Guanxi
Guānxi ye un términu chinu (Chinu tradicional:
Conceutos estrechamente rellacionaos col guanxi son el gǎnqíng, que ye una midida de la fondura de los sentimientos d'una rellación interpersonal, el rénqíng, que fai referencia a la obligación moral de caltener la rellación, y el liǎn, que fai referencia al conceutu de "cara", en cuantes que significa estatus social, reconocencia, prestíu, o una combinación de los trés desusdichos.
Descripción
[editar | editar la fonte]Nel so aspeutu esencial el guānxi fai referencia a una conexón personal ente dos persones, per mediu de la cual caúna d'elles puede recurrir a la otra pa llograr un favor o un serviciu. Nun ye precisu que los dos persones tengan igual estatus social. El términu guānxi puede tamién ser utilizáu pa describir una rede de contactos a los qu'un individuu puede recurrir cuando precisa realizar o poner en práutica daqué, y por aciu el cual él puede exercer influencia en beneficiu d'un terceru. Adicionalmente, guānxi puede ser utilizáu pa describir un estáu d'entendimientu mutuu xeneral ente dos persones: "l'otru conoz les mios necesidaes y deseos y va tener en cuenta cuando decida faer daqué que podría afectame o arreyame, ensin necesidá de que parolemos de la tema o me consulte".
Polo xeneral nun s'utiliza'l términu pa describir rellaciones dientro d'una familia, anque dacuando les obligaciones de calter guānxi pueden describise por aciu el conceutu d'una familia ampliada. Tampoco s'utiliza pa describir rellaciones que cayen dientro d'otres normes o estructures sociales tradicionales (esto ye, xefe-trabayador, maestru-alumnu, amistá). Les rellaciones encimentaes nel guānxi son personales y non tresferibles.
Cuando una rede de guānxi viola normes burocrátiques o alministratives, puede dar orixe a corrupción, y el guānxi puede tamién ser la base de rellaciones de servidume.
Exemplos del so usu
[editar | editar la fonte]Dizse que daquién tien un bon guānxi si la so rede d'influencia personal pue ser d'ayuda pa resolver un problema esistente.
La forma más común d'aceptar una sida en Mandarín estándar ye méi (yǒo) guānxi (
De cutiu, na prensa fai referencia al guānxi cuando obligaciones encimentaes nel guānxi impónense sobre deberes cívicos, lo que conduz a situaciones de nepotismu y cronismo[1] .[2]
Conceutos xenerales n'otres cultures
[editar | editar la fonte]Los sociólogos conectaron el conceutu de guanxi al de capital social (describióse como una estructura de valor Gemeinschaft), y tratóse exhaustivamente n'estudios sobre'l comportamientu de la sociedá china nel ámbitu económicu y políticu, incluyíos los casos que se menten de siguío.
El conceutu de wasta esistente na cultura del Mediu Oriente ye similar al guanxi.
Ver tamién
[editar | editar la fonte]- Sociolismo
- Rede social
- en:Chinese social relations
- Blat, l'equivalente rusu *[[:en:Old
boy network]]
Enllaces esternos
[editar | editar la fonte]- Guanxi: Definición, Clasificación y Implicancias por Ying Fan International Business Review, 11:5, 543-561, 2002. (n'inglés)
- Definición, significáu y usu del guanxi nos negocios en China, estudiu científicu del Guanxi en rellación colos negocios.
- China's modern power house, artículu de la BBC qu'analiza'l rol del Guanxi nel sistema de gobiernu de China.
- Qué ye'l guanxi? Discutiniu Wiki sobre definiciones de guanxi, xestionada polos editores de Guanxi: The China Letter.
- Guanxi, The art of relationships, by Robert Buderi, Gregory T. Huang, ISBN 0-7432-7322-2.
- Carauterístiques de China - El Guanxi
Referencies
[editar | editar la fonte]- ↑ Cohen, Jerome (11 d'avientu de 2007), «A just legal system», International Herald Tribune, http://www.iht.com/articles/2007/12/11/opinion/edcohen.php
- ↑ Ansfield, Jonathan (17 d'avientu de 2007), «Where Guanxi Rules», Newsweek, http://www.newsweek.com/id/74369