Dieciséis Reinos

	periodu históricu
Alministración
Xeografía

Los Dieciséis Reinos (en chinu tradicional: 十じゅう六ろく國こく, chinu simplificáu: 十じゅう六ろく国こく, pinyin: Shíliù Guó, Wade-Giles: Shih²liu⁴ Kuo²), o menos davezu llamaos los Dieciséis Estaos, que sería la traducción más exacta del nome chinu, fueron un conxuntu numberosu de pequeño Estaos soberanos nel territoriu de China y nes árees colindantes dende 304 hasta 439 dempués de la retirada de la dinastía Jin al sur de China y antes del establecimientu de les Dinastíes Septentrionales. Orixinalmente, el términu foi introducíu per primer vegada por Cui Hong nel tresmanáu rexistru históricu Shiliuguo Chunqiu (Añales de les primaveres y les serondes de los Dieciséis Reinos), y acutaos a los dieciséis reinos d'esta era, que yeren los siguientes: Hanchao (漢かん趙ちょう, 304-329), Chao posterior (後ご趙ちょう, 319-351), Ch'ênghan (成なり漢かん, 303-349), Liang anterior (前ぜん涼りょう, 320-376), Liang posterior (後ご涼すずし, 386-403), Liang septentrional (北きた涼すずか, 397-439), Liang occidental (西にし涼すずか, 400-421), Liang meridional (南みなみ涼すずか, 397-414), Yen anterior (前ぜん燕つばめ, 337-370), Yen posterior (後こう燕つばめ, 384-407), Yen septentrional (北きた燕つばめ, 407-436), Yen meridional (南みなみ燕つばめ, 398-410), Ch'in anterior (前ぜん秦はた, 350-394), Ch'in posterior (後ご秦はた, 384-417), Ch'in occidental (西にし秦しん, 385-400/409-431) y Huhsia (胡えびす夏なつ, 407-431). El términu foi ampliáu pa incluyir a tolos Estaos soberanos dende 304 hasta 439.

Práuticamente tolos gobernantes d'estos reinos formaben parte de dalguna de les etnies nómades o seminómades del norte, denominaes hú (胡えびす) polos chinos, que solíen estremar cinco etnies principales, los "cinco hú" (五ご胡えびす wǔ hú).

Estos gobernantes d'orixe estranxeru asumieron, sicasí, los modelos chinos de gobiernu y alministración, y toos ellos reivindicaben la so condición d'emperadores (皇帝こうてい huángdì) o reis (王おう wáng) al estilu chinu. Pela so parte, los chinos Han fundaron los cuatro Estaos de Yan septentrional, Liang occidental, Liang anterior y l'Estáu de Wei. Seis gobernantes chinos de Liang anterior permanecieron de forma titular sol gobiernu de la dinastía Jin. La dinastía Wei septentrional nun se considera unu de los Dieciséis Reinos magar que foi fundada mientres el periodu.

Ver tamién

Emperadores de China

Referencies

Enllaces esternos