ثعلب
| ||||
---|---|---|---|---|
صنف فرعى من | كلبيه (اسره) | |||
التصنيف العلمى | ||||
حقيقيات النوى | ||||
الحيوانات | ||||
الحبليات | ||||
الثدييات | ||||
آكلات اللحوم | ||||
الكلبيّات | ||||
تعديل ![]() |
الثعلب او التعلب هوا اى فصيله من فصايل الكلبيات القارته (يعنى اللى بتاكل اللحوم و النباتات) صغيره الحجم, و عددها 27 نوع.[1][2][3]
الناس بتقصد بـ كلمه تعلب فى الاغلب التعلب الاحمر, بما انه اكتر الانواع الموجوده فى النص الغربى من العالم (الامريكتين) مع ان فصايل التعالب المختلفه موجوده فى كل القارات تقريبا.
و عشان فصايل التعالب موجوده فى كل القارات ده خلاها ظاهره فى كتير من الثقافات و التراث الشعبى لامم و قبايل كتير. يطلق على الثعلب الدكر اسم تعلب و النتايه تعلبه.
الصفات العامه
[تعديل]![](https://upload.wikimedia.org/wikipedia/commons/thumb/3/3c/Urban_fox_and_rabbit.jpg/220px-Urban_fox_and_rabbit.jpg)
بتعيش معظم التعالب حوالى سنتين او تلاته فى البريه, بس ممكن تعيش لـ 10 سنين او اكتر فى الاسر او القطيع. حجمها تقريبا نفس حجم القطط و بتعتبر التعالب اصغر فصيله من فصايل الكلبيات, و من صفات شكل التعلب الميمزه هيا المناخير الرفيعه و الديل الكثيف, و فى صفات تانيه بتختلف على حسب البيئه او المكان اللى بيعيش فيه الفصيله عندك مثلا تعلب الفنك عنده ودان كبيره و فرو قصير اما التعلب القطبى ودانه قصيره و فروه سميك.
التعالب حيوانات متوحده عكس كتير من الكلبيات, و هيا حيوانات مفترسه متنوعه فى الاكل ممكن تاكل قوارض او فاكهه. بتعتبر التعالب حيوانات حذره و مبتقربش من البشر فى الاغلب, متعتبرش حيوانات اليفه للبيت مع ان التعلب الفضى اتدرب عشان يكون حيوان منزلى بنجاح فى روسيا بعد 45 سنه من التزاوج الانتقائى.
التصنيف
[تعديل]بتنتمى فصائل الثعالب للاجناس التاليه:
- جنس الثعلب القطبى (الثعلب القطبي)
- جنس الثعلب آكل السرطان (الثعلب آكل السرطان)
- جنس ثعلب جزر الفولكلاند (ثعلب جزر الفولكلاند)
- جنس الفنك (ثعلب الفنك او ثعلب الصحرا)
- جنس الثعلب الاشيب (الثعلب الاشيب)
- جنس الثعلب الخفاشي الاذنين (الثعلب الخفاشي الاذنين)
- جنس Pseudalopex(اربعه فصائل من اميركا الجنوبيه)
- جنس Urocyon(الثعلب الرمادي, ثعلب الجزر, ثعلب كوزوميل)
- جنس الثعالب الحقيقيه (الفصائل العشره للثعالب «الحقيقيه», زى ما بيصنفها العلما, بما فيها الثعلب الاحمر)
الجنس | النوع | الصوره |
---|---|---|
كلب | ذئب حبشى, sometimes called the Simien fox or Simien jackal | ![]() |
ثعلب السافانا | Crab-eating fox | ![]() |
† Dusicyon | انقراض جنس, including the ذئب جزر فوكلاند, sometimes known as the Falklands Islands fox | ![]() |
ليكالوبيكس | ||
ثعلب خفاشى الاذنين | Bat-eared fox | ![]() |
ثعالب ثخينه الذيل |
|
![]() |
ثعلبيات | ![]() |
![](https://upload.wikimedia.org/wikipedia/commons/thumb/c/c8/R%C3%A4v_vid_Revhusen_i_Ystad_-_Juli_2012..jpg/220px-R%C3%A4v_vid_Revhusen_i_Ystad_-_Juli_2012..jpg)
انماط الاصوات
[تعديل]![](https://upload.wikimedia.org/wikipedia/commons/thumb/e/ef/R%C3%B8d_r%C3%A6v_%28Vulpes_vulpes%29.jpg/220px-R%C3%B8d_r%C3%A6v_%28Vulpes_vulpes%29.jpg)
مش من عوايد التعالب انها تتجمع عشان تطلع اصوات بشكل جماعى زى ما بتعمل الذئاب, بس بتتواصل مع بعضها باستعمال انماط مختلفه من الاصوات:
النباح
[تعديل]النباح هو اكتر انواع الاصوات المالوفه و هو يتالف فى الاغلب من 3 الى 5 مقاطع. بتتواصل التعالب مع بعضها بالاسلوب دا لما تكون بعيده عن بعضها, و بتقل حده الصوت كل ما قربت من بعضها, و بتكلم التعالب صغارها باقل نبره من نفس الصوت.
