Hiroshima

	Hiroshima
	Localidat de Chapón
	; O castiello d'Hiroshima.
Estau; • Rechión; • Prefectura	Chapón; Chūgoku; Hiroshima
Superficie	905,01 km²
Población; • Total; • Densidat	; 1198021 hab. (2021); 1.321 hab/km²
Codigo postal	730-8586
Ríos	Ota
Coordenadas	34°23’29’’N132°27’ 6’’E
	Hiroshima Hiroshima en Chapón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Hiroshima (広島ひろしま市し, 'Hiroshima-shi', en chaponés) ye una ciudat chaponesa en a rechión de Chūgoku y prefectura de Hiroshima, de la que ye a suya capital.

Hiroshima tien una superficie de 905,01 km², una población de 1.173.980 habitants (2010) y una densidat de población de 1.297,2 abs/km².

Cheografía

Hiroshima ye situata a canto d'o río Ota y d'a mar interior de Seto.

Historia

Hiroshima fue establita en a costa norte d'a mar interior de Seto en 1589 por o sinyor feudal Terumoto Mori, que fació tamién construir un castiello, o castiello d'Hiroshima, en a mayor d'as islas fluvials d'o río Ota, nombre que prenió en os suyos primers tiempos a ciudat. Cuan Teremuto Mori fue redotato o 20-21 d'octubre de 1600 en a batalla de Sekigahara por as tropas d'Ieyasu Tokugawa, o primer shogun d'o Chapón, iste li prenió a mayor parte d'os suyos territorios, entre os cuals Hiroshima y o suyo castiello, que cedió a Masanori Fukushima.

No se convertió en formalment una ciudat dica a Era Meichi, o día 1 d'abril de 1889. Yera en ixas envueltas una important base naval de l'Armata Imperial chaponesa, con un papel de primer orden mientres a primera guerra chino-chaponesa en 1894-1895, papel que mantenió dica rematar a Segunda Guerra Mundial

Mientres a Segunda Guerra Mundial, a ciudat d'Hiroshima fue bombardiada por a United States Army Air Forces estausunidense con una bomba atomica o 6 d'agosto de 1945, en os bombardeyos atomicos sobre Hiroshima y Nagasaki.