Lenna
Lenna (que tendría de llamase en realidá Lena) ye un fragmentu de fotografía d'una playmate reproducida nel númberu de payares (miss payares) de 1972 de la revista Playboy. Sirve como imaxe de prueba pa los algoritmo de compresión d'imaxe y convirtióse de facto nun estándar industrial y científicu.
Descripción
[editar | editar la fonte]El nome "Lenna" ye'l qu'apaez nel artículu orixinal de Playboy, al camudar el nome orixinal de Lena Söderberg na revista por que fuera pronunciáu correutamente polos anglofalantes.
La imaxe ye tan conocida que Lena Soderberg (de soltera Sjööblom), una sueca, foi la invitada d'honor de la 50ª Conferencia Añal de la Society for Imaging Science in Technology, en 1997.
L'usu d'esta imaxe pasó por diversu vicisitúes por cuenta de la desnudez orixinal de la imaxe, y tamién debíu al fechu de que Playboy intentó lluchar contra l'usu ensin autorizar de la imaxe. Pero la revista abandonó llueu la vía llegal y amosóse acordies con l'usu de "Lenna" por motivos publicitarios. Según la revista Wired, "a pesar de que Playboy ye famosu por adoptar midíes contra l'usu illegal de les sos imáxenes, decidió pasar per alto l'usu xeneralizáu d'esti póster central en particular."
David C. Munson, redactor-xefe mientres los discutinios del IEEE avera del tratamientu d'imáxenes en xineru de 1996, cita dos razones qu'espliquen la popularidá d'esta imaxe nel terrén de la investigación: "de primeres, esta imaxe contién bonos amiestos de detalles, de zones planes, y una testura que fai trabayar bien a los distintos algoritmos de compresión d'imaxe. ¡Ye una bona imaxe de prueba! Amás, "Lenna" ye la imaxe d'una muyer curiosa. Nun resulta sorprendente que la comunidá qu'investiga sobre compresión d'imaxe (principalmente masculina) gravite alredor d'una imaxe que-yos resulte curiosa."
Historia
[editar | editar la fonte]La hestoria de la imaxe foi narrada na llista de distribución del IEEE Professional Communication Society en mayu de 2001, nun artículu de Jamie Hutchinson:[1]
Alexander Sawchuk cree que foi en xunu o xunetu de 1973 que, mientres yera profesor ayudante d'inxeniería llétrica nel Institutu de tratamientu de señal ya imáxenes de la Universidá del Sur de California, con un estudiante y el xefe del llaboratoriu, taben buscando apresuradamente nel llaboratoriu una bona imaxe pa escaniar pa un artículu de conferencia d'un colega. Taben cansaos de les sos imáxenes de prueba habituales, coses aburríes que databen de los años 1960 y basaes n'estándares audiovisuales. Queríen daqué sorprendente p'asegurar un bon contraste, y quería qu'hubiera una cara humana. Nesi momentu, daquién llegó col postreru Playboy. Los inxenieros arrincaron el terciu superior del póster central pa poder envolubralo alredor del tambor del so escáner Muirhead, que fornieren con convertidores analóxicu a dixital (unu pa cada canal de color: colloráu, verde y azul) y un minicomputador Hewlett Packard 2100. El Muirhead tenía una resolución fixu de 100 llinies per pulgada y los inxenieros deseyaben una imaxe de 512 × 512, asina que llindaron la imaxe a 5'12 pulgaes d'altor, cortando pa ello la fotografía al altor de los costazos de la modelu.
Lenna nun foi la primer imaxe d'una revista Playboy en ser usada pa ilustrar algoritmos de procesamientu d'imáxenes. Lawrence G. Roberts usó una imaxe del Playboy de 1960 con permisu y atribución, na so tesis del MIT en 1961 sobre entamáu d'imáxenes.[2]
En 1988, foi entrevistada por una publicación informática sueca y felicitóse polo qu'asocediera cola so imaxe. Aquél foi'l momentu en que supo per primer vegada del usu de la so imaxe nel mundu de la informática.[3]
Discutiniu
[editar | editar la fonte]L'usu de la imaxe produció ciertu discutiniu y hai xente esmolecida tantu pol so conteníu lascivo[4] como por conflictos de propiedá.
Cuando'l IS&T quixo convidar a Lena a la so conferencia,[5]
Playboy ayudó a alcontrar a Lena n'Estocolmu, onde ayuda a discapacitaos a trabayar n'ordenadores (non coneutaos a rede). Anque Playboy ye famosa por tomar dures midíes nel usu illegal de les sos imáxenes, decidió pasar per alto la distribución xeneralizada d'esta páxina desplegable particular. Diz Eileen Kent, VP de nuevos medios de Playboy: "Decidimos que teníamos qu'esplotar esto, porque ye un fenómenu."
La coincidencia fizo que Playboy declarara qu'esi númberu fuera'l que más vendió: 7.161.561 exemplares.[6]
Referencies
[editar | editar la fonte]- ↑ Jamie Hutchison, "Culture, Communication, and an Information Age Madonna," IEEE Personal Communication Society Newsletter Vol. 45, Non. 3, May/June 2001, PDF
- ↑ Lawrence G. Roberts, Picture Coding Using Pseudo-Random Noise, MIT, S.M. thesis, 1961. online Archiváu 2006-09-26 en Wayback Machine
- ↑ Image Processing: the Lena story
- ↑ Accessibility of Computer Science: A Reflection for Faculty Members, online page 8, Dianne P. O'Leary, 1999
- ↑ Janelle Brown, "Playmate Meets Geeks Who Made Her a Net Star ", Wired News, May 20, 1997 online
- ↑ «Playboy FAQ». Playboy Online (26 de mayu de 2006). Archiváu dende l'orixinal, el 3 d'abril de 2007. Consultáu'l 15 d'abril de 2007.
Enllaces esternos
[editar | editar la fonte]