Wikcionariu:Cómo puedo collaborar
Fai la to primer entrada numái en cuatro pasos
[editar]¿Cómo crear una entrada que nun esiste?
[editar]Tienes delles formes. La más cenciella ye introducir el términu de la entrada (respetando tolos acentos y signos diacríticos que tenga la pallabra, y si ésta s'escribe con minúscula o mayúscula inicial -alcuérdate que'l Wikcionariu sí distingue entre pallabres entamaes por lletra mayúscula y por lletra minúscula) nel buscador y calcar el botón Dir. Si nun ta yá nel Wikcionariu, apaecerá un enllaz encarnáu col testu esti enllaz. Síguilu y podrás entamar a escribir.
¿Cómo-y doi forma al testu?
[editar]Los testos en negrina, los títulos de cabecera, les cursives... fáense col códigu previstu pa caún d'esos estilos. Lo más fácil ye emplegar el menú qu'apaez enriba la caxa au escribes. Esi menú permítete tamién inxertar semeyes, enllaces a webs esternes o a entraes del Wikcionariu, o separtar el testu con llinies horizontales. Pero lo meyor ye qu'entames a escribir el códigu darréu. Asina, la negrina faise zarrando'l testu a destacar ente trés apóstrofos. La cursiva consíguese con dos apóstrofos.
'''Esti testu saldrá en negrina''' ''Esti en cursiva''
- Pa separtar párrafos, nun val con calcar na tecla "enter" una vegada. Tienes que-y dar dos. Y si quies facer testu en sangría has d'entamar la frase con dos puntos (:), (::) o (:::).
:Esta llinia ta desplazada. ::Esta talo más. :::¿Quién sabe au pue llegar? :-)>
¿Cómo desarrollo'l testu de la entrada?
[editar]Lo primero que tienes que facer ye poner la plantía pa indicar la llingua pa los significaos d'esa entrada. En Wikcionariu recuéyense tolos significaos que pue tener una mesma pallabra nes diferentes llingües, polo que ye perimportante emprimar la información qu'escribamos indicando enantes de too la llingua a la que pertenez esa información que damos darréu. Faise escribiendo'l códigu de la llingua (de dos o trés lletres) rodiada d'un signu d'igual, dos llaves y un guión (al entamu, y al final lo mesmo pero nun orde inversu). Como tamos nel Wiktionary n'asturianu, la primer llingua qu'apaecerá siempre nuna entrada (si ye qu'esiste n'asturianu) sedrá siempre na nuestra llingua; la información correspondiente a otres llingües vamos ordenala alfabéticamente pol nome de les llingües (y non pol del códigu), y depués de la información pal asturianu (si la hubiere):
={{-ast-}}= pal asturianu
={{-af-}}= pal afrikaans
={{-it-}}= pal italianu
={{-pt-}}= pal portugués
={{-ja-}}= pal xaponés
Depués d'esto, has poner la plantía pa categorizar gramaticalmente los significaos qu'añadas a la entrada.
=={{sustantivu}}== pa sustantivos
=={{verbu}}== pa verbos
=={{contraición}}== pa contraiciones y xuntura de pallabres
Pero enantes d'empezar coles definiciones, cal que pongas nestes plantíes el códigu de la llingua; asina vas iguar les entraes nes categoríes y vas creales automáticamente, ensin que seya preciso escribiles a lo cabero la entrada. Depués d'esto, yá pues incluyir les definiciones y la información pa la entrada, precediendo col signu #.
