Trile

El trile, tamién llamáu mosqueta, Pepito paga doble, ¿dónde está la bolita? o la bolita ye un xuegu, normalmente asociáu a la estafa, que ye tradicional en cais concurríes y mercaos. Esisten dos modalidaes, la primera xuégase con trés cartes, y la segunda con trés cubiletes y una bolina. N'entrambos casos, el oxetivu del xuegu ye que la víctima o xugador aldovine ónde ta una carta predeterminada, o debaxo de qué cubilete s'alcuentra la bolina, que son manexaes pol estafador (tamién conocíu como trileru).

Éste baraxa delantre del xugador les cartes o cubiletes, y el xugaor apuesta dineru a la posición na que cuida que ta la carta o bolina.

Normalmente'l trileru ye aidáu por otros estafadores, que convencen a la víctima de la facilidá p'acertar y, poro, ganar dineru, faciendo de ganchu, una de les formes de convencer a les víctimes ye apostando a la eleición ganadora, y el estafador paga al apostador ganador que ye obviamente otru estafador.

Por embargu, esti xuegu suel tar asociáu al engañu, per aciu de xuegos de manes, pa evitar que'l xugador acierte nunca cola posición correuta.