Valentina Tereshkova
Valentina Vladímirovna Tereshkova (rusu: Валенти́на Влади́мировна Терешко́ва rusu, ; Máslennikovo, 6 de marzu de 1937) cosmonauta y política rusa yá retirada, ye una inxeniera que como cosmonauta convirtióse na primer muyer, y al empar la primera civil, que voló al espaciu, siendo escoyida ente más de cuatrocientos aspirantes y cinco finalistes pa ser pilotu del Vostok 6, llanzáu'l 16 de xunu de 1963. Completó 48 órbites alredor de la Tierra nos sos trés díes nel espaciu. Pa xunise al Cuerpu de Cosmonautes, Tereshkova foi incorporada de manera honoraria a la Fuercia Aerea Soviética, siendo asina la primera civil en volar al espaciu.[7]
Antes del so reclutamientu como cosmonauta, Tereshkova foi una obrera que trabayaba nuna fábrica de texíos y paracaidista aficionada. Dempués de la disolución del primer grupu de cosmonautes femeninos en 1969, foi un prominente miembru del Partíu Comunista de la Xunión Soviética, participando en delles oficines polítiques. Remaneció activa na política tres el colapsu de la Xunión Soviética (URSS) y ye considerada tamién una heroína na Rusia post-soviética.
Tien una bona rellación col presidente de Rusia Vladímir Putin. En 2013, ufiertóse para faer un viaxe a Marte si-y daben la oportunidá.[8] Na ceremonia d'inauguración de los Xuegos Olímpicos d'Iviernu, corrió cola bandera olímpica.[9]
Biografía
[editar | editar la fonte]Nació na aldega de Bolshoye Máslennikovo nel distritu de Tutayevsky, Yaroslavl Oblast, nel centru de Rusia. Los sos padres emigraren de Bielorrusia.[10] El so padre yera conductor de tractor y la so madre trabayaba nuna planta testil. Tereshkova empezó la escuela en 1945 a la edá d'ocho años, pero dexóla en 1953 y siguió la so educación por aciu cursos per correspondencia. A temprana edá interesóse nel paracaidismu, entrenándose nel Aeroclub llocal. Fixo'l so primer saltu a los 22 años el 21 de mayu de 1959, momentu nel cual yera una trabayadora testil. Sería la so esperiencia en paracaidismu lo que condució a la so selección como cosmonauta. En 1961 convirtióse na secretaria del Komsomol (Unión de Mozos Comunistes) y más tarde xunióse al Partíu Comunista de la Xunión Soviética.
Carrera nel programa espacial soviéticu
[editar | editar la fonte]Dempués del vuelu de Yuri Gagarin en 1961, Serguéi Koroliov, principal inxenieru de cohetes, tuvo la idea de realizar un vuelu llevando a una muyer al espaciu. El 16 de febreru de 1962, Valentina Tereshkova foi escoyida para xunise al cuerpu de cosmonautes femenín. De les más de cuatrocientes candidates, fueron escoyíes cinco: Tatiana Kuznetsova, graduada como pilotu de caza del Institutu Aereu de Moscú, Irina Soloviova, que yera miembru del equipu nacional de paracaidismu de la Xunión Soviética, Zhanna Yérkina, maestra d'escuela, Valentina Ponomariova esperta paracaidista y Tereshkova. Los requerimientos incluyíen que fueren paracaidistes menores de 30 años d'edá, menores de 1.70 metros d'altu y de menos de 70 kg de pesu.[11]
Tereshkova foi considerada como una candidata particularmente digna, en parte por cuenta del so orixe «proletariu», y porque'l so padre, el líder y sarxentu de tanque Vladimir Tereshkov, foi un héroe de guerra.[12] Morrió n'aición mientres la Guerra d'Iviernu que se desenvolvió en Finlandia mientres la Segunda Guerra Mundial nel área de Lemetti en Carelia. Nesi momentu, Tereshkova tenía dos años. Dempués de la so misión, consultóse-y que podía faer la Xunión Soviética en forma d'agradecimientu pol so serviciu al país. Tereshkova pidió que'l gobiernu buscara'l llugar onde'l so padre morrió n'aición. Esto fixo, y el gobiernu construyó un monumentu qu'anguaño ta en Lemetti -anguaño nel llau rusu de la frontera-. Tereshkova visitó Finlandia delles vegaes.
