Traumatolochía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A traumatolochía^[1] (d'o griego antigo τたうρろーαあるふぁῦμみゅーαあるふぁ (traûma) "ferida", y λογία (lochia) "estudio") ye la branca d'a medicina que se dedica a l'estudio d'as lesions de l'aparato locomotor. A especialidat ye medico-quirurchica, y los medicos que la practican se dicen traumatologos.

O suyo ambito s'extiende dillá d'o campo de traumatismo mayors; abarca l'estudio d'as malotías conchenitas u adquiridas que afectan a l'aparato locomotor, especialment d'aquellas que precisan tractamiento con cirurchía ortopedica, protesi u ortesi. Manimenos, no totas as malotías de l'aparato locomotor dentran adintro d'o campo d'a traumatolochía, pus gran parti d'os problemas de salut que afectan a las articulacions s'incluyen en l'ambito d'a reumatolochía u la fisiatría que son atras especialidaz medicas diferents. Cualques d'as malotías d'as cuals s'ocupa la traumatolochía son as trencaduras y luxacions d'os uesos, as lesions de ligamentos, tendons y musclos, tamién os tumors osios y numbrosas afeccions d'a columna vertebral como a esvinzadura discal y l'escoliosi.