Metano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A molecula de metano.

O metano (d'o griego μέθυ méthu “vin”) ye un compuesto quimico con a formula quimica CH4 (un atomo de carbonio y cuatro atomos d'hidrocheno). Ye o component prencipal d'o gas natural. A suya relativa abundancia en a Tierra lo converte en un combustible economicament atractivo, encara que capturar-lo y almagazenar-lo planteya roncas tecnicas a causa d'o suyo estau gasioso en condicions normals de temperatura y presión.

O metano d'orichen natural se troba tanto baixo tierra como que baixo lo leito marino, y se forma por meyo de procesos cheolochicos y biolochicos. Cuan o metano aconsigue a superficie y l'atmosfera, se lo conoixe como metano atmosferico. A concentración de metano atmosferico d'a Tierra ha augmentau en aproximadament un 150% dende 1750, y representa o 20% de l'aforzamiento radiativo total de toz os gases d'efecto hibernadero de larga duración y mezclaus a livel mundial. Tamién s'ha detectau metano en atras planetas, incluiu Marte, o que tiene implicacions pa la investigación en astrobiolochía.