Peironela d'Aragón
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Peironela d'Aragón | |
---|---|
Reina d'Aragón y contesa de Barcelona | |
![]() A reina Peironela | |
1157-1164 | |
Predecesor | Remiro II |
Succesor | Alifonso II |
Naixencia | 29 de chunio de 1136![]() |
Muerte | 15 d'octubre de 1173![]() |
Casa reyal | Casa d'Aragón |
Dinastía | Ximena |
Pai | Remiro II d'Aragón |
Mai | Agnés de Piteus |
Sinyal | ![]() Signum Regis de Peironela |
Peironela d'Aragón[1] (Uesca, 29 de chunio de 1136 - † Barcelona, 15 d'octubre de 1173) estió reina d'Aragón entre 1157 y 1164 y contesa de Barcelona entre 1162 y 1164. Yera filla de Remiro II o Monche y Agnés de Piteus.
![](https://upload.wikimedia.org/wikipedia/commons/thumb/5/56/Petronila_Ramon_Berenguer.jpg/200px-Petronila_Ramon_Berenguer.jpg)
Naxió de Uesca o día 29 de chunio de 1136. Un anyo dimpués se sinyan en Balbastro as capetulacions matrimonials con o conte de Barcelona Remón Berenguer IV. Ramiro II dició as condicions que estioron acceptatas por Remón Berenguer IV. D'ista traza s'estraliaban os poblemas de succesión en o reino d'Aragón.
A voda de donya Peironela con Remón Berenguer IV estió trece anyos mas tardi, en o mes d'agosto de 1150 en Leida, cuan a reina tenió a edat t'acomodar-se seguntes o Dreito Canonico, 14 anyatas.
En marzo de 1157 naixió en Uesca o primochenito d'a parella, Remón Berenguer (qui reinará con o nombre d'Alifonso II en honor a Alifonso I), primer rei d'a Corona d'Aragón. O suyos atros fillos estioron: Sancho de Provenza, Pero, Alionor, Remón Berenguer IV de Provenza y Dulcía d'Aragón (casata con Sancho I de Portugal).
Peironela morió en Barcelona o 15 d'octubre de 1173.
Descendients
[editar | modificar o codigo]D'o matrimonio con Remón Berenguer IV tenió a:
- O infant Pero d'Aragón (1152 - antis de 1158), a qui se fa referencia nasciturus (fillo que va a naixer) en un testamento dau por Peironela d'Aragón o 4 d'abril de 1152 estando en os treballos d'o parto chunto a Barcelona («in partu laborans, apud Barchinonam»). Morió antes de 1158, talment poco dimpués d'o parto.[2]
- O infant Alifonso II d'Aragón (1157-1196), rei d'Aragón y conte de Barcelona.[2]
- O infant Pero d'Aragón (1158-1181), qui en 1173 será nombrau conte de Provenza por su chirmano Alifonso II, como Remón Berenguer IV de Provenza.
- A infanta Dulce d'Aragón (1160-1198), casada en 1175 con o rei Sancho I de Portugal.
- O infant Sancho d'Aragón[3] (1161-1223), conte de Cerdanya, de Provenza y de Rosellón.
Referencias
[editar | modificar o codigo]- ↑ En a cronica de Sant Chuan d'a Penya tamién apareixen atras variants graficas como Payronella d'Aragón u Peronella d'Aragón (en catalán). Ana Isabel Lapeña Paúl, «Apéndice III. Ramiro II en la Crónica de San Juan de la Peña», Ramiro II de Aragón: el rey monje (1134-1137), Gijón, Trea, 2008, pág. 298. ISBN 978-84-9704-392-2. Vid. Carmen Orcástegui Gros (ed. lit.), Crónica de San Juan de la Peña (Versión aragonesa),Cuadernos de Historia Jerónimo Zurita, 51-52, Zaragoza, Institución «Fernando el Católico», 1985, págs. 419-569. Cfr. p. 471, n. 84 «avía una filla avida de la reyna, nombrada Peyronela»; pp. 472-3, n. 89-90 «Et don Alfonso de Castilla mudó el nombre a dona Peyronela e fizolo clamar Urraca» u p. 490, n. 4.
- ↑ 2,0 2,1 (es) Antonio Ubieto Arteta, Creación y desarrollo de la Corona de Aragón, Zaragoza, Anubar (Historia de Aragón), 1987, págs. 177-178. ISBN 84-7013-227-X.
- ↑ (es) Louis Moreri, El gran diccionario histórico..., París, Hermanos de Tournes, 1753, pág. 645.
Vinclos externos
[editar | modificar o codigo]
Predecesor: Remiro II |
Reina d'Aragón 1157 - 1164 |
Succesor: Alifonso II |