La capacitación incluyó vuelos d'ingravidez, pruebes d'aislamientu, pruebes en centrifugador, teoría de cohetes, naves espaciales d'inxeniería, 120 saltos en paracaíes y formación de pilotos n'aviones de combate MiG-15UTI. El grupu pasó dellos meses nun entrenamientu intensivu, acabando con exámenes en payares de 1962, dempués de lo que les cuatro candidates restantes graduáronse como subtenientes de la Fuercia Aerea Soviética. Tereshkova, Soloviova y Ponomariova fueron les otres principales candidates, y desenvolvióse un programa de misiones que llograría que dos muyeres volaren al espaciu, en dos vuelos Vostok en díes siguíos en marzu o abril de 1963.[13]
Pa xunise al Cuerpu de Cosmonautes, Tereshkova foi almitida de mou honorariu na Fuercia Aerea Soviética polo que foi la primera civil en volar al espaciu.[14]
Orixinalmente pretendíase que Tereshkova viaxara primero nel vuelu Vostok 5 ente que Ponomaryova siguiría n'órbita nel Vostok 6. Sicasí, esti plan de vuelu alteróse'n marzu de 1963. Vostok 5 agora llevaría a un cosmonauta masculín, Valeri Bykovski realizando la misión en xunto con una cosmonauta a bordu del Vostok 6 en xunu de 1963. La Comisión Estatal del Espaciu nomó a Tereshkova para pilotar Vostok 6 nel so aconceyamientu del 21 de mayu y esto foi confirmáu por Nikita Khrushchov. Tereshkova yera exautamente diez años más nueva que l'astronauta más nuevu del Mercury 7, Gordon Cooper.
![](https://upload.wikimedia.org/wikipedia/commons/thumb/6/66/Sello_URSS_-_1973%2C_primera_mujer_cosmonauta.jpg/340px-Sello_URSS_-_1973%2C_primera_mujer_cosmonauta.jpg)
Dempués del esitosu llanzamientu del Vostok 5 el 14 de xunu, Tereshkova empezó los preparativos finales para'l so propiu vuelu. Ella tenía 26 años nesi momentu. Na mañana del 16 de xunu de 1963, Tereshkova y Soloviova fueron vistíos colos traxes espaciales correspondientes y llevaos a la plataforma de llanzamientu n'autobús. Dempués de completar les sos comunicaciones y comprobar l'encontu vital, quedó sellada dientro de la Vostok. Dempués d'una cuenta de dos hores, el Vostok 6 foi puestu en marcha ensin errores, y Tereshkova convirtióse na primer muyer en llegar al espaciu.[15] La so señal de llamada nesti vuelu yera Chaika (inglés: Gavilueta, rusu: Чайка), más tarde conmemoráu como'l nome d'un asteroide, 1671 Chaika.[16]
Anque Tereshkova esperimentó estomagaes y malestar físico mientres gran parte del vuelu, y dolor nel pescuezu polo pesao del cascu, orbitó la Tierra 48 vegaes y tuvo casi trés díes nel espaciu.[17] Con un solu vuelu, rexistró más tiempu de vuelu que la sumatoria de tolos tiempos de tolos astronautes estauxunidenses que volaren antes d'esa fecha. Tereshkova tamién caltuvo un rexistru de vuelu y tomó fotografíes del horizonte, que seríen utilizaes para identificar les capes d'aerosol de l'atmósfera.[18]
Vostok 6 foi'l vuelu final de la misión Vostok, y foi llanzáu dos díes depués de Vostok 5, que condució a Valeri Bykovski a una órbita asemeyada mientres cinco díes, aterrizando trés hores dempués que Tereshkova. Les dos naves averáronse a cinco quilómetros nun puntu, y Tereshkova comunicó per radio con Bykovski y con Khrushchov.