نباح الانذار
[تعديل]بيتالف الصوت دا من مقطع واحد بس, و بيستعمله تعلب بالغ لانذار صغاره من الخطر. الصوت ده شبه النباح الحاد من مسافه بعيده, اما عن مسافه قريبه فهو شبه الكحه المكبوته.
الزمجره
[تعديل]عباره عن صفه حركيه بتعملها التعالب فى فصل التزواج بين فتره الربيع و بعد الخريف فى الجو الدافى.
عويل الثعلبه
[تعديل]العويل هو صوت حاد بيتالف من مقطع واحد بس ويصدر فى موسم التزاوج فى الاغلب, و الناس فاكره ان الانثى بتصدره عشان تقرب الذكور ليها لما تكون فى الدوره النزويه, و لكن خلاف الراى السائد عشان الذكور بتصدر نفس الصوت كمان اللى بيخدمها فى حاجه معينه يمكن.
الخرخره
[تعديل]ظهر فى واحده من تقارير شبكة «بى بى سي» فى 5 اكتوبر 2006 ان التعالب المستانسه بتخرخر لما تدلل او تدلع.
التوازن البيئى
[تعديل]![](https://upload.wikimedia.org/wikipedia/commons/thumb/d/d0/Vulpes_vulpes_standing_in_snow.jpg/220px-Vulpes_vulpes_standing_in_snow.jpg)
بتعتبر التعالب حيوانات ضاره فى شويه دول زى استراليا, اللى دخلتها مجموعات من التعالب الحمرا و فضلت تصيد الطرائد البلديه الاستراليه اللى مقدرتش تتاقلم مع الوضع الجديد فخلى كتير منها ينقراض و بقت الناس تصنيف التعالب كآفات بريه, و من جهه ثانيه ف كتير من فصايل التعالب مهدده بالانقراض. و نقدر نستخدم التعالب كحيوان مساعد للفلاح عشان يخلص من الآفات الزراعيه, و نجحت التجربه دى فى مزارع الفاكهه بشكل خاص.
و بيقول المؤرخين ان ادخال التعالب لبيئات غريبه عليها مش من ايام العصور الاستعماريه ده من زمان اوى, و بيظهر ان اقدم حاله بترجع للعصر الحجرى الحديث فى قبرص, كمان تمت ملاحظه نقوش حجريه بتمثل التعالب فى مستعمره بتعود للعصر الحجرى الحديث فى شرق تركيا.
بص كمان
[تعديل]لينكات برانيه
[تعديل]- ثعلب – صور وتسجيلات صوتيه و مرئيه على ويكيميديا كومونز
- ثعلب على موقع كيورا - Quora
- ثعلب معرف مخطط فريبيس للمعارف الحره
- ثعلب معرف جران منشورات الموسوعه الكتالانيه
- ثعلب معرف المكتبه الوطنيه الفرنسيه (BnF)
- ثعلب معرف قاعده بيانات الضبط الوطنيه التشيكيه
- ثعلب معرف مكتبه الكونجرس (LCAuth)
- ثعلب معرف ملف استنادى متكامل
مصادر
[تعديل]- ↑ "معلومات عن ثعلب على موقع thes.bncf.firenze.sbn.it". thes.bncf.firenze.sbn.it.
- ↑ "معلومات عن ثعلب على موقع jstor.org". jstor.org.
- ↑ "معلومات عن ثعلب على موقع vocab.getty.edu". vocab.getty.edu.
صور و ملفات صوتيه من كومنز
| ||||
---|---|---|---|---|