Río Sena

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un río de Francia: ta atros usos, se veiga Sena (desambigación).

Sena Seine
Anvista d'a Sena y de París dende a Torre Eiffel.
Administración
Estaus	Francia
Territorios
Cheografía
Longaria	776 km
Altaria d'o naixedero	471 m
Naixedero	Source-Seine (Costa d'Oro, Borgonya)
Desembocadura	Badía d'a Sena (Canal d'a Manga, Oceano Atlantico)
Hidrolochía
Superficie d'a cuenca	78.650 km²
Cabal meyano	500 m³/s
Mapa
Mapa topografico d'a cuenca hidrolochica d'a Sena.

O río Sena (Seine en francés, sɛn) ye un río francés, con naixedero en Source-Seine (Costa d'Oro, Borgonya), a bels 471 metros d'altaria sobre o livel d'a mar, en a plana de Langres, y que dende o naixedero marcha enta o norueste dica desauguar en a badía d'a Sena (Canal d'a Manga, Oceano Atlantico), entre le Havre (Alta Normandía) y Honfleur (Baixa Normandía), dimpués d'un recorrito de 776 km de longaria. Drena una cuenca hidrolochica d'una superficie de 78.650 km², con un cabal meyano de 500 m³/s, agrupando a suya cuenca alto u baixo a un 30% d'o total d'a población de Francia.

Gosa estar uno d'os mas conoixitos ríos de Francia, en trescruzar a ciudat de París, a capital d'ixe estato. Antiparte, ye un río con cuanta presencia en l'arte a traviés d'a pintura.

Etimolochía

Tradicionalment se considera que l'orichen d'o toponimo se troba en as luengas celtas, conoixendo-se a latinización feita por Chulio César mientres a Guerra d'as Galias (Secuana) d'un termín celta anterior, que se considera puet estar (I)sicauna, amanato a o nombre d'os secuans, uno d'os pueblos galos de l'este d'a Galia que luitoron contra César (encara que sobretot n'estioron aliaus).

Afluents prencipals

Río Ource, por a marguin dreita, de 100 km de longaria.
Río Barse, por a marguin dreita, de 50 km de longaria.
Río Aube, por a marguin dreita.
Río Noxe (canal de Courtavant), por a marguin dreita, de 34 km.
Río Voulzie, por a marguin dreita, de 44 km de longaria.
Río Yonne, por a marguin ezquierda, de 293 km de longaria.
Río Loing, por a marguin ezquierda, de 166 km de longaria.
Río Essonne, por a marguin ezquierda, de 90 km de longaria.
Río Orge, por a marguin ezquierda, de 50 km de longaria.
Río Yerres, por a marguin dreita, de 93,5 km de longaria.
Río Marne, por a marguin dreita, de 525 km de longaria.
Río Bièvre, por a marguin ezquierda, de 36 km de longaria, que ye o solo afluent que vierte as suyas aguas en a Sena en a ciudat de París.
Río Oise, en a suya marguin dreita, de 302 km de longaria.
Río Epte, en a suya marguin dreita, de 100 km de longaria.
Río Andelle, en a suya marguin dreita, de 54 km de longaria.
Río Eure, en a suya marguin ezquierda, de 225 km de longaria.
Río Risle, en a suya marguin ezquierda, de 140 km, que desaugua directament en o estuario d'a Sena.

Galería de pinturas sobre a Sena

A Sena en Ruán, olio d'Emmanuel Lansyer.
A Sena dende o puent de la Grande Jatte, olio sobre lienzo de Vincent van Gogh.
A Sena en Chatou, cuadro de Pierre-Auguste Renoir.
A Sena en Asnières, olio de Claude Monet.
O puent d'Argenteuil, cuadro de Gustave Caillebotte.
O puent de piedra y as barcas en Ruán, olio sobre lienzo de Camille Pissarro.

Vinclos externos

Se veigan as imáchens de Commons sobre o Sena.

Datos: Q1471
Multimedia: Seine River / Q1471