A pesar de qu'esistíen planes pa futuros vuelos con cosmonautes muyeres, pasaron 19 años hasta que la segunda muyer, Svetlana Savítskaya, voló al espaciu. Nenguna de les otres cuatro muyeres del grupu de Tereshkova voló, y n'ochobre de 1969 el grupu foi disueltu.
Serguéi Koroliov taba descontentu col comportamientu de Tereshkova n'órbita y nun se-y dexó tomar el control manual de la nave, tal que taba entamáu. Anque taben previstos más vuelos nos que participaren muyeres, pasaron 19 años hasta qu'otra muyer, Svetlana Savítskaya, viaxara al espaciu. Nenguna de les otres cuatro cosmonautes del grupu de Tereshkova viaxó al espaciu. Ella mesma era consciente d'esta situación y asina lo espresó na primer entrevista que dio a un periodista español n'ochobre de 1967.[19]
Tres la misión espacial estudió na Academia de la Fuercia Aerea de Zhukovski, y graduóse como inxeniera espacial en 1969. En 1977 recibió'l doctoráu n'inxeniería. Por cuenta de la so prominencia desempeñó diversos cargos políticos: de 1966 a 1974 foi miembru del Sóviet Supremu, de 1974 a 1989 formó parte del Presidium del Sóviet Supremu, y de 1969 a 1991 perteneció al Comité Central del Partíu Comunista. Tuvo políticamente activa dempués del colapsu de la Xunión Soviética y sigue siendo considerada como un héroe na Rusia post-soviética.
En 1997 retiróse de la fuercia aerea y del cuerpu de cosmonautes. Na ceremonia d'inauguración de los Xuegos Olímpicos d'Iviernu de 2014, foi portadora de la bandera olímpica.[20]
El 3 de payares de 1963 casóse col cosmonauta Andrián Nikoláyev (1929-2004) y un añu más tarde dio a lluz a la so fía Yelena Andriánovna Nikoláyeva-Tereshkova (8 de xunu de 1964), qu'agora ye doctora en medicina y que foi la primer persona nacida de dos cosmonautes que salieren al espaciu.[21] Valentina divorcióse del so primer home'n 1982. El so segundu home, el Dr. Shapóshnikov, morrió en 1999.
En 2013, Tereshkova, con 76 años, sorprendió a toos espresando'l so deséu de viaxar a Marte, anque'l viaxe fuera namái d'ida.[22]
Vida privada
[editar | editar la fonte]Tereshkova casó con Andrián Nikoláyev (1929-2004) el 3 de payares de 1963 nel Palaciu de bodes de Moscú, con Nikita Khrushchov presidiendo la fiesta xunto col gobiernu cimeru y los líderes del programa espacial.[23]
El 8 de xunu de 1964, dio a lluz a la so fía Yelena Andriánovna Nikoláyeva-Tereshkova, qu'estudió y graduóse como médicu. Yelena foi la primer persona nacida de dos cosmonautes que salieren al espaciu.[24] Valentina y Nikoláyev divorciáronse'n 1982. Nikoláyev morrió en 2004. El so segundu home, l'ortopedista Yuli Shapóshnikov, morrió en 1999.
Honores
[editar | editar la fonte]- Rusia
- Orde del Méritu de la Patria;
- 2ª clase (6 de marzu de 2007) - pola so destacada contribución al desenvolvimientu del dominiu del espaciu.
- 3ª clase (6 de marzu de 1997) - polos servicios al Estáu y la gran contribución personal al desenvolvimientu del dominiu del espaciu.
