Calor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cuan se fa cremar o carbón, desprende calor gracias a la transformación d'a enerchía quimica

A calor (de simbolo Q) ye una forma d'enerchía que se produce con o movimiento cinetico d'as moleculas d'un cuerpo u particla.

Tamién se puet definir como una sensación que s'experimenta en recibir dreitament u indreitament a radiación solar, u d'aproximación a una fuent exotermica.

En a fisica a calor se define como o intercambio d'enerchía que se produce en cualsiquier proceso en o que o sistema no ye aislau d'o entorno y i existe un gradient de temperaturas en as mugas d'o sistema analizau. No s'ha de confundir o concepto de calor con o de temperatura ni tampoco no con o d'entalpía.

Transmisión de calor

Por un regular, s'admiten tres formas distintas de transmitir a calor: por conducción, por convección y por radiación. Rigurosament, nomás a conducción y a radiación son formas de transmisión d'a calor, que pa producir-sen penden nomás d'a existencia d'un desequilibrio termico. O caso d'a convección pende amás d'o transporte mecanico de masa, manimenos como contina habendo-ie una transferencia de calor dende una zona de mayor temperatura a un atra de temperatura inferior, s'adopta la expresión transmisión de calor por convección.

• Conducción termica: Siempre que existe un gradient de temperatura en un meyo solido, a calor fluye dende a rechión u cuerpo con mayor temperatura a la rechión u cuerpo con menor temperatura.
• Convección termica: se compone de dos mecanismos que operan a la vegada; transferencia d'enerchía chenerada por o movimiento molecular, ye decir, conducción, y transferencia d'enerchía a traviés d'o movimiento de partis de fluyius empentadas por una fuerza externa, que puet estar natural en o caso d'un gradient de densidat, u forzada en o caso d'un ventilador u una bomba.
• Radiación termica: Toz os cuerpos emiten radiación electromagnetica con una intensidat que pende d'a suya temperatura y d'a largaria d'onda considerada.

A transmisión simpla, ye decir, debida nomás a una d'as tres formas ye en a practica inexistent y se produce siempre en forma simultania, a o menos por a combinación de dos d'as formas de transmisión y muit a sobén por as tres.

Se veiga tamién

• Fredor

Referencias

• Datos: Q44432
• Multimedia: Heat / Q44432