عصبة الامم

عصبة الامم
منظمه حكوميه دوليه
(بالانجليزى: League of Nations) (باللغه فرنساوى: Société des Nations)
عصبة الامم علم
البلد	سويسرا
تاريخ التأسيس	1919
تاريخ الحل	18 ابريل 1946،  و20 ابريل 1946
اللغات الرسمية	انجليزى لغه فرنساوى
الرئيس	اريك دروموند (اغسطس 1920–3 يوليه 1933) چوزيف لويس ان افينول (3 يوليه 1933–31 اغسطس 1940) ساين ليستير (31 اغسطس 1940–18 ابريل 1946)
الأمم المتحده

تاريخ خريطة عصبة الامم

عصبة الامم (فرنساوى: Société des Nations; بالانجليزى: League of Nations) منظمة دولية اتئسست بعد الحرب العالميه الاولى و كنتيجة لمعاهدة فيرساى.المنظمه دى كان هدفها فك النزاعات و الخلافات بين الدول ببعضها بالطرق السلميه قبل الموضوع ما يتطور لحرب, زى ما حصل فى الحرب العالميه الاولى, و خلق جو من الثقه و التفاهم بين الدول الاعضاء. المنظمه دى اخدت جنيف, سويسرا كمقر ليها.المنظمه فشلت فى مواجهة القوى النازيه و الفاشيه اللى كانت طالعه وقتها و فى اشد قوتها و كمان فشلت انها تمنع قيام حرب عالميه جديده. بعد الحرب العالميه التانيه اتئسست منظمه عالميه تانيه اللى هى الامم المتحده.

التاريخ

منظمة عصبة الامم اتأسست يوم 28 يونيه سنة 1919 لما وافقت كل الوفود اللى شاركت فى مؤتمر الصلح على قيام منظمه عصبة الامم, اللى اصر الرئيس الامريكى ويلسون على انه يدخلها كبند اساسى فى معاهدة فيرساى و مضا على تأسيسها 44 دوله. بس بالرغم من اصرار ويلسون على قيام المنظمه دى, واللى بسببها اخد جايزة نوبل للسلام فى اكتوبر 1919, امريكا مدخلتش المنظمه بعد ما رفض السينيت الامريكانى بقيادة الحزب الجمهورى الامريكانى دخول امريكا المنظمه و اللى شافو ان المنظمه هاتخلى الدول الاوروبيه الكبيره تاخد كل الغنايم و مكاسب الحرب و المنظمه حتبقى لعبه فى ايديهم .منظمة عصبة الامم اتأسست رسمى بعد 6 ايام بعد ما الدول الكسبانه فى الحرب وقعت مع الدول المهزومه معاهدة فيرساى بست تيام, اول اجتماع للمنظمه كان فى باريس فى 16 يناير 1920, و بعدين اتنقل المقر لجنيف.

مبادئ

المبادىء الرئيسيه فى عهد عصبة الامم كان : تعهد الدول الاعضاء بإحترام استقلال و سلامة اراضى كل دوله منها و حمايتها ضد أى اعتداء و عدم اللجؤ للحرب كوسيله لفض النزاعات قبل عرض النزاع للتحكيم او على مجلس العصبه ، و ان الدول الاعضاء يقرو بإن حفظ السلام بيقتضى تخفيض التسلح للحد الادنى اللى بيتطلبه الامن القومى.

منظمات

عصبة الامم كانت بتتكون من الجمعيه و دى كانت بتتكون من كل الدول الأعضاء. و المجلس و ده كان بيتكون من الدول الكبرى و هى انجلترا و فرنسا و ايطاليا و اليابان و بعدين الاتحاد السوفيتى و المانيا ، و اعضاء مش دايمين ، و هيئات زى المحكمه الدوليه ، و منظمة الشغل الدوليه.

الانتداب

عهد العصبه انشأ نظام الانتداب عشان يتطبق على الاقاليم اللى انتزعت من المانيا و تركيا فى الحرب العالميه الاولى. الانتدابات اتقسمت على تلت فئات ، فى الفئه الاولى اتحطت بلاد المنطقه العربيه اللى وصلت لدرجه من التقدم تسمح بالاعتراف بيها مؤقتاً كدول مستقله على اساس ان دوله من الدول الغربيه تقدم ليها مساعدات اداريه.

نهايه

عصبة الامم فشلت فشل كبير فى حل المشاكل و النزاعات اللى حصلت و الازمه الاقتصاديه الكساد الكبير اللى حصل للعالم كله و لما قامت الحرب العالميه التانيه اتفككت المنظمه من نفسها.

شوف كمان

• الامم المتحده

لينكات برانيه

• عصبة الامم – صور وتسجيلات صوتيه و مرئيه على ويكيميديا كومونز (الإنجليزية)
• عصبة الامم على موقع كيورا - Quora (الإنجليزية)
• عصبة الامم معرف قاعده بيانات الملف للسلطه الافتراضيه الدوليه (الإنجليزية)
• عصبة الامم معرف مخطط فريبيس للمعارف الحره (الإنجليزية)
• عصبة الامم معرف مكتبه الكونجرس (الإنجليزية)
• عصبة الامم معرف ملف استنادى متكامل (الإنجليزية)