- Orde d'Aleksandr Nevski (2013) Orde d'Honor (10 de xunu de 2003) pola so destacada contribución al desenvolvimientu y fortalecimientu de los llazos científicos, culturales y sociales internacionales.[25]
- Orde de l'Amistá (12 d'abril de 2011) pola so destacada contribución al desenvolvimientu del vuelu espacial tripuláu nacional y la so actividá pública.
- Premiu Estatal de la Federación Rusa polos llogros sobresalientes nel ámbitu de l'acción humanitaria en 2008 (4 de xunu de 2009).
- Certificaos d'agradecimientu del Gobiernu de la Federación Rusa;
- 16 de xunu de 2008, por una actividá granible y pública a llargu plazu, una considerable contribución personal al desenvolvimientu del vuelu espacial tripuláu y en rellación col 45º aniversariu del vuelu espacial.
- 12 de xunu de 2003, pol so gran contribución al desenvolvimientu de los vuelos espaciales tripulaos.
- 3 de marzu de 1997, pola contribución al desenvolvimientu del espaciu, el fortalecimientu de los llazos científicos y culturales internacionales y los años de trabayu acuciosu.
- Xunión Soviética
- Honorable Maestra del Deporte (19 de xunu de 1963)
- Héroe de la Xunión Soviética (22 de xunu de 1963)
- Orde de Lenin (22 de xunu de 1963, 6 de mayu de 1981), por avanzar nel desenvolvimientu y fortalecimientu de los venceyos cola comunidá y les fuercies pacificadores de países estranxeros
- Orde de la Revolución d'Ochobre (1 d'avientu de 1971)
- Orde de la Bandera Colorada del Trabayu (5 de marzu de 1987), por actividaes sociales
- Orde de l'Amistá de los Pueblos
- Pilotu-Cosmonauta de la Xunión Soviética
Deséu nunca realizáu
[editar | editar la fonte]Valentina Tereshkova siempres tuvo un deséu que nunca pudo realizar: conducir una llocomotora.[26]
Eponimia
[editar | editar la fonte]- El cráter llunar Tereshkova lleva esti nome na so alcordanza.[27]
Ver tamién
[editar | editar la fonte]Referencies
[editar | editar la fonte]- ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ «BBC Online» (inglés).
- ↑ Afirmao en: Wikipedia n'inglés. Llingua de la obra o nome: inglés. Autor: English Wikipedia community.
- ↑ Afirmao en: catálogu de la Biblioteca Nacional Checa. Identificador NKCR AUT: mzk2004175572. Data de consulta: 1r marzu 2022.
- ↑ URL de la referencia: https://www.nmspacemuseum.org/inductee/valentina-v-tereshkova/. Data de consulta: 17 xunetu 2023.
- ↑ URL de la referencia: http://publication.pravo.gov.ru/document/0001202306160001. Data de consulta: 19 xunu 2023.
- ↑ «Valentina Tereshkova» (inglés). Encyclopaedia Britannica. Consultáu'l 25 d'agostu de 2017.
- ↑ «Valentina Tereshkova, 76, first woman in space, seeks one-way ticket to Mars» (inglés). The Guardian. Science (17 de septiembe de 2013). Consultáu'l 25 d'agostu de 2017.(en). The Guardian. Science (17 de septiembe de 2013). Consultáu'l 25 d'agostu de 2017.
- ↑ «Sochi Olympic torchbearers announced: First female astronaut headlines list» (inglés). Today (8 de xunetu de 2013). Consultáu'l 26 d'agostu de 2017.
- ↑ «Першая жанчына‑касманаўт ў дзяцінстве гаварыла па‑беларуску» (belarusian). Nasha Niva (24 d'abril de 2009). Consultáu'l 3 d'abril de 2016.
- ↑ Ghosh, Pallab (17 de setiembre de 2015). «Valentina Tereshkova: USSR was 'worried' about women in space». BBC News. Consultáu'l 3 d'abril de 2016.
