Nueva York y congresista.
Lewis T. Preston	1991–1995	Estaus Unius	Eixecutivo en J.P. Morgan
Sir James Wolfensohn	1995–2005	Estaus Unius Australia (prev.)	Avogau d'interpresas y banquero.
Paul Wolfowitz	2005–2007	Estaus Unius	Embaixador d'Estaus Unius en Indonesia, Vicesecretario d'Esfensa d'Estaus Unius, Degán d'a School of Advanced International Studies (SAIS) en a Johns Hopkins University, partecipant d'a planificación d'a Invasión d'Irak de 2003. Re nunció a su cargo por escandalos d'Etica.
Robert Zoellick	2007–2012	Estaus Unius	Vicesecretario d'Estau d'os Estaus Unius y Representante d'o Comercio.
Jim Yong Kim	2012–present	Estaus Unius South Korea (prev.)	Expresident d'o departamento de Salud Global y Medicina Social en Harvard, presidente d'o Dartmouth College y nacionalizato Estausunidense.^[2]

criticas

As actuacion y a forma de treballo con muitos paises ye muito criticada, mas que mas por organizacions no gubernombrentals, d'esfensa d'os dreitos humans y muit especialment d'os indichenas de cuantos países.

Tamién bi ha chent que feba parti d'a creyación de programas y a estructura d'o Banco Mundial que critican o suyo funcionamiento como Joseph Stiglitz premio Nobel d'Economía y maximo responsable economico d'o Banco Mundial en o periodo 1997-2000, Henry Hazlitt y Ludwig Von Mises.^[3]^[4]^[5]

Una d'as criticas mas comun ye a suya forma en a que ye dirichito, o banco representa a 188 estaus pero a suya dirección ye en mans d'uns pocos economicament poderosos. Istos estaus tamién eslichen a suya presidencia y a dirección por o que os intereses d'ixos países son d'alto d'atros.^[6]

O Comité d'Asuntos Foranos d'o Senau d'Estaus Unius fizo un informe a on critica a o Banco Mundial y atras istitucions finacieras internacional por centrari-e a suya politica economica en fer prestamos en os puestos en cuentas de buscar un resultau de desembolique mientres un determiau tiempo, a mas a mas de fer mes esfuerzos contra a corrupción.^[7]

Tamién muitas criticas es fan en forma de protestas acompanyatas de manisfestacions entre as que cal destacar as Protestas d'Oslo de 2002, a Rebelión d'Octubre, a Contracumbre de Seattle u as protestas que facioron os Kayapó, uns indichenas d'a Amazonía que aconsiguieron que o Banco Mundial no faciera un prestamo ta a construcción d'una entibadera en o suyo territorio d'os vegatas.^[8]

Tamién ye muito criticata a tradición de que o suyo president siga estausunidense, ixo es feba en o prencipio por que yera o país que feba a parti mas gran d'aportación economica ta o suyo funcionamiento, pero zaguerament os demas países creyen que cada puesto en o Banco Mundial tién que estar ocupau por a persona mas cualificada ta ello.

Bibliografía

(en) Salda, Anne C. M., Historical dictionary of the World Bank, (1997). ISBN 0810832151.

online.

Referencias

↑ Robert S. McNamara and the Real Tonkin Gulf Deception, Antiwar.com, Gareth Porter, 6 d'agosto de 2014. Revisau o 30 d'aviento de 2017.
↑ (en) Why Jim Yong Kim would make a great World Bank president. The Guardian, Heather Hurlburt, 23 de marzo de 2012. Revisau o 30 d'aviento de 2017.
↑ * (en) Stiglitz, Joseph E. T "he Roaring Nineties: A New History of the World's Most Prosperous Decade". Editorial W. W. Norton & Company, Nueva York, 2003. ISBN 978-0-39-305852-9.
↑ * (en) Stiglitz, Joseph E. "Globalization and Its Discontents". Editorial W. W. Norton & Company, Nueva York, 2003. ISBN 978-0-39-332439-6.
↑ * (en) Stiglitz, Joseph E.,"Making Globalization Work". Editorial W. W. Norton & Company, Nueva York, 2003. ISBN 978-0-39-333028-1
↑ * (en) Woods, Ngaire. The Globalizers: The IMF, the World Bank, and Their Borrowers.Cornell University Press, 2007, Ithaca, NY. ISBN 978-0-80-147420-0.
↑ * (en) Committee on Foreign Relations, United States Senate, 111th Congress. The International Financial Institutions: A Call For Change. Editorial U.S. Government Printing Office, 2010.
↑ (en) Amazon Indians Attack Official Over Dam Project

Vinclos externos

Se veigan as imáchens de Commons sobre Banco Mundial.
(es) Pachina web oficial d'o Banco Mundial

Datos: Q7164
Multimedia: World Bank / Q7164

[1] Robert S. McNamara and the Real Tonkin Gulf Deception, Antiwar.com, Gareth Porter, 6 d'agosto de 2014. Revisau o 30 d'aviento de 2017.

[2] (en) Why Jim Yong Kim would make a great World Bank president. The Guardian, Heather Hurlburt, 23 de marzo de 2012. Revisau o 30 d'aviento de 2017.

[3] * (en) Stiglitz, Joseph E. T "he Roaring Nineties: A New History of the World's Most Prosperous Decade". Editorial W. W. Norton & Company, Nueva York, 2003. ISBN 978-0-39-305852-9.

[4] * (en) Stiglitz, Joseph E. "Globalization and Its Discontents". Editorial W. W. Norton & Company, Nueva York, 2003. ISBN 978-0-39-332439-6.

[5] * (en) Stiglitz, Joseph E.,"Making Globalization Work". Editorial W. W. Norton & Company, Nueva York, 2003. ISBN 978-0-39-333028-1

[6] * (en) Woods, Ngaire. The Globalizers: The IMF, the World Bank, and Their Borrowers.Cornell University Press, 2007, Ithaca, NY. ISBN 978-0-80-147420-0.

[7] * (en) Committee on Foreign Relations, United States Senate, 111th Congress. The International Financial Institutions: A Call For Change. Editorial U.S. Government Printing Office, 2010.

[8] (en) Amazon Indians Attack Official Over Dam Project

[1]

[2]

[3]

[4]

[5]

[6]

[7]

[8]