Bandera d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bandera d'Aragón (institucional) Uso ... Proporción 2:3 Adopción 28 de chunio de 1984 (Decreto 48/1984) Colors    Amariello    Royo

Bandera d'Aragón (oficial) Uso ... Proporción 2:3 Adopción 10 d'agosto de 1984 16 d'abril de 1984 Disenyador    Amariello    Royo

Bandera d'Aragón (oficial sin escudo) Uso ... Proporción 2:3 Adopción 28 de chunio de 1984 28 de chunio de 2018 Disenyador    Amariello    Royo

A bandera d'Aragón ye a tradicional bandera d'os reis d'Aragón, que yera d'antis mas emplegata nomás por o rei, como expresión d'a suya sobiranía. Existe documentación que preba que ista fue usada ya dende os tiempos d'Alifonso II, estando universalment conoixida como "d'Aragón".

Son elementos comuns d'a bandera y o escudo os "palos de gules" u "barras d'Aragón", elemento historico común d'as actuals cuatre comunidaz autonomas que fuoron integradas en a Corona d'Aragón. Tamién apareixen en o escudo d'Espanya.

D'alcuerdo con o dito en l'articlo 3 d'o Estatuto d'Autonomía d'Aragón, a bandera d'Aragón ye a tradicional d'as cuatre barras royas horizontals sobre fundo amariello. A Lei d'Uso d'a Bandera y o Escudo d'Aragón regula o suyo emplego

Articlo 3.— Simbolos y capitalidat.

1. A bandera d'Aragón ye a tradicional d'as cuatre barras royas horizontals sobre fundo amariello.
2. O escudo d'Aragón ye o tradicional d'os cuatre cuartels, rematau por a corona correspondient, que figurará en o centro d'a bandera.

Respecto a la posición d'o escudo, a Lei 2/1984, de 16 d'abril, d'a Comunidat Autonoma d'Aragón, regula l'uso d'a bandera y o escudo nacionals, establindo en o suyo articlo 5 que "O Escudo d'Aragón figurará siempre en o centro d'a bandera".

Manimenos, o Decreto 48/1984 d'a Deputación Cheneral d'Aragón, por o que se fa publico o modelo oficial d'o escudo d'Aragón, y s'estableixen as normas precisas sobre a confección y caracteristicas materials d'a bandera d'Aragón, estableixe en o suyo articlo 2º que "cuan a bandera d'Aragón tienga a proporción normal, a largaria igual a tres meyos de l'amplaria, l'eixe d'o Escudo se meterá a una distancia d'a vaina de meya amplaria d'a Bandera", estando ista a bandera emplegada por as institucions d'Aragón.

Asinas mesmo a "Ley 8/2018, de 28 de chunio, d'actualización d'os dreitos historicos d'Aragón" confirma a opcionalidat d'o escudo en a bandera, estando asinas tamién oficial a bandera sin escudo, como apareixe descrito en o Estatuto d'Autonomía d'Aragón.

Articlo 10. A bandera d'Aragón.

1. A bandera d'Aragón, d'alcuerdo con o preceptuau en l'articlo 3 d'o Estatuto d'Autonomía, ye a tradicional d'as cuatre barras royas horizontals sobre fundo amariello, en la que podrá figurar en o centro o escudo d'Aragón.

Banderas preautonomicas

L'ente preautonomico previo a la constitución d'o Gubierno d'Aragón y formau en primeras por os representants d'as tres deputacions provincials emplegoron cuantos simbolos. Inicialment, en 1977, mientres as primeras reunions, ondeó una bandera de barras royas sobre amariello y a l'asta un campo con a cruz de Sant Chorche, que fue aprobada o 28 de mayo de 1977 por o pleno d'a Deputación de Zaragoza. o 12 d'abril de 1978, y dica 1984 (anyo d'aprebación d'o Estatuto d'autonomía), se instituyó y emplegó a «constituyida por cuatre barras royas» y en a que se podeba incorporar o escudo que yera «o constituyido por os suyos cuatre cuartels tradicionals: a carrasca de Sobrarbe, a Cruz d'Enneco Ariesta, a cruz de Sant Chorche rodiada por as cuatre cabezas de moro y os palos de gules». Ista mida fue presa en a primera reunión d'a recient constituyida Deputación Cheneral d'Aragón. O Decreto 48/1984, que regula o modelo oficial d'a bandera y o escudo, formaliza una variant d'ista bandera, desplazando o escudo enta l'asta y concretando un disenyo definiu d'o escudo.

• 
  Bandera de 1977 a 1978
• 
  Bandera de 1978 a 1984

Atras banderas

Dende ya fa anyos, se fan servir ta reivindicar a independencia d'Aragón cuantas variants d'o sinyal d'as cuatre barras con una estrela roya en meyo u en un cuartel en a esquina superior ezquierda (a on a estrela ye blanca y o cuartel azul en bellas variants) dita estrelada aragonesa.

Se veiga tamién

• Barras d'Aragón.
• Estrelada aragonesa.