Idioma oseta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Oseta Иронау
Atras denominacions:
Parlau en:	Rusia, Cheorchia, Turquía.
Rechión:	{{{territorios}}}
Etnia:	Osetas
Parladors:	Uns 640.000
Posición:	{{{clasificación}}} (Ethnologue 1996)
Filiación chenetica:	Luengas indoeuropeas  Indoiranica   Iranica    Oriental     Nordorientals      Oseta
Estatus oficial
Oficial en:	Osetia de lo Norte Osetia de lo Sud
Luenga propia de:	{{{propia}}}
Reconoixiu en:	{{{reconoixiu}}}
Regulau por:
Codigos
ISO 639-1	os
ISO 639-2	oss
ISO 639-3	oss
SIL
Mapa etnico de lo Caucas con los osetas en color verde clara.

L'oseta (Иронау) ye una luenga iranicana que charran los osetas de lo Caucas, zaguera muestra de las luengas iranicanas nordorientals que charraban pueblos de las estepas d'Europa Oriental como los escitas, sarmatas y alanos.

Las luengas iranicanas de la branca escita y sarmata antigament ocupaban extensas arias d'Europa oriental dica que fuoron desplazadas por las luengas turquicas y eslavas. Bi ha toponimos como lo río Don que encara son trasparents pa los osetas, (Don significa "augua" pa los osetas, a l'igual que lo río "Duero" provién d'una radiz que significa "augua" en luengas celtas). La luenga de los alanos duró bel tiempo en las estepas y costeras de lo norte de lo Caucas por la existencia d'Alania, un reino alano formau por los alanos que fuyoron de los hunnos enta lo sud y se sedentarizoron chunto con pueblos caucasicos. En lo Caucas la luenga alana-oseta quedó dividida en dos dialectos: lo digor u occidental y lo iron u oriental. Lo digor se charra en una part d'Osetia de lo Norte, lo iron se charra tanto en Osetia de lo Norte como en Osetia de lo Sud. Lo "chasico" ye un tercer dialecto oseta se charraba en Hongría en la baixa Edat Meya por establir-se-ie alanos que en tiempos de los mongols emigraban enta l'ueste con los cumans.

Lo primer libro escrito en luenga oseta ye de 1798 y en alfabeto cirilico. En lo sieglo XIX se feba servir tanto l'alfabeto cirilico como l'alfabeto cheorchiano, y a vegadas lo dialecto digor s'escribiba en alfabeto arabe. En 1923 s'introdució l'alfabeto latino. En 1938 introducioron l'alfabeto cirilico de nuevo en Osetia de lo Norte y l'alfabeto cheorchiano en Osetia de lo Sud, dica la muerte de Stalin, cuan ya deixoron de fer servir l'alfabeto cheorchiano. Lo digor deixó d'estar base d'un stándard escrito en 1939.

Los osetas tienen una rica literatura epica tradicional con elementos pagans, lo ciclo de los Nartos, que han trasmeso a los circasians y abkhasios. Lo especialista en relichions politeístas indoeuropeas y luengas caucasicas Georges Dumézil estudeó este ciclo con profundidat y trobó muitas cosas comuns con la mitolochía celta y india antiga (de lo periodo vedico).

Bibliografía

• Georges Dumézil. Escitas y osetas (1996). Fondo de Cultura Económica, S.L
• Felipe Fernández-Armesto. Los hijos de Zeus. Pueblos, enias y culturas de Europa. 1996 Grijalbo.
• Jean Sellier y André Sellier. Atlas de los pueblos de Oriente. Acento Editorial.

• Datos: Q33968
• Multimedia: Ossetian language / Q33968