=={{sustantivu|ast}}== asina la entrada va quedar rexistrada na categoría de «Sustantivos asturianos»
=={{verbu|en}}== asina la entrada va quedar rexistrada na categoría de «Verbos ingleses»
=={{contraición|fr}}== asina la entrada va quedar rexistrada na categoría de «Contraiciones franceses»
Hai otres plantíes pa otra información, que podemos poner detrás de la plantía de llingua o de la categoría gramatical, o enantes de la definición o depués d'ésta; estes otres plantíes son pa indicar la pronunciación, la etimoloxía, les traducciones a otres llingües d'esa entrada, variantes, etc... Pa poner un exemplu, na entrada "yes" podríemos escribir esto:
={{-ast-}}= pa indicar que la información que vien darréu ye pa la pallabra en llingua asturiana
=={{verbu|ast}}== pa indicar que se trata d'un verbu o forma verbal, na llingua anterior
# 2ª persona singular presente d'indicativu de '''ser''' la información pa definir esa entrada, nesa categoría gramatical y nesa llingua
={{-en-}}= pa indicar que la información que vien darréu ye pa la pallabra en llingua inglesa
=={{alverbiu|en}}== pa indicar que se trata d'un alverbiu, na llingua anterior
# Sí. la información pa definir esa entrada, nesa categoría gramatical y nesa llingua
Una llista completa pa saber les diferentes plantíes (y los sos códigos) pues velos equí.
¿Cómo faigo los enllaces?
[editar]El códigu pa facer enllaces a entraes esistentes nel Wikcionariu faise zarrando con dos corchetes el testu de la pallabra que quies enllazar. Esto podemos usalo sobre manera con pallabres nes definiciones d'otra:
yes
={{-ast-}}=
=={{verbu|ast}}==
# 2ª [[persona]] [[singular]] del [[presente]] d'indicativu de '''[[ser]]'''
Si quies facer l'enllaz pero'l títulu nun cuadra nel testu, tamién pue facese. Usando l'exemplu anterior, si queremos enllazar pa la definición de 2ª, tenemos de facelu asina:
[[segunda|2ª]]
Recuerda que wiktionary diferencia ente lletra mayúscula y lletra minúscula. Asina, si la pallabra que queremos enllazar ta escrita nel testu con mayúscula porque ta detrás de puntu o ye la primer pallabra de la fras, tenemos que facer l'enllaz como nel casu anterior:
={{-en-}}=
=={{alverbiu|en}}==
# [[sí|Sí]].
Y yá ta. En cuantes que lo tengas too fecho, namás te queda calcar el botonín de Grabar páxina. Si nun tas seguru de lo bien que tea escritu, pues echa-y enantes un güeyu calcando en Previsualizar.
Igües nuna entrada
[editar]Iguar una entrada ye entá más fácil. Namás tienes que la buscar, y calcar na pestaña d'igües (editar, na parte superior de la pantalla). Entós apaecerá la caxa d'igües au pues modificar lo que tea mal o ampliar con nueva información.
Recuerda que tienes que respetar les polítiques de los wikiproyectos en cuantes al puntu de vista neutral, usu de material propio o con llicencia llibre (ensin copyright), y que si te da por facer tochaes vas ser bloquiáu por un alministrador ;)
Delles cuestiones d'interés
[editar]Nel Wikcionariu, como na Wikipedia, ye importante la categorización de les entraes. En munchos de casos, por embargu, y a diferencia de wikipedia, nun fai falta escribiles al final del testu d'una entrada, por mor de que munches de les plantíes que vas usar yá inclúin la categoría precisa pa la to entrada y definición, como pudiesti lleelo más enriba.
Asina y too, pues creales y incluyiles como se fai na wikipedia → namás tienes qu'escribir el siguiente códigu al final del to testu:
[[Categoría:la que seya]]
Si nun ta creada, apaecerá'l nome de la categoría encarnáu. Síguilo, y na caxa testu qu'apaez escribe darréu el códigu pa una categoría superior que yá esista. Por exemplu:
[[Categoría:Nomes propios uzbecos]]
Suponiendo que la estaya de nomes propios uzbecos nun esiste, sigui l'enllaz, que te llevará a la caxa d'igües de la nueva categoría que creasti, y asóciala a una o delles categoríes superiores:
[[Categoría:Nomes propios]] [[Categoría:Uzbecu]]
Interwikis
[editar]Otra cuestión importante son les interwikis. Son los enllaces a la mesma entrada nos wikcionarios n'otros idiomes. Enantes, teníemos que los poner manualmente. Pero dende un tiempu, como na Wikipedia, los interwikis son proporcionaos por wikidata. Poro, yá nun fai falta ponelos, apaecerán automáticamente.