Graf Zeppelin LZ 127
![](https://upload.wikimedia.org/wikipedia/commons/thumb/1/1f/ZeppelinLZ127a.jpg/350px-ZeppelinLZ127a.jpg)
El Graf Zeppelin LZ 127 foi un dirixible alemán que completó'l 29 d'agostu de 1929 la so primer vuelta al mundiu, comandáu por Hugo Eckener, aterrizando en Lakehurst, Estaos Xuníos d'América. Foi'l dirixible más grande de la historia, con un llargor total de 236,6 m y un volume de 105.000 m³.
El so viaxe duró 21 díes, percorriendo 34.600 km. Salió de Lakehurst, atravesando l'Océanu Atlánticu y, faciendo escala na ciudá alemana de Friedrichshafen, atravesó Europa, los Montes Urales, y Siberia hasta facer otra escala en Tokiu. Darréu, crució l'Océanu Pacíficu hasta los Estaos Xuníos, onde, el 26 d'agostu y depués de 79 hores y 22 minutos de navegación, aterrizó en Los Angeles. A la fin, el 29 d'agostu volvió pal Centru d'Inxeniería Aerospacial de Lakehurst.
Depués del desastre del Hindenburg, la desconfianza pública na seguridá de los dirixibles escósase y prohíbese'l tresporte de pasaxeros con tanques d'hidróxenu. Un mes depués, el Graff Zeppelin retiróse del mercáu y púsose nun muséu. Col españíu de la Segunda Guerra Mundial, en marzu de 1940, el Ministru del Aire alemán (Reichsluftfahrtminister), Hermann Göring, ordenó la destrucción de los dirixibles que quedaben p'aprovechar les partes d'aluminiu na industria armamentística.