نقطة الضعف
| ||||
|---|---|---|---|---|
 | ||||
| غناء | فايزه احمد | |||
| اللغه | مصرى | |||
| الملحن | محمد سلطان | |||
| المؤلف | عبد الوهاب محمد | |||
تعديل  |
||||
نقطة الضعف
كلمات الاغنيه
غصب عني يا حبيبي .. مهما اقول حابعد واخبي
بالقى روحي باحن لك .. و اشتاق لحبي غصب عني
غصب عني كمان باصدق حسن ظني
و اطوي شكي فيك و حيرتي بالتمني
و اعمل ايه وياك و حبك اقوى مني
اد ما ارادتي اوية .. اد ما دموعي ابية
نقطة الضعف اللى فيا .. هى قلبي و انت قلبي
اشتياقي يا حبيبي و انت غايب .. اشتياق فوق اشتياق كل الحبايب
بس عزة نفسي بتخليني اداري .. و اقدر اصبر و ابتسم فى عز ناري
يجرى ما يجرى .. و ما حدش عنده فكرة
و الحقيقة اني بادوب لهفة و حنين
و انتظار على نار و افكار حيرانين
بتغالبني الوحدة و انا مع ناس كتار
و يصاحبني السهد لحد بالنهار
و الدقيقة تمر عليا سنين كتار
كل ده و انت بعيد
و اما بتعود من جديد .. كل ثانية تبقى عيد
الحياة بترد فيا .. و السماح يغلب عليا
اد ما ارادتي قوية .. اد ما دموعي ابية
نقطة الضعف اللى فيا .. هى قلبي و انت قلبي
نقطة الضعف اللى فيا .. عذبتني
حملتني فوق ما يقدر حد يتحمل ضنى
وصلتني اعيش لك انت و انسى لحد مين انا
وامشي ورا قلبي و غرامه فى الضلوع
زي طيران الفراشة عالشموع
باعرف اني اروح و ما اعرفش الرجوع
عايز اكتر من كده ايه
انت شفت الحب ده الا معايا
ليه ما بتقدرش ليه
و انا م البداية باحبك حب لسه ما اتعرفشي
و اخاف عالحب مين حب و ما خافشي
يا حبيبي يا حبيبي
زي موج البحر ما بيرجع لبحره باعود اليك
يا حبيبي يا حبيبي
زي ما يخاف اللى تاهت نفسه منه باخاف عليك
و اعمل ايه .. اعمل ايه
اعمل ايه لما عواطفي بتعاندني و بتراضيك
اعمل ايه و انا سر ضعفي رأفة بيك من حبي فيك يا حبيبي
نقطة الضعف اللى عندي كان منايا تبقى عندك
و اللى باشعر بيه لوحدي
انت تشعر بيه لوحدك
كان منايا يا منايا يغيرك عطفي و حناني
كان منايا تبقى ارحم ما فى زماني
بس يا خسارة
التمني عاش تمني
و الحياة ما بتديناش كل الاماني
اد ما ارادتي قوية .. اد ما دموعي ابية
نقطة الضعف اللى فيا .. هى قلبي و انت قلبي