Plantía:Ayuda multimedia (MIDI)
Introducción | Software pa soníu y videu | MIDI |
Reproducción de ficheros MIDI
![](https://upload.wikimedia.org/wikipedia/commons/thumb/0/01/Twelve_bar_boogie-woogie_blues_in_C.png/300px-Twelve_bar_boogie-woogie_blues_in_C.png)
![Tocante a esti soníu](https://upload.wikimedia.org/wikipedia/commons/thumb/8/8a/Loudspeaker.svg/11px-Loudspeaker.svg.png)
Los ficheros MIDI desencadenen la reproducción de muestres de soníos nun sintetizador. Comprueba que puedes sentir l'exemplu faciendo click nél.
Esisten diferencies nel soníu producíu por un ficheru MIDI en función de la máquina na que se reproduz, porque los ficheros MIDI solo contienen instrucciones, que producen soníu cuando los interpreta un sintetizador. Nun ordenador, utilícense muestres d'instrumentos musicales vinientes de la tarxeta o controladora de soníu.
Solución de problemes comunes
Ten en cuenta los siguientes problemes que podríen apaecer cuando reproduzas ficheros MIDI:
- L'equipu nel que quieras reproducir el ficheru tien de tener el software y el hardware necesariu pa reproducir ficheros MIDI. Puedes comenzar asegurándote de que puedes reproducir ficheros Ogg Vorbis. Los reproductores de soníu dixital pueden reproducir MP3 y munchos otros formatos de soníu estándar, pero mui probablemente nun pueden reproducir ficheros MIDI.
- El to restolador web podría necesitar un complementu pa reproducir ficheros MIDI al facer click nun enllaz haza un ficheru nesi formatu dientro d'una páxina web. Dalgunos programes qu'añaden encontu pa la reproducción de ficheros MIDI nel navegador, incluyen Quicktime (pa Windows y Mac) que s'usa ampliamente pol navegador Safari, o'l reproductor Totem pa sistemes basaos en UNIX (como munches distribuciones Linux populares). Windows Internet Explorer soporta la reproducción MIDI abriendo automáticamente una instancia de Windows Media Player, que puede reproducir estos ficheros de forma nativa.
- La configuración de reproducción del mezclador de la tarxeta de soníu que tengas podría necesitar un axuste. Puedes activar o revertir el silenciu de tolos preseos de reproducción, y llueu aumentar el volume de toos ellos, p'asegurate de que la tarxeta de soníu unvie'l soníu MIDI al sintetizador.
- Los ficheros MIDI codificaos con una versión más recien del estándar MIDI podríen nun reproducise correutamente na to máquina si'l software qu'uses pa reproducilu nun sofita esa versión del estándar.
- Dalgunos fabricantes de hardware introducen estensiones propietaries al estándar MIDI que nun se reproducen en tolos reproductores. Tales estensiones «específiques del hardware» tienen d'evitase nos ficheros MIDI que se suban a Wikipedia.
Más software
Tamién puedes alcontrar software p'amosar el conteníu de la mayoría de tipos de ficheru MIDI en forma de partitures, secuencies, o dambes; ente estos programes tan Rosegarden y Lilypond.
Si la tarxeta de soníu nun tien encontu pa MIDI, el programa TiMidity++ ye capaz de reproducir tales ficheros, o inclusive convertilos a otros formatos de soníu.