D. C. Fontana
D. C. Fontana | |
|---|---|
 | |
| Vida | |
| Nacimientu | condáu de Sussex[1], 25 de marzu de 1939[2] |
| Nacionalidá |
 Estaos Xuníos |
| Muerte | Los Angeles, 2 d'avientu de 2019[3] (80 años) |
| Causa de la muerte | cáncanu |
| Estudios | |
| Estudios |
Universidad Fairleigh Dickinson (es)  grado de asociado (es) Passaic Valley Regional High School (es) |
| Llingües falaes | inglés[4] |
| Oficiu |
guionista, escritora, escritora de ciencia ficción, story editor (en) |
| Trabayos destacaos | Star Trek: The Original Series |
| Seudónimos | Michael Richards y D. C. Fontana |
| Xéneru artísticu |
wéstern (es) ciencia ficción |
| IMDb | nm0284894 |
 | |
Dorothy Catherine Fontana, más conocida por D.C. Fontana (25 de marzu de 1939, condáu de Sussex – 2 d'avientu de 2019, Los Angeles) foi una guionista de televisión d'Estaos Xuníos.[5] Tamién escribió so los seudónimos Michael Richards y J. Michael Bingham.[6]
Star Trek
[editar | editar la fonte]A principios de los años sesenta, Fontana trabayaba como asistente personal de Gene Roddenberry, principal fuercia creativo de la serie Star Trek. Como secretaria de Roddenberry, foi una de les primeres persones que vio'l so conceutu orixinal de la serie en 1964. Trabayó na serie como editora de les hestories y escritora de continuidá. Redactó alredor d'una docena d'episodios, incluyíu Charlie X, el segundu episodiu n'emitise, y retocó munchos otros. En particular, desenvolvió los personaxes del Sr. Spock y la so familia nel guión de Viaxe a Babel.[7]
Dientro de la franquicia Star Trek, collaboró na serie d'animación de 1973 y 1974, siendo amás productora de la mesma. Na serie Star Trek: The Next Generation, foi coautora del guión del capítulu piloto y de dellos otros episodios de la primer temporada.[7]
Na serie Star Trek: Deep Space Nine participó nel desenvolvimientu del personaxe de Jadzia Dax, principalmente nel capítulu Dax.[7]
Otres obres
[editar | editar la fonte]Fontana tamién redactó guiones pa series como The Six Million Dollar Man, Babylon 5, The Waltons, Dallas, The Streets of San Francisco, Kung fu, Bonanza, High Chapparal, Here Come the Brides, The Big Valley y Ben Casey.[7]
Escribió tres llibros, The Brazos River, Vulcan's Glory y The Questor Tapes. Esti postreru ye una novelización d'una película de televisión, obra de Gene Roddenberry, na qu'apaez el personaxe d'un androide que ye'l precursor de Data.[7]
Otres actividaes y premios
[editar | editar la fonte]Foi nomada pal Writers Guild Award en 1969 por Two Percent of Nothing, episodiu de Then Came Bronson. En 2002 recibió'l Morgan Cox Award polos sos munchos años de trabayu na asociación.[7]
Enseñó escritura de guiones nel American Film Institute.[7]
Fontana casóse con Dennis Skotak, artista d'efectos visuales.[7]
Referencies
[editar | editar la fonte]- ↑ Afirmao en: Google Freebase Data Dump. Editorial: Google.
- ↑ Afirmao en: Internet Movie Database. Identificador IMDb: nm0284894. Data de consulta: 12 agostu 2015. Llingua de la obra o nome: inglés.
- ↑ URL de la referencia: https://variety.com/2019/tv/news/star-trek-writer-d-c-fontana-dead-80-1203422727/.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «IMDb» (inglés). Consultáu'l 7 de marzu de 2015.
- ↑ «memory-alpha» (inglés). Consultáu'l 7 de marzu de 2015.
- ↑ 7,0 7,1 7,2 7,3 7,4 7,5 7,6 7,7 CBS Entertainment. «startrek.com» (inglés). Consultáu'l 7 de marzu de 2015.
| Control d'autoridaes |
|
|---|
Datos: Q450706
Multimedia: D. C. Fontana