Chechu García
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Chechu García![]() | |
---|---|
| |
Vida | |
Nacimientu | Samartín del Rei Aurelio, 1970 (53/54 años) |
Nacionalidá |
![]() |
Estudios | |
Estudios | Universidá d'Uviéu |
Llingües falaes |
asturianu castellanu |
Oficiu | escritor |
![]() |
Chechu García (1970, Samartín del Rei Aurelio) ye un escritor asturianu.
Biografía
[editar | editar la fonte]Llicenciáu en Bioloxía pola Universidá d'Uviéu. Entama na lliteratura de la mano del grupu L'arbixil del "Institutu Virxe de Cuadonga" de L'Entregu, colos qu'escribe a comuña'l conxuntu de cuentos Guaños d'anguaño. Como autor dase a conocer col llibru infantil Vieyu Trasgu, qu'ameritó'l primer premiu del Concursu “Llectures pa rapazos” 1996 de L'Academia de la Llingua Asturiana. Al añu viniente algama'l premiu "Teodoro Cuesta" de poesía col llibru escritu en collaboración con Martín López-Vega Les coraes de la roca que se publica tres años más tarde.
Como dramaturgu consiguió'l Premiu de Teatru de l'Academia de la Llingua Asturiana cola obra Gasolina con capuyos, fecha en collaboración con Roberto Corte, y que nel añu 2002 diba estrenase nel teatru Xovellanos de Xixón por Barataria Teatru; la obra recibe numberosos gallardones, ente otros, al meyor autor teatral asturianu. Nel añu 2002, ye la gran triunfadora de los premios teatrales asturianos na gala que se celebra en La Felguera, y ye finalista de los premios Max na categoria “espectáculu revelación”.
A últimos del 2003 asoleya'l poemariu Teseles, mosaicu de poemes que representa la vida d'un home qu'observa, reflexona y canta a la vida. Ta dividíu en cinco partes. Nos años siguientes los cuentos infantiles “Marta y el peludín de Carrandi”, “Marta y el muséu Xurásicu” y "Marta nun quier cortar el pelo", asina como les pieces teatrales “La pitonisa”, “Cuatro verdaes”, "Otres cuatro verdaes", "Kaos", “un compromisu maxinariu” y l'antoloxía teatral “l'album de Talía”.
Amás, foi articulista del selmanariu Les Noticies, ye autor de dellos cuentos y guiones de cómics. Los sos poemes figuren en delles antoloxíes como Fruta del tiempu, “Los cien meyores poemes en llingua asturiana” o “Pallabres clares”. Tien publicao en numberoses revistes: Reloj de arena, Sietestrellu, zimbru, la ratonera, lletres asturianes, lliteratura.... Ye ún de los fundadores nel añu 1998 de la tertulia lliteraria Tom Malory, de la que sigue formando parte. Ye coordinador de la revista lliteraria Reciella Malory. Foi tamién coordinador y guionista del programa radiofónicu Nomes d'Asturies de la RTPA.