Carlos Pauner
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Carlos Pauner | ||
---|---|---|
![]() | ||
Información personal | ||
Naixencia | 9 de chunio de 1964![]() | |
Esporte | Alpinismo | |
Títols | ||
14 ueitomils |
Carlos Pauner Gotor (Chaca, Uesca, 9 de chunio de 1964), ye un alpinista aragonés. Ye o solo alpinista aragonés y cuatreno espanyol dica hue (2018) en puyar en os 14 ueitomils d'a Tierra.
A suya primera expedición, en 1995, le leva a puyar a o mont Kun (7.077 m), en India. En marzo de 1997 s'une a una expedición navarra financiata por "Al filo de lo Imposible" ta intentar o suyo primer ueitomil, encara que o Kangchenjunga no se deixará vencer ista vegata.
O suyo primer ueitomil puyato será o K2 en 2001 y, a l'anyo venient, o segundo: o Makalu, estando o primer aragonés que i puya.
En l'anyo 2002, coincidindo con l'"Anyo Internacional d'as Montanyas", o Gubierno d'Aragón decide patrocinar o prochecto de Carlos Pauner ta puyar a os 14 monts que blincan d'os ueitomil metros d'altaria.
Será en 2003 cuan ocurre l'accident en que se le da por muerto mientres de tres días, dimpués de fer tuca en o Kangchenjunga. A dificil baixata d'iste mont y as secuelas derivtdas no le sacoron ganas ta continar con o prochecto.
En l'anyo 2004 puyó dos nuevos ueitomils: o Gasherbrum I y o Cho Oyu, en l'anyo 2005 o Nanga Parbat y en 2007 o Broad Peak.
En o 2008 puyó a o Dhaulagiri, consiguindo a suya ueitena tuca de mas de ueitomil metros, y en 2010 consigue a nuena puyando a l'Annapurna y a decena puyando a o Manaslu.[1]
En mayo de 2011, puya a o suyo onceno ueitomil, o Lhotse.[2]
Ueitomils puyatos por orden cronolochico
[editar | modificar o codigo]![](https://upload.wikimedia.org/wikipedia/commons/thumb/a/a2/Carlos_pauner_Chooyu01.jpg/250px-Carlos_pauner_Chooyu01.jpg)
- K2, 8.611 m - 2001.
- Makalu, 8.463 m - 2002.
- Kangchenjunga, 8.586 m - 2003.
- Gasherbrum I, 8.068 m - 2004.
- Cho Oyu, 8.201 m - 2004.
- Nanga Parbat, 8.125 m - 2005.
- Broad Peak, 8.047 m - 2007.
- Dhaulagiri, 8.167 m – 2008.
- Annapurna, 8.091 m – 2010.
- Manaslu, 8.163 m – 2010.
- Lhotse, 8.516 m – 2011.
- Gasherbrum II, 8.035 m – 2011.
- Shisha Pangma, 8.027 m - 2012.
- Everest, 8.848 m – 2013.
Fracaso en o Shisha Pangma
[editar | modificar o codigo]Dimpues d'a conquiesta d'a tuca d'o Everest sin d'oxichén o 22 de mayo de 2013 Pauner zarró en falso o suyo reuto de conseguir plegar dica as catorce montanyas mas altas d'o mundo sin d'oxichén [3], ya que a suya puyata a o Shisha Pangma (8.027 msnm) en a primavera de 2012 no ha sito reconoixita por webs especializatas en alpinismo como 8000ers.com [4] y mesmo os suyos companyers d'expedición como Juanito Oiarzabal tienen dandalos.[5][6]. Él mesmo en a suya cuenta de Twitter no confirmó o exito d'a puyata dica un día dimpués d'a suya plegata a o campo base, ta rectificar poco dimpués:
Istas dubdas serían confirmatas en posteriors declaracions o 13, 17 y 19 de mayo de mayo de 2012:
Se veiga tamién
[editar | modificar o codigo]Ueitomil, lista d'os 14 ueitomils d'a Tierra y de toz os alpinistas que bi han puyato.
Referencias
[editar | modificar o codigo]- ↑ (es) Pauner abraza el Manaslu
- ↑ (es) Carlos Pauner hace cima en el Lhotse, su undécimo ochomil
- ↑ (es) "Carlos Pauner corona los 14 ochomiles". El Mundo, 22 de mayo de 2013
- ↑ (en) Shisha Pangma: all ascents to date
- ↑ (es) Oiarzabal, Pauner y Garra no hicieron cima en el Shisha Pangma. 22 de mayo de 2013. Desnivel.com
- ↑ (es) Oiarzábal relata su (intento de) ascensión al Shisha Pangma. 22 de mayo de 2013. Desnivel.com
- ↑ (es) ¿Cima en el Shisha Pangma?. 22 de mayo de 2013. Desnivel.com
- ↑ (es) "Pauner no tiene claro si alcanzó la cima del Shisha Pangma". 22 de mayo de 2013. Heraldo de Aragón
- ↑ (es) "Llegamos hasta lo que nos pareció la cumbre". 22 de mayo de 2013. Desnivel.com
- ↑ (es) título=¿Cima en el Shisha Pangma? 22 de mayo de 2013. Desnivel.com
Vinclos externos
[editar | modificar o codigo]Artíclos en Prensa
[editar | modificar o codigo]- (es) "Rescatan con vida al alpinista perdido en Nepal". El Mundo
- (es) "Desaparece un español tras coronar la tercera montaña más alta del mundo". Libertad Digital
Documentals
[editar | modificar o codigo]- (es) Kangchenjunga, historia de un superviviente. RTVE.