لماط
![](https://upload.wikimedia.org/wikipedia/commons/thumb/2/21/Euclid.jpg/220px-Euclid.jpg)
لماط (بلعربية لفصحى: الرياضيات، بالنݣليزية: Mathematics) هو علم كايجمع ݣاع لفهامة اللي جاية من التخمام المنطقي ف مفاهيم مجردة بحال لأعداد و الشكال الهندسية و التقلاب على الخاصيات ديالها و العلاقات بيناتها. هاد العلم كبير بزاف و كايجمع شلا علوم تحت منو بحال لجبر و لهنداسة و لحتيمالات و التحليل. الماط كايتميز على لعلوم لخرة حيت ماجايش من التجراب و التسوال ديال الطبيعة. لماط فيه التخمام كتر و كايبدا بواحد لمجموعة د لبديهيات اللي تنقولو عليها صحيحة ولا على فتراضات تنقبلوها باش نبنيو عليها فهامات خرة. هاد البديهيات هوما الساس حيت هوما اللي كانبداو بيهم وما كانجيبوهمش من فتيراضات خرة.
لماط تطور من ممارسات بدائية ديال لحساب ؤ لقياس ؤ لوصف ديال شّكال ديال لكسادي لي كاينين ف لموحيط ف بنادم. التطور ديال لماط عرف زيادة ف لميتالية ؤ تجرّد ف التعامل معا لمادة ديالو، بحال لأعداد، الشكال التسطارية ؤ غيرهوم.[1] تاريخياً، أقدم نص معروف فيه نتايج رياضياتية هوّا بوضايانا سوترا ف لهند من جوايه 900 قبل لميلاد، لي هوّا مجموعة د النصوص الدينية مكتوبة ب السنسكريتية، فيها بعض لمسايل د لماط، بحال تقريب د لقيمة د لجدر د جوج.[2]
لماطيماتيسيانات كايخدمو لمنطق والتفكير باش يصاوبو قواعد باينين، واللي هوما طرف مهم ديال لماط. هاد لقواعد ماكايدخلوش معلومات اللي ماشي مهمة بزاف باش قاعيدة وحدة تغطي بزاف ديال لمسايل.[3] هاد لقواعد كايولّيو مبرهنات إلا تبينو باللي بالصح كايخدمو فݣاع لحالات اللي كايتحطو فيهوم، أولّا حدسيات إلا ماتعرفوش واش حقيقين وكاينين وبصح خدامين.[4] لأغلبية ديال لماطيماتيسيانات كايخدمو تفكير ماشي لوجيك وإبداعي باش يلقاو برهان منطيقي.[5]
لماط بعض لمرات كاتلقى وكاتفلي قواعد ولّا أفكار اللي مافاهمينهومش. غاليبا فلماط لقواعد ولأفكار كايتختارو حيتاش بساط مامعقدينش أولا باينين. بعض لمرات، هاد لقواعد ولأفكار كايوليو يبانو لينا فلعالم د بالصح من مورا ماكاتدرسهوم لماط؛ وهادشي طرا بزاف دلمرات فلماضي. هادشي كايعاوننا نفهمو لعالم اللي ضاير بينا كتر وحسن. أمتيلة على مسايل دلماط هي لجمع، الطرح، الضرب، لقسيم، لمفاضلة ولمكاملة، لكسر، ولأعداد لعشرية. لمسايل ديال لجبر كايتفكوا بالتقلاب على لمتغيرات. لكالكيلاطريس كاتجاوب على ݣاع لحساب ديال لعمليات الربعة ديال لحسابيات.
لماط داخل فيه الدراسة ديال النماري ولكميات. هو فرع ديال لعلوم اللي كايتعامل معا لمنطق ديال لأشكال، لكميات والترتيب. بزاف ديال لمجالات اللي كاينين لتحت كايتدرسو فمجالات خرين فلماط، بحال نضرية لمجموعات أولّا اللوجيك د لماط. النضرية د لأعداد كاتركز كتر على لبني و التصرفات ديال لأعداد كتر من لأساس لحقيقي ديال لأعداد براسهوم، داكشي لاش ماتدكراتش لتحت.
أعداد طبيعيين | أعداد نسبيين | أعداد كسريين | أعداد حقيقيين | أعداد معقدين |
أعداد ترتيبية | أعداد أصلية | عمليات د لحسابيات | علاقات ف لحسابيات | الدوال |
لماط د لبنيات كايدرس الشكل ولمجامعة ديال لحوايج ولمبنيات. هادو تخصوصات ديال لجبر و لمفاضلة ولمكاملة.
بعض لمجالات فلماط كايدرسو لأشكال ديال لحوايج. لأغلبية ديال هاد لمجالات داخلين فالتسطار.
بعض لمجالات فلماط كاتدرس كيفاش كايتبدلو لحوايج. لأغلبية ديال هاد لمجالات داخلين ف لاناليز.
- ^ "Britannica, mathematics" (ب نڭليزية). مأرشيڤي من لأصل ف 2023-10-11. تطّالع عليه ب تاريخ 2021-11-21.
- ^ ناندا، ميرا (16 شتنبر 2016). "Hindutva's science envy". Frontline. مأرشيڤي من لأصل ف 17 يوليوز 2017. تطّالع عليه ب تاريخ 14 أكتوبر 2016.
- ^ "The Role of Generalization in the Advanced Mathematical Thinking". AMS Grad Blog (ب نڭليزية). 2016-08-21. مأرشيڤي من لأصل ف 20 مارس 2023. تطّالع عليه ب تاريخ 2018-08-07.
- ^ Houston، Kevin (2009). How to Think Like a Mathematician. Cambridge University Press. ص. 99. ردمك 978-0-521-71978-0.
- ^ Thurston، William (أبريل 1994). "On proof and progress in mathematics" (PDF). Bulletin of the American Mathematical Society. 30 (2): 161–177. arXiv:math/9404236. Bibcode:1994math......4236T. doi:10.1090/S0273-0979-1994-00502-6. مأرشيڤي (PDF) من لأصل ف 2023-06-23. تطّالع عليه ب تاريخ 2022-06-28 – على طريق arXiv.
![]() |
تقدر تزيد شوف بزاف د تّصاور و لمعلومات ديال Mathematics ف ويكيميديا كومنز. |