Rhiannon
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](https://upload.wikimedia.org/wikipedia/commons/thumb/a/a6/Charlotte_Guest_Rhiannon.jpg/300px-Charlotte_Guest_Rhiannon.jpg)
Rhiannon ye en a mitolochía galesa y concretament en o Mabinoggion una reina con caracteristicas de deidat y relacionada con o caballo, equivalent d'Epona, a diosa yeugua d'as antigas Galia y Hispania.
Rhiannon ye filla de Hefeydd o viello. Ye casada con Pwyll, y dimpués con Manawydan.
Historia de Rhiannon
[editar | modificar o codigo]Pwyll conoixió a Rhiannon cuán apareixió como una dama polida vestida con ropas doradas y montando un caballo. Pwyll ninvió os caballers suyos pa encorrer-la, pero iba masiau aprisa. Dimpués de tres días podió agafar-la. Cuán él fabló demandando-li que s'aturase, Rhiannon li dició que preferiba casar-se con él que com Gwawl, con qui yera promesa en contra d'a suya voluntat. Decidioron de trobar-sen una anyada dimpués d'ixe día. Pwyll ganó a man de Rhiannon metendo a Gwawl en un saco machico y forzando-lo a que cambiase a suya libertat por reblar y perder o dreito a la man de Rhiannon.
Rhiannon parió un fillo dimpués de tres anyadas de mandau. Manimenos a nueit d'a naixetura o fillo desapareixió mientres yera con 6 nodrizas, que se durmioron. Temioron que las matarían por ixo, y pa evitar que lis dasen a culpa, tacaron con sangre d'un cadiello a Rhiannon mientres dormiba, y dixoron os uesos d'o cadiello arredol d'o leito suyo. Pwyll castigó a Rhiannon con estar 7 anyos en a cort de Alberth y sentar-se toz os dias chunto a una piedra que bi heba fuera d'o castiello, a o costau d'a esportalada, on heba de recontar a suya historia. A mas heba de carreyar sobre a suya espalda a cualsiquier invitau que plegase ta a cort como si fuese una yeugua.
O nino apareixió fuera d'o establo d'o rei Teyrnos. Este rei teneba o problema que una yeugua d'él pariba l'1 de mayo pero desapareixeban os poltros. Un 1 de mayo cusiraba a suya yeugua pa veyer que se desveniba. Dimpués de naixer un buen potro a man d'una bestia ya lo agafaba pa levar-lo-se. Teyrnon li talló o brazo, y cuan salió pa encorrer a a bestia se trobó a o fillo de Rhiannon. Adoptaron a o nino; en 7 anyadas ya yera adulto y li daron como caballo a o mesmo potro que yera naixiu ixe 1 de mayo cuan lo troboron. Dimpués de veyer-se que se pareixeba muito a Pwyll, veyió de qui yera fillo y lo tornó con os suyos padres de verdat, que li pusioron de nombre Pryderi (preoucupación, cuidau).
Equivalencias con atros personaches
[editar | modificar o codigo]- O mesmo personache que Rhiannon apareixe en a novela occitana Jaufré con o nombre de Brunisén.
- S'interpreta una escena d'o Caldero de Gundestrup, con una muller con unos paixaros, como Rhiannon en o suyo chardín con os suyos paixaros que cuan cantan adormeixen a os vivos despiertan a os muertos.
- Por o suyo nombre Rhiannon, que se remonta a una forma mas antiga Rigantona, reina gran, ye clarament relacionada con Rivanona d'a mitolochía de Bretanya, y no tan clarament con a Morrigan d'a mitolochía irlandesa.
- Por a suya relación con o caballo ye clarament relacionada Macha d'a mitolochía irlandesa y con a diosa yeugua Epona de Galia y Hispania, entre os lusitanos Iccona, y podría tener relación con a figura d'o caballo en as mitolochías pirenencas. Esto zaguer tamién la fa pareixida a as Walquirias d'a mitolochía escandinava.
- Una pervivencia d'o mito en contexto anglosaxón y que ha plegau a o cine ye a historia de Lady Godiva.
Bibliografía
[editar | modificar o codigo]- (es) Jean Markale: Pequeño diccionario de mitología céltica. Alejandría, 1995. 2000.