كشرى
المظهر
| ||||
---|---|---|---|---|
المنشأ | ![]() | |||
البلد | ![]() | |||
المكونات الرئيسية | رز و عدس و مكرونه و حمص و تقلية بصل و صلصة طماطم و توم و خل و شطه | |||
تعديل ![]() |
![](https://upload.wikimedia.org/wikipedia/commons/thumb/f/f7/Cairo_koshary.jpg/250px-Cairo_koshary.jpg)
![](https://upload.wikimedia.org/wikipedia/commons/thumb/d/d0/Abu_tariq_koshari.jpg/250px-Abu_tariq_koshari.jpg)
كشرى Koshari اكله من اشهر الاكلات المصريه بيتكون من رز و عدس و مكرونه و حمص و تقلية بصل و صلصة طماطم و شطه و توم و خل . الكشرى من الأكلات المصريه المشهوره بيتعمل فى البيت و فيه مطاعم كتيره جوا و برا مصر بتبيع كشرى مصرى.
فيه كتير فى كل مصر مش بس اسكندريه بيعملو"كشرى اسكندرانى" متكون من رز و عدس اصفر يعنى مقشر من غير جبه و صلصة طماطم و تقلية بصل من غير مكرونه و بيتاكل مع سلطة طماطم و خيار و فلفل و بصل. الكشرى اللى بيسموه اسكندرانى المتكون من رز و عدس و تقليه من غير مكرونه هو اصل الكشرى المصرى.
انواع الكشرى المصرى
[تعديل]- كشرى من غير مكرونه زى اغلب البيوت يعنى كشرى اسكندرانى : رز و عدس اصفر و ملح و فلفل و كمون و شطه و بصل و توم و خل و صلصه طماطم و تقلية بصل و سلطه طماطم. فيه بيحطو معاه بيض مزعلل يعنى بيض اتسلق و اتقشر و اتقلا فى سمنه
- كشرى بمكرونه زى اغلب المحلات : رز و عدس اصفر و عدس بجبه و مكرونه و حمص و ملح و فلفل و كمون و صلصه طماطم و تقلية بصل و خل بتوم و شطه . فيه بعض المحلات حسب الطلب بيحطو عليه حتت كبده او لحمه مفرومه او حتت سجق او حتت لحمة فراخ او تونه او غيره
عمل كشرى من غير مكرونه زى اغلب البيوت يعنى كشرى اسكندرانى
[تعديل]- طاسه حط فبها زيت دره او غيره عشان ما تلزقش و كميات متساويه من رز و عدس اصفر عليهم شوية شعريه و حط عليهم صلصة طماطم و ملح و فلفل و كمون و حتت بصل و توم و شوية خل و شوية شطه و عصير لمونه و فوقهم شوية زيت دره او غيره و مايه مغليه و قلبهم و غطيهم و حطهم علا نار لغاية ما الكشرى يستوى
- قطع بصل حتت صغيره او افرمه و اقليه فى زيت لعمل التقليه
عمل كشرى بمكرونه زى اغلب المحلات
[تعديل]- طاسه حط فيها زيت دره او غيره عشان مايلزقش فيها الاكل
- حط كميات متساويه من رز و عدس اصفر و مكرونه مرمريه و عليهم شوية شعريه و شوية عدس بجبه و شوية حمص طبيخ
- حط عليهم رشة ملح و فلفل و كمون و شطه
- جط عليهم شوية توم مفروم و خل و عصير لمونه
- تتخلط المكونات ببعض و تتحط عليها زيت زى زيت دره و مايه مغليه و تتقلب و تتحط علا النار لغاية ما المايه تنشف و الكشرى يستوى
عمل تقلية كشرى
[تعديل]- بصل يتقطع حتت صغيره او يتفرم و يتقلا فى شوية زيت زى زيت دره لغاية ما لونه يبقا بنى.ممكن يتحط عليه حتت توم و حتت فلفل اخضر.
عمل صلصة كشرى
[تعديل]عمل شطة كشرى
[تعديل]شطه عليها مايه و تتغلا
عمل دقه كشرى
[تعديل]خل عليه توم مفروم او مدقوق عشان كدا سموها دقه
صور
[تعديل]![](https://upload.wikimedia.org/wikipedia/commons/thumb/c/cd/Egyptian_Koshari.jpg/220px-Egyptian_Koshari.jpg)
![](https://upload.wikimedia.org/wikipedia/commons/thumb/e/e9/Egyptian_food_Koshary.jpg/220px-Egyptian_food_Koshary.jpg)
![](https://upload.wikimedia.org/wikipedia/commons/thumb/5/50/Egyptian_Food.jpg/220px-Egyptian_Food.jpg)
![](https://upload.wikimedia.org/wikipedia/commons/thumb/0/07/Koshari_tahrir.jpg/220px-Koshari_tahrir.jpg)
![](https://upload.wikimedia.org/wikipedia/commons/thumb/c/cf/EgFoodKosheri2.jpg/220px-EgFoodKosheri2.jpg)