(Translated by https://www.hiragana.jp/)
Hentai - Wikipedia Saltar al conteníu

Hentai

De Wikipedia
Artículos hentai.

Hentai (変態へんたい en xaponés), la pallabra hentai quier dicir "pervertíu/perversión" o "tresformación". Nun tiene el significáu que se-y tien dao n'Occidente, y nun se refier a conteníos y conductes sexuales "normales", sinón que s'utilicen nel so llugar términos como 18-kin (18禁きん, lliteralmente "18-prohibíu", col significáu de "prohibíu a los qu'entá nun tienen 18 años") y seijin manga (成人せいじん漫画まんが, "manga adultu").

La cantidá de dibuxos illustrando actividá sexual nel manga o l'anime hentai pue variar muncho. Tamién varía'l tipu d'actividad sexual y los personaxes implicaos, que se someten a mui poques restricciones al tratase de personaxes de ficción.

El significáu común que tien n'Occidente remanez del usu xaponés de エッチ (etchi, escritu frecuentemente ecchi, aproximación xaponesa de la pronunciación inglesa de la lletra H), que se creye que ye una forma abreviada de hentai que s'utilizaba como eufemismu nos años 1960, anque los sos oríxenes nun tán del tou nidios, nin siquiera en Xapón. La "H" en Xapón utilízase pa referise a cualaquier conteníu o actividá sexual, asina que "H manga" ye manga con conteníu sexual, pero por embargu "H" y "hentai" nun son sinónimos, y nun se pue camudar ún por otru.

Llexislación xaponesa

[editar | editar la fonte]

L'artículu 175 del códigu penal xaponés prohíbe la espublización de material "moralmente perxudicial", que tal como s'interpreta anguaño inclúi la esposición de xenitales, asina que ye frecuente ver una barra cubriendo los xenitales, o bien los xenitales borrosos. Enantes de 1994, la interpretación d'esta llei incluyía la prohibición d'esponer vellu púbicu, una norma que s'eludía dibuxando personaxes ensin vellu púbicu.

Sicasí, esto tien causao otru problema cuando los videos hentai se distribuyíen a llugares como Europa y Estaos Xuníos. Como los personaxes del anime paecen más xóvenes que los personaxes de la mesma edá de los dibuxos animaos occidentales, eso dio a dellos la impresión de que los videos conteníen pornografía infantil. Ye interesante saber que los personaxes femeninos de los dibuxos animaos, según el xaponés mediu, aparenten tener unos 5 o 10 años más.

Un datu menos conocíu ye que la censura xaponesa ye mui estriuta en cuantes a los dibuxos sobre actividá sexual ente humanos y animales. Anque se permite que circulen con relativa llibertá actos con monstruos maxinarios (que suelen tener los conocíos tentáculos fálicos cola fin d'evitar la llei relativa a los xenitales de verdá), se tien consideráu'l sexu zoofílicu con animales esistentes como daqué qu'ha ser perseguíu.

Categoríes

[editar | editar la fonte]

Softcore

[editar | editar la fonte]

Hardcore

[editar | editar la fonte]

Exemplos d'anime hentai

[editar | editar la fonte]

Ver tamién

[editar | editar la fonte]

Referencies

[editar | editar la fonte]

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Hentai&oldid=4189157»