Russula aurea

Russula aurea;
Clasificación científica
Reinu:	Fungi
Filu:	Basidiomycota
Subfilu:	Agaricomycotina
Clas:	Agaricomycetes
Orde:	Russulales
Familia:	Russulaceae
Xéneru:	Russula
Especie:	R. aurata; Pers. 1796
Sinonimia
	Agaricus auratus With.; Agaricus aureus (Pers.) Pers.; Russula aurata (With.) Fr.
Consultes
	[editar datos en Wikidata]

Russula aurea ye un fungu basidiomiceto comestible, de la familia Russulaceae.^[2]^[1] Crez en montes de coníferes, caducifolios o mistos, y ye bien frecuente nel área mediterránea. La so cogorda, o cuerpu granible, apruz dende principios de branu hasta principios de seronda. L'epítetu específicu, aurea, significa "dorada".^[2]

Descripción

La so cogorda presenta un sombrerucu d'ente 6 y 9 centímetros de diámetru, hemisféricu n'exemplares nuevos, que darréu toma forma esplanada y que finalmente queda ablayáu nel centru y acanalada nel cantu. La cutícula ye mafosa n'ambientes húmedos y xebrable de la carne con relativa facilidá nes zones cercanes a los márxenes. Presenta un color anaranxáu, doráu o acoloratáu y una testura daqué rugosa. Les llámines miden ente 6 y 12 milímetros d'anchu, y son apertaes y ventrudes, encruciándose na zona cercana al pie. Son de color crema con arestes de color mariellu cromu. El pie algama ente 6 y 9 centímetros de llargor y ente 2 y 2,5 d'anchu, y ye buecu, rugoso, estriáu y de color blancu amarellentáu, daqué más escuru na zona más cercana al sustratu. La carne ye compacta en cogordes nueves y blanda y fráxil n'exemplares maduros, de sabor prestoso y arume poco marcada. Ye blanca, de color amarellentáu na zona más cercana a la cutícula. La esporada ye mariella.^[2]

Referencies

↑ ^1,0 ^1,1 «Russula aurea» (n'inglés), Russula aurea, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=156423
↑ ^2,0 ^2,1 ^2,2 Grünert, H.; Grünert, R.; VV.AA. (1984). Guías de Naturaleza Blume: Setas (t. original:"Pilze"). Barcelona: Blume, páx. 164. ISBN 84-87535-11-9.

Enllaces esternos

[indexfungorum-1] 1,0 ^1,1 «Russula aurea» (n'inglés), Russula aurea, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=156423

[blume-2] 2,0 ^2,1 ^2,2 Grünert, H.; Grünert, R.; VV.AA. (1984). Guías de Naturaleza Blume: Setas (t. original:"Pilze"). Barcelona: Blume, páx. 164. ISBN 84-87535-11-9.

[1]

[2]