Diagnostico medico
O diagnostico medico ye lo proceso de determinar qué malautía u afección explica los simptomas y signos d'una persona. A ormino se lo denomina diagnostico en o cual o contexto medico ye implicito. A información necesaria pa un diagnostico per un regular se recopila a partir d'a historia y l'examen fisico d'a persona que busca atención medica.[1] A ormino, mientres o proceso tamién se realizan un u mas procedimientos de diagnostico, como prebas medicas. De vez en vez, o diagnostico postumo se considera una especie de diagnostico medico.
O diagnostico gosa estar un desafío perque muitos signos y simptomas no son especificos. Per eixemplo, l'enroyimiento d'a piel (eritema), per él solo, ye un signo de muitas trastornaduras y, per tanto, no le indica a lo profesional d'a salut qué ye malament. Per tanto, s'ha de realizar un diagnostico diferencial, en o cual se comparen y contrasten cuantas explicacions posibles. Isto implica la correlación de cuantas piezas d'información seguida d'o reconoixencia y diferenciación de patrons. Alasveces, o proceso se veye facilitau per un signo u simptoma (u un grupo de cuantos) que ye patognomonico.
O diagnostico ye un component important d'o procedimiento d'a visita a lo medico. Dende lo punto de vista estatistico, o procedimiento de diagnostico implica prebas de clasificación.
Referencias
[editar | modificar o codigo]- ↑ (es) Cardellach, F.; Junyent, J.M.G.; Borstnar, C.R.. Compendio de anamnesis y exploración física. Elsevier Health Sciences Spain, 2014. ISBN 978-84-9022-436-6.
