Incheniería
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/2/2e/Engine.f15.arp.750pix.jpg/250px-Engine.f15.arp.750pix.jpg)
A incheniería se define como a profesión en a cual os conoiximientos d'as matematicas y as ciencias naturals obtenitos a traviés d'o estudio, a experiencia y a practica, son aplicatos con criterio y con consciencia a lo desembolique de medios ta emplegar economicament con responsabilidat social y basatos en una etica profesional, os materials y as fuerzas d'a naturaleza ta proveito d'a humanidat. As personas que s'adedican a ella se gosan clamar incheniers[1].
O incheniero debe identificar y comprender os problemas mas importants ta poder realizar un buen disenyo. Beluns d'os problemas ta ixo son a escaseza d'os recursos disponibles, as mugas fisicas u tecnicas, a flexibilidat ta esdevenideras modificacions y adhibicions, y atros factors como lo coste, a posibilidat de levar-lo a cabo, as prestacions y os miramientos esteticos y comercials. Por medio d'a comprensión d'os problemas, os incheniers deducen cualas son as millors solucions ta concarar as mugas trobatas cuan s'ha de producir y emplegar un sistema.
Os incheniers emplegan o conoiximiento d'a ciencia y as matematicas y a experiencia apropiata ta trobar as millors solucions ta os problemas concretos. Creyando os modelos matematicos apropiatos d'os problemas que lis permiten d'analizar-los rigurosament y prebar as solucions potencials. Si existen multiples solucions razonables, os incheniers avaluran as diferents opcions de disenyo sobre la base d'as suyas cualidaz y esliyen a solución que millor s'adapta a las necesidaz.
En cheneral, os incheniers miran de prebar si os suyos disenyos logran os suyos obchectivos antis de proceder a la producción en cadena. Ta isto, fan servir entre atras cosas: prototipos, modelos a escala, simulacions y prebatinas de fuerza. As prebatinas refincan que los artefactos funcionan como s'heba previsto.
Ta fer disenyos stándards y fácils, os ordenadors tienen un papel important. Emplegando los programas de disenyo asistito por ordinador (DAO, mas conoixito por
Os incheniers gosan prener muit en serio a suya responsabilidat profesional ta producir disenyos que se desembolicarán como yera previsto y no causarán un danyo inasperato a la chent en cheneral. D'ordinario, os incheniers incluyen factors de seguranza en os suyos disenyos ta reducir o risque de fallos inasperatos.
A parola dimana d'o latín ingeniosus. Por lo tanto, un incheniero ye una persona intelichent y practica que resuelve problemas. O termin evolucionó mas adebant ta incluyir todas as arias en as que se fan servir tecnicas ta aplicar o metodo cientifico. En atras luengas como l'arabe, a parola incheniería tamién significa cheometría.
A ciencia mira d'explicar os fenomenos recients y sin explicación, creyando modelos matematicos que se corresponden con os resultaus experimentals. Tecnolochía y incheniería son l'aplicación d'o conoiximiento obtenito a traviés d'a ciencia y producen resultatos practicos. Os cientificos treballan con a ciencia y os incheniers con a tecnolochía. Sindembargo, puede haber-ie puntos de contacto entre a ciencia y a incheniería. No ye raro que os cientificos se veigan embrecatos en as aplicacions practicas d'os suyos descubrimientos. Por contra, entre que desembolican tecnolochía innovaderas, os incheniers se troban a ormino explorando nuevos fenomenos.
Tamién puede haber-ie connexions entre as trazas de treballar d'os incheniers y d'os artistas, mas que mas en os campos de l'arquitectura y d'o disenyo industrial.
A incheniería y a humanidat
[editar | modificar o codigo]A prencipios d'o sieglo XXI a incheniería en os suyos muit diversos campos ha lograto explorar os planetas d'o sistema solar con alto grau de detalle, destacando-ie os exploradors que se posan en as superficies planetarias; tamién ha creyato un ordinador capable de redotar a lo campión mundial d'escaques; ha lograto comunicar a lo planeta en fraccions de segundo; ha chenerato internet y a capacidat de que una persona se connecte a iste rete dende cualsiquier puesto d'o planeta con un ordinador portiable y un telefón satelital; ha emparato y permitito innumerables abances d'a ciencia medica, astronomica, quimica y muitas atras. Gracias a la incheniería s'ha creyato maquinas automaticas y semiautomaticas capables de producir con muit poca aduya humana grans cantidaz de productos como alimentos, autos y telefons celulars.
Encara que a incheniería ha puesto fer realidat todas istas marabillas, a humanidat no ha conseguito redotar a fambre d'o planeta, ni muito menos a pobreza, producindo-se en l'anyo 2005 una muerte d'un nino cada tres segundos por causas aprevenibles. Sindembargo iste no ye un problema d'a incheniería sino que mas bien se tracta d'un problema social, politico y economico.
Un aspecto negativo que ha chenerato a incheniería y compete en gran parti resolver a la mesma ye o danyo a lo medio ambient que muitos enantos y productos bafatos de istas disciplinas han chenerato y ye deber y fayena d'a incheniería contribuir a resolver o problema.
Campos d'a incheniería
[editar | modificar o codigo]D'o mar
[editar | modificar o codigo]Ciencias d'a Tierra
[editar | modificar o codigo]De l'aire y o espacio
[editar | modificar o codigo]Admenistrativas y disenyo
[editar | modificar o codigo]- Incheniería administrativa.
- Incheniería industrial.
- Incheniería d'organización industrial.
- Incheniería lochistica.
- Incheniería d'a seguranza.
- Incheniería d'a arquitectura.
Derivatas d'a fisica y quimica
[editar | modificar o codigo]- Incheniería fisica.
- Incheniería acustica.
- Incheniería mecatronica.
- Incheniería de control.
- Incheniería electrica.
- Incheniería electronica.
- Incheniería mecanica.
- Incheniería quimica.
Derivatas d'as ciencias biolochicas y a medicina
[editar | modificar o codigo]De l'agricultura y medio ambient
[editar | modificar o codigo]- Incheniería agroforestal.
- Incheniería agricola.
- Incheniería forestal.
- Incheniería d'alimentos.
- Incheniería ambiental.
- Ingeniería de monts.
Por obchecto d'aplicación
[editar | modificar o codigo]- Incheniería automotriz.
- Incheniería d'o papel.
- Incheniería d'o petrolio.
- Incheniería d'os repuis.
- Inchenieria d'o transporte.
- Incheniería de minas.
- Incheniería menera.
- Incheniería militar.
D'a información
[editar | modificar o codigo]- Incheniería informatica.
- Incheniería de sistemas.
- Incheniería de software.
- Tecnolochía d'a información.
Novedosas
[editar | modificar o codigo]Se veiga tamién
[editar | modificar o codigo]Referencias
[editar | modificar o codigo]- ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.34
Vinclos externos
[editar | modificar o codigo]Se veigan as imáchens de Commons sobre a incheniería.