Cado

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un cado.

Un cado (d'o latín <CAVUM, «forato en tierra») u matriquera (d'o latín <*MATRICARĪA, «en do se troban as mais») ye un forato con forma de cavidat, túnel u totas dos, que un animal suele socavar en tierra ta fer-se un espacio adecuato ta habitar-ie u ta cubillar-se temporalment.

A misión d'os cados ye de proporcionar-le cubillo a l'animal, en guardando-lo d'os depredadors u de lo tempero. Gosan brindar un espacio calmo que bels animals emplegan ta librar-ie as suyas crías u ta dar-les de tetar. En aragonés, existen diferents nombres ta designar os diferents tipos de cados, de regular relacionaus con a especie animal que los ocupa.

Muitas especies construyen os suyos propios cados, pero belaltras son oportunistas y en emplegan que haigan quedato lasos d'altros animals, u dica aprofeitando cavidaz naturals u artificials en o medio. A denominación cado s'aplica indistinctament a lo cubillar construito por l'animal u, en o caso d'os animals domesticos, a la estructura que omne le proporciona ta que i nidifique.

Vinclos externos

• Se veigan as imáchens de Commons sobre cados.

• Datos: Q1410542
• Multimedia: Burrows / Q1410542