- ↑ Tereshkova, Valentina (2015). Valentina Tereshkova, The First Lady of Space: In Her Own Words. SpaceHistory101.com Press. ISBN 978-1887022996.Tereshkova, Valentina (2015). Valentina Tereshkova, The First Lady of Space: In Her Own Words. SpaceHistory101.com Press. ISBN 978-1887022996.
- ↑ Sever, Megan (xunu de 2014). «June 16, 1963 & June 18, 1983: Valentina Tereshkova and Sally Ride Become First and Third Women in Space». Earth 59 (6): páxs. 60-61. http://www.earthmagazine.org/article/benchmarks-june-16-1963-june-18-1983-valentina-tereshkova-and-sally-ride-become-first-and. Consultáu'l 3 d'abril de 2016.
- ↑ «Valentina Vladimirovna Tereshkova». Yaroslavl Region. Archiváu dende l'orixinal, el 2015-09-04. Consultáu'l 3 d'abril de 2016.
- ↑ Knapton, Sarah (17 de setiembre de 2015). «Russia forgot to send toothbrush with first woman in space». The Daily Telegraph. Consultáu'l 3 d'abril de 2016.Knapton, Sarah (17 de setiembre de 2015). «Russia forgot to send toothbrush with first woman in space». The Daily Telegraph. http://www.telegraph.co.uk/news/science/space/11871598/Russia-forgot-to-send-toothbrush-with-first-woman-in-space.html. Consultáu'l 3 d'abril de 2016.
- ↑ Knight, Kelly (xunu de 2003). «Earth calling Seagull». Astronomy 31 (6): p. 30.
- ↑ «Валентина Терешкова: чьей воле покорялась женщина, покорившая космос» (ruso). RIA Novosti (16 de xunu de 2006). Consultáu'l 3 d'abril de 2016.
- ↑ Tereshkova, Valentina (4 de xineru de 1964). «Three days in outer space». The Saturday Evening Post 237 (1): páxs. 62-63.
- ↑ Diario Vasco, 4 d'ochobre de 1967
- ↑ «First female astronaut Valentina Tereshkova wants one-way Mars ticket». News.com.au (9 de xunu de 2013). Consultáu'l 3 d'abril de 2016.
- ↑ Feldman, Heather. Valentina Tereshkova: The First Woman in Space. The Rosen Publishing Group, 2003. ISBN 0-8239-6246-6
- ↑ «La primera mujer voló al espacio hace 50 años». www.diariolibre.com. Consultáu'l 27 de febreru de 2017. La primera mujer voló al espacio hace 50 años. http://www.diariolibre.com/noticias/la-primera-mujer-vol-al-espacio-hace-50-aos-MDDL388567. Consultáu'l 27 de febreru de 2017.
- ↑ Eidelman, Tamara (2013). «A Cosmic Wedding». Russian Life 56 (6): páxs. 22-25.
- ↑ Feldman, Heather (2003). Valentina Tereshkova: The First Woman in Space. Rosen Publishing Group. ISBN 0-8239-6246-6.Feldman, Heather (2003). Valentina Tereshkova: The First Woman in Space. Rosen Publishing Group. ISBN 0-8239-6246-6.
- ↑ «Noticies de Xapón». Japan-news.com.
- ↑ Alba Amoia, Bettina Knapp. Great Women Travel Writers: From 1750 to the Present (en inglés). A&C Black, 2006. pp. 284-285 de 304. ISBN 9780826418401. Consultáu'l 26 d'agostu de 2017.Alba Amoia, Bettina Knapp Great Women Travel Writers: From 1750 to the Present (n'inglés). A&C Black, 2006, páx. 284-285 de 304. ISBN 9780826418401. Consultáu'l 26 d'agostu de 2017.
- ↑ «Tereshkova». Gazetteer of Planetary Nomenclature (en inglés). Flagstaff: USGS Astrogeology Research Program. OCLC 44396779.«Tereshkova» (inglés). Gazetteer of Planetary Nomenclature. Flagstaff: USGS Astrogeology